LUKAS 2:32 - Nanduk Ngget Tul Pidnak Wene

³² At iri-nen-e kat keram lobok yuwakluk, enlem nin nap untula yaya rak posolat kat kelem nap Isarael nap unnu kek tak puwa nap-nen yusu-o” luk yij-o.

LUKAS 2:32 Iomraidhean Croise

YESAYA 45:25

Alat nde, Yakup-nen wigarag-e inmiri yosola, it-nen-e Nagawan Indo an nerembel wanuwa-o.

YESAYA 49:6

Nagawan Indo-nen an yak norosolar-e: ”Ndegel noboso nap wa-e. Yabu mondok nggok terak minik lombog-e kat-nen wanurak worasu-o. Kat-nen wanurak yabu-ge Yakup-nen wigarak erep minggirik ereba kek tak woraiga ereba na tuguruk kek tak onposolat, enma inpil mborosolat kwarurak iri nak worasu-ge lag-o. Alat nde, yi wi ndi wi oboksa-nen inmiri yuwakluk, an-nen kar-e ap enlem oboksa ennggendumu yaya rak kibimin-o” luk yij-o.

YESAYA 49:9

Nde, an-nen-e o kubu me inpidnak nab-e wesera wirik onposolat, nde, ndamuk arem woragwi nab-e yaya bem inpil mborosolat kwarimin-o. Iri-nen ndobo mondok usu nggwarak pem wolma-t nde, ndak irit woragolat, tula ereba mborogolat na nunggwi mende-ge nil nal nak mburuwa-o.

YESAYA 60:19

Lengge-ge mo kebem yarosolat, nde, kubu-ge waneya-nen yaya rak kobosolat wolma bug-o. Nagawan Indo an-e pem irit kat yaya rak koboso kwat yosolar-e, pempa nabinal-nen yaya rak kobosolat woramin-o.

YESAYA 9:2

Ndamuk arem waring kaiga nap iri-ge yaya abinal worak kaiga-o. Nde, abu kan ndamak pem woraiga nab-e yaya elem iri na-nen yaya rak unpusu-o.

YEREMIA 2:11

Ap enlem mbi-nen mbi it-nen erembel wanugwi iri-ge ndemeret mbal pem nagawan-e lag-et nde, it-nen-e iri na keya buruk, enmbal pem nagawan misik erembel wanugwi bug-o. Alat nde, an nilirag-e unnu kek tak poso Enmbal Pem Nagawan an keya nuburuk, yi kwatlik ndi kwatlik mondok kwaroso buk kugwiwak ereba na an nondolma sa erembel wanili-o.

MATIUS 4:16

Ndamuk pem woragwi nap-nen-e yaya nggulok mbi kaigo-o! Nde, wat momtak elem ugumak-nen yemendak unpuruk woragwi nap enmanggim-e mo pil wagaij-o!” luk yij-o.

LUKAS 2:10

Yogolikma-ge, aid nap iri-nen it yak ondosolar-e: ”Kwiye kali-ge meyog-o! Yi nap ndi nap oboksa enalen tak purak konak wene irit yak kindil lobok yigi-o.

YIDNAK YIDNAK WENE 26:23

It-nen yogolar-e: ’Mesias-e mondok yane-t wuruwa-o. Nde, at iri-ge wat yidnak nap ennggendumu-nen nandug-et uruk yuwa-o. Nde, uruk lug-e, at-nen-e nit nenlem nap na irit, enlem nin nap na irit yaya wene yak unduwa-o’ luk irit yiga-o” luk Paulus-nen yij-o.

YIDNAK YIDNAK WENE 28:28

Iri bem-e mondok kenaru wolmer-o. Mbal Pem Nagawan-nen ap inmiri yurak wene yu-ge enlem nin nap endam wirik pij-o. It-nen perak kuluwa-o” luk yak indij-o.

1 KORINTUS 1:31

Iri ala-ge, Mbal Pem Nagawan engga mbarak pem-nen yosolar-e: ”Ta-nen nde indi kek tak posolat ala-ge, Nagawan Indo ebem-net indi kek tak puwag-o” luk yij-o.

NAM PARA WENE 21:23

Nde, o siri iri me-ge Mbal Pem Nagawan abinal-nen yaya rak posolat, tal ebe-ge Lomba Wam Marik-net yusu me, o siri iri me-nen-e mo min waneya min eyaya ukwe-ge mondok lag-o.