LUKAS 2:13 - Nanduk Ngget Tul Pidnak Wene

¹³ Ereya na-net aid nap na imin-e aid nap mondok kwarat nam luk, Mbal Pem Nagawan erembel wanogolat-nen ndawi yogolar-e:

LUKAS 2:13 Iomraidhean Croise

NDAK WIRIDNAK WENE 28:12

Nene yosolat nabi bem yik kagaidnggal mbera misig-e ereb-e nggweyak pem-nen mbal kundugu worala, aid nab-e mbera iri na bem lagolat mbuwagolat kwarogola, eneyagaij-o.

1 NAGAWAN NAGAWAN-NEN KWARIDNAK WENE 22:19

Mika-nen tuguruk yosolar-e: ”Yawo-ge Nagawan Indo-nen yidnak yu kuli-o. An yik kaginggal-e, aid arem iri me Nagawan Indo-ge at-nen koreyak woraso bem koreyak worala-ge, at-nen idnak aid nab-e oboksa eralu mendak eneyagi-o.

AYUP 38:7

o nda nda wonaru ereba na lambuksa ndawi yogolat, aid arem woragwi ereba na enalen-nen enne lek kagolat yiga-o?

NDAWI ENGGA 148:2

At-nen idnak aid nap oboksa wa-e. at nak erembel waner-o! Aid arem woragwi san ombo oboksa wa-e. At nak erembel waner-o!

YESKIEL 3:12

Iri yosola-ge, Mbal Pem Nagawan Indi-nen an-e lek neyaruk lagaij-o. Iri yosola, nombol nggwe-nen ene o nggu nggal pem-nen yosolar-e: ”Nagawan Indo aid arem iri me abinal worak woraso iri na erembel wanurag-o!” yosola, kuligi-o.

NDANIEL 7:10

Nde, at koreyak woraso ondoro iri me-nen-e kanduk misik yi nggal urusu kundugu mborosola kagi-o. Nde, ap kwarat (ribuan)-nen-e at ndegel obogola eneyagi-o. Ap mondok kwarat (jutaan)-nen-e at eram mendak woragola eneyagi-o. Woragolar-e, ap enpem wene mbarugwi tel korogolar-e, engga ereba na-ge pinggiril lobok yiga-o.

LUKAS 15:10

An yak kendeyeg-o. Iri nggal, meya yoso nap misik at meya yidnak keya buruk, kondok yosola-ge, Mbal Pem Nagawan-nen idnak aid nap-e kijik kijak kwarat witli-o” luk yij-o.

LUKAS 2:12

Nde, yu bem-nen kenaru yugub-o. Mburugupndig-e, la nggisiya mbi sum-nen perena keya buruk, sapi wam mburu naso ondoro e mbet-nen konidnak iri me mbinggirik nde kagub-o” luk yak indij-o.

LUKAS 2:14

”Mbal ombol nggwe-nen-e Mbal Pem Nagawan erembel wanuwag-o! Nde, nggweyak ma yu-nen-e Nagawan Indo indi alen tak pugwi nab-e yamuksa wolmag-o!” luk yiga-o.

EPESUS 3:10

Kura woragaid iri-ge, yawo-nen-e lambuk tak inpidnak nap-nen-e Mbal Pem Nagawan indi nggat nggat elem nin tak nan tak iri-ge aid arem pemerinta min aid arem tena woragwi min mirik unpuwakluk yij-o.

1 TIMOTIUS 3:16

Nit-nen Mbal Pem Nagawan erembel wanugwi kura bidnak wene iri-ge ndemeret nggok lombok-nen yusu-o: ”At ondomok-net ki nap enpage nggal luk, nam yij-o. At lud tak nak kwaroso iri-ge Konak Indi-nen nam tak pij-o. Aid nap inmbiri bem nam yij-o. At owene-ge Mbal Pem Nagawan enaru buk nap ennggendumu yiga-o. Nggweyak ma yu me-nen inndi-ge at ebem angin tubu yiga-o. Abinal pem lek karuk lagaij-o.”

IBERANI 1:14

Iri ala-ge, it aid nap iri-ge no mende-nen yili-o? It oboksa-ge Mbal Pem Nagawan ndegel obogolat, Mbal Pem Nagawan-nen urul pidnak inmiri yurak wene iri na wanurak nap yongga unduwakluk wirik onposo indi-nen yili-o.

1 PETERUS 1:12

Nde, Mbal Pem Nagawan-nen at ene lomboksa yugwi nap yak indid iri-ge, it ondomok enmanggim yak indigit lag-o, Are, kit kenmanggim-et yak indij-o. Kit yawo kwara kulili Aid Wene iri-ge aid wene yugwi nap-nen-e aid arem-nen mbuwaidnak Konak Indi na amawi bem-nen mul kindiga-o Nde, wene iri-ge aid nap-nen na enaru momtag-e ukwe worag-et worali-o.

NAM PARA WENE 5:11

Iri luk, an-nen tuguruk yik kaginggal-e, aid nap kwarat, mondok wonarurak puk nggal iri na enne anggu kuligi-o. It iri na-ge nagawan koreyak woraso ondoro na min untugup worak mende empat ereya na min enne kulugwi nap ereya na min lop lop indigarik, mendak woragolar-e,