LUKAS 19:47 - Nanduk Ngget Tul Pidnak Wene

⁴⁷ Pempa Yesus na Mbal Pem Nagawan ama-nen ap mul ondosolat woragaij-o. Worala-ge, it tepan omborak nagawan min imiri mbarak pidnak wene enaru nap min Yawuri nap ennggendumu-nen enne kulugwi nap min-e Yesus wururak tu kore yogolat woraiga-t nde,

LUKAS 19:47 Iomraidhean Croise

MATIUS 21:23

Nde, Yesus na-ge Mbal Pem Nagawan ama nggwarik, ap mul ondosolat worasoma-ge, it tepan omborak nagawan nagawan nde Yawuri nap ogore yidnak nap nde, at eram lobok luk-nen at kin wok obogolar-e: ”Kar-e ta amawi bem-nen yi kwatlik ndi kwatlik kwarusu-o? Nde, ta-nen ’Iri kwari-o’ yak kiridnak pem-nen iri kwarusu-o?” luk yiga-o.

MATIUS 26:55

Iri yuruk, Yesus-nen ap kwarat na yak ondosolar-e: ”An-e yariya wanoso nap ala-nen posid tege min nggwambu min parugu an tena nubuwokluk yili-a? An-e pempa Mbal Pem Nagawan ama koreyak worasolat-nen ap mul ondosolat woraigi-t nde, tena nibigit lak yigeb-o.

MARAKUS 11:18

Mul ondosoloma-ge, tepan omborak nagawan nagawan min imiri mbarak pidnak wene enaru nap min-e Yesus-nen yid wene kuluruk, at-nen mul indidnak wene bem ap pidsa-nen wi langgu mbarugwi ala karuk, it-nen-e at ugwiye-nen at wuruwokluk tu kore yiga-o.

MARAKUS 12:12

Yosoloma-ge, Yawuri nap ap yok nggok ereba-nen-e: ”Nden karuk wene yid yu-ge nir-et yak nindij-o” luk Yesus tenaguwokluk yiga-t nde, ap kwarat ereba na enaye-nen at keya buruk, mbiriga-o.

MARAKUS 14:1

Mberen nak nene luk, O Anggul Pandok Mbiridnak yebet kagwi tarem min Oroti Lomboroso Mende Pigit Lak Worakwi tarem min yebet kujwokluk woragolar-e, tepan omborak nagawan nagawan min imiri mbarak pidnak wene enaru nap min-e mbik mbok Yesus tenaguruk, wururak wene mbarogolat woraiga-o.

MARAKUS 14:49

An-e pempa kit kinmin Mbal Pem Nagawan ama-nen ap nggomo ondosolat worasola-ge tena nibigit lak yigeb-o. Alat nde, Mbal Pem Nagawan engga bem-nen mbaridnak iri na ndak makluk-net kwatli-o” luk yij-o.

LUKAS 19:48

ap pidsa-ge at-nen yidnak wene kulurak inndi nak yogolat, at-nen yidnak wene nak kologola karug-e, at wururak meya nde agaij-o.

LUKAS 20:19

Wene iri yid tarem ereya na-net, ”Nden karuk wene yu-ge nit-et yak nindij-o” luk it imiri mbarak pidnak wene enaru nap min tepan omborak nagawan min-nen Yesus tenaguwokluk yiga-t nde, ap kwarat iri enaye-nen larok yiga-o.

YOANES 10:39

Iri yosoloma, wandak at tenaguwokluk yiga-t nde, it ininggem-nen mengga mbirij-o.

YOANES 18:20

Kin wok obosoloma-ge, Yesus-nen at yak tosolar-e: ”Ap pidsa wene yak ondosolar-e, an-e pempa ap pidsa inmbiri bem nam-et nak yoso-o. An-e ap mirik onposolar-e, Yawuri nap pidsa ndok wurugwi sa tepan yugwi ma-nen na, Mbal Pem Nagawan ama-nen na mirik onposolat woragi-o. Nde, an-e kurasa wene mbi yoso bug-o.

YOANES 7:19

Imiri mbarak pidnak wene na-ge Musa-nen wok kindid na-ge lag-a? Alat nde, kir-e misiger-o luk tet imiri mbarak pidnak wene iri-nen yidnak yidnag-e kwatli bug-o. Kir-e noluk-nen an nuruwokluk yili-o? luk yak indij-o.

YOANES 7:44

It erep-nen-e Yesus na tenagurak inndi peraigat nde, at tenagurag-e kwiye ala, keya biga-o.