LUKAS 19:5 - Nanduk Ngget Tul Pidnak Wene

⁵ Lagarik worasoma-ge, Yesus na e iri na erem pem wok yosolar-e, teram lik karuk-nen Sakius na yak tosolar-e: ”Sakius wa-e. Yawo-ge kat kama nggwimin me, kar-e ndag-et nak mbuwasug-o” luk yak tij-o.

LUKAS 19:5 Iomraidhean Croise

AID WENE YOSO NAP 9:10

Kat abog-e ap watluk ndok wurugwi sa mburugun-o. Nde, iri me-ge yebet kagwi min yabu min enaru yugwi mende min inndi tenggerak woragwi min-e watluk ndok wurugwi sa-ge lak me, kat-nen yabu oboksa wanosolar-e, kamawi min-et wanosolat nak wolmomtag-o.

LUKAS 19:10

Nde, Ap Ambara an lobok yigi-ge, pul yidnak nap onkore yaga, inmiri yaga wok endeyekluk lobok yukmu-o” luk yij-o.

LUKAS 19:2

O iri me-ge isilobulo worak nap pemerinta enmanggim tol ndok wurugwi nap enanggul pem kek tak unu-ge Sakius irit woragaij-o.

LUKAS 19:4

Meya alama-ge, at na nandug-et puburak mberarik, Yesus na wasola mbel kayeg-o luk, ar-e e bem lagaij-o.

LUKAS 19:6

Yosoloma-ge, Sakius na ndag-et nak mbuwagarik, alen min-et Yesus na wok ibij-o.

YOANES 1:48

Yosoloma-ge, Natanael-nen Yesus kin wok obosolar-e: ”Kar-e nggesa-nen an karu yigen-o?” luk yosoloma-ge, Yesus-nen at yak tosolar-e: ”Pilipus-nen awo wene mbo kibigit lak ma-net kar-e e elem pem koreyak worala, keyagi nar-o” luk yak tij-o.

YOANES 14:23

Yosoloma-ge, Yesus-nen at yak tosolar-e: ”An nabuwa kaso nap-nen-e an-nen yidnak yidnak nak kwaruwa-o. An Neid-nen-e at abuwa kasolat, nde, an Neid nenmbereg-e at eram lobok yulndik, at imin wulmul-o.

2 KORINTUS 6:1

Nir-e Mbal Pem Nagawan imin yabu misiget erep wanugwi nap nit-nen nggomo kindili-o: Mbal Pem Nagawan-nen we wok ondoso elem wanigep iri na-ge ebe lak mende rak purak pug-o.

EPESUS 3:17

it inndi angin tubu yidnak pem Kerisut-e it inndi arem wolmag-o” luk kenmanggim tepan yoso-o. Kir-e ap enabuwa kagwi elem iri na bem kenmengen kwen yogolat, iri bem na tugup lak woragolar-e,

IBERANI 13:2

Kir-e kit-nen eneyagwi buk nab-et nde, kenma rak unpurak iri-ge meme rak purak pug-o. Ap erep-nen iri nggal kwariga bem-e enaru bug-et nde, aid nap nde enma rak pikma-o.

NAM PARA WENE 3:20

Yu ker-o. An-e tumende bem men yigirik, tu lel lel kasu-o. Ap mbi-nen an nene kuluruk, tu kuwarak posola-ge, an-e at ama nggwimindik, at imin totno nonggolat, nde, at-nen na an totno nonggolat wulmul-o.