LUKAS 2:27 - Nanduk Ngget Tul Pidnak Wene

²⁷ Konak Indi-nen lit kurug-e, Simeon na-ge Mbal Pem Nagawan ama nggwij-o. Nde, ”Irit kwarurag-o” luk yidnak na ndak ndak tak pogolar-e, Yusup min Maria min-nen la marik Yesus na waruk Mbal Pem Nagawan ama nggogola-ge,

LUKAS 2:27 Iomraidhean Croise

MATIUS 4:1

Iri luk, Sere-nen at indi ngaruwakluk Konak Indi-nen Yesus ndemil uburuk karu me mbirij-o.

LUKAS 2:22

Musa-nen imiri mbarak pidnak wene yak indidnak iri na ndak ndak tak pogolar-e, kusimin lak tak pogolat, tu mburugwi tarem wok yosola-ge, Yesus na Mbal Pem Nagawan amanggim puwokluk, Yerusalem waruk mbiriga-o.

LUKAS 2:28

Simeon na-ge la na kambok turuk-nen Mbal Pem Nagawan erembel wanosolar-e:

LUKAS 2:41

O Anggul Pandok Mbiridnak tarem na yebet kagolat saguwokluk-nen pempa olengen irit wosa Yesus eid ija-ge Yerusalem mborogolat woragwi-o.

LUKAS 2:48

Iri kwarosola karuk, at eid ija na wi lug-e, at ija-nen yak tosolar-e: ”Nambara wa-e. Kar-e noluk-nen yu nggal kwat ninpigen-o? Kat kombo nenmbereg-e kogore yogolat, pabok pil waring kaige-o” luk yak tij-o.

LUKAS 2:51

Alama-ge, Yesus na it inmin luk Nasaret mberarig-e, eid ija-nen yidnak yidnak irit kwarosolat woragaij-o. Nde, at ija-nen-e iri kwaridnak wene pidsa-ge arem tak puruk woragaij-o.

LUKAS 4:1

Yesus na-ge Yorodan arem-nen mborosoma-ge, Konak Indi-ge at arem kobong yosolar-e, Konak Indi-nen wok uburuk, karu me ap lak ma ibil mbirij-o.

YIDNAK YIDNAK WENE 10:19

Peterus na-ge: ”Nabi nggal nde kagi yu-ge no mende nde kagi-o?” luk indi mbel tenak worasoma-ge, Konak Indi-nen at yak tosolar-e: ”Ap kenan-nen kat kogore yili-o.

YIDNAK YIDNAK WENE 11:12

Wok yogola-ge, Konak Indi-nen an yak norosolar-e: ’Kindi angin lag-et inmin mbiri-o’ luk yak norosoloma-ge, nanggamirak ap enam yu-ge totno mbirigerig-e, ap iri na ama nggwige-o.

YIDNAK YIDNAK WENE 16:7

Nde, ir-e Misia wok lug-e, Mbitinia nggweyak pem ngguwokluk yiga-t nde, Yesus Indi-nen-e puk tak inpij-o.

YIDNAK YIDNAK WENE 8:29

Nde, Konak Indi-nen Pilipus yak tosolar-e: ”Kar-e mburugundik, nggweyak koma iri eram panggosa mbiri-o” yak tij-o.

NGGALATIA 4:4

Alat nde, iri kwarurak tarem-e ndak yosola-ge, Mbal Pem Nagawan-nen-e at ambik ambara ibil lobok yosola, at ambara na-ge ki kwami-nen ndet ebamu-ge, imiri mbarak pidnak wene urugwe nggwe worala-ge,

NAM PARA WENE 1:10

Nde, Nagawan Indo-nen idnak tarem-nen-e Konak Indi an narem nggosola-ge, an nombol nggwe-nen ene nggulok mbi, posid poba ene nggal, iri-nen wene yosola, kuligi-o.

NAM PARA WENE 17:3

Iri luk, Konak Indi an nebem mbosola-ge, aid nap iri-nen an wok nuburuk, karu me nibil mbirij-o. Nde, iri me-nen yik kaginggal-e, kwe misig-e ndakngge isilepma worak mimi iri ombolwak pem koreyak worala kagi-o. Nde, ndakngge isilepma worak iri na ebem-e Mbal Pem Nagawan imbiri lamut tak pidnak unnu ereba na-ge ebem mbarep parep kagi-o. Nde, ndakngge isilepma worak iri-ge anggul-e tuju, nde, anggul ambo-ge sepulu kagi-o.