LUKAS 19:44 - Nanduk Ngget Tul Pidnak Wene

⁴⁴ It-nen-e kat min kat keleget arem woragwi nap min-e mondok irit lak tak kunpuwa-o. Nde, iri kwat konpogolar-e, kerep ebem lud lud kona pidnak misiger-o luk tet wolma bug-o. Mbal Pem Nagawan-nen kimiri yekluk lobok yosola, yenggerak pigit lak yigen pem, iri nggal kwat kubuwa-o!” luk yij-o.

LUKAS 19:44 Iomraidhean Croise

NDAWI ENGGA 137:9

Kat kilirak nggisiya wanuruk, kerep pem nggwin iniyujwa nab-e enalen kujwag-o.

NDANIEL 9:24

Olengen tuju kali tuju pulu ereya worarug-e, Mbal Pem Nagawan-nen kat kelem nap min kuwi siri marak iri min-e yi meya ndi meya kwarugwi min meya kwarugwi elem min arem-nen wesera keya unpurak irit wat tak pidnak worasu-o. Nde, yi meya ndi meya oboksa amberam tak posolat, pempa lud tak mot mot kwarugwi nak nggok tak puwa-o. Iri kwat yosola-ge, kat-nen nabi bem nggal kaigen iri na min ebe-ge iri nggal-nen yusu-o luk yidnak min-e ndak ndak irit kwat ma-o. Iri yosolar-e, Nagawan Indo uwi marak iri na-ge tuguruk Nagawan Indo erembel wanugwi rak puwa-o.

NDANIEL 9:26

Angin worak tarem ereya woraruk, worok yosola-ge, Mbal Pem Nagawan-nen lena pil lobok yidnak ap lit unpuruk noso nap iri na-ge ar-e meya kwarigit lag-et nde, wuruwa-o. Worogola-ge, nagawan misik-nen idnak esan ombo lobok yogolar-e, Yerusalem iri na min Nagawan Indo wi iri na min-e mondok ondoro min abu lak tak puwa-o. Iri kwatluk ombol nggwe-ge Mbal Pem Nagawan-nen ’Iri nggal-et kwaruwa-o’ luk lud tak pid iri na ndak ndag-et wim nab-e yi ebe nggal irit lobok yogolat inmin wim mborogolat, yigisa lak tak unpuwa-o.

MIKA 3:12

Kit-nen meya kwarugwi iri-nen ndowaga Sion Ndobo iri na-ge yigisa keya bogolat, Yerusalem-e yud tud mbosolat, ndobo Mbal Pem Nagawan uwi worak worasu iri na-ge egere nggok lasolat kwat ma-o.

MATIUS 24:2

Alama-ge, at-nen it yak ondosolar-e: ”Ye. Kir-e o yu pidsa kwara ker-o. An-nen yak kendeyeg-o: O yu worogolat kona mendagil laidnak kerep yeba-ge ebem lud lud misiget tet iniksa wolma-ge lag-o. Pidsa mijarak puwa-o” luk yij-o.

MARAKUS 13:2

Yosoloma-ge, Yesus-nen at yak tosolar-e: ”Kar-e o nggulok wiridnak yeba nde kasu-a? Kerep kona mendagil laidnak yeba-ge iniksa kona wolma bug-o. Pidsa mijara lak tak puwa-o” luk yak tij-o.

LUKAS 1:68

”At elem nap yongga ondosolat, wisirik enpeyekluk lobok yid Isarael nap Enmbal Pem Nagawan, Nagawan Indo iri nak erembel wanuwog-o.

LUKAS 1:78

Nde, nit Nenmbal Pem Nagawan-e indi konak, enabuwa kaso me, nit ninmiri yeklug-e, o kuplila molengen kona pil wasu iri nggal lobok yij-o.

LUKAS 19:42

Yip tosolat-nen yosolar-e: ”Yerusalem wa-e. Kar-e yamuksa wolmomtak yawo-nen karu nggal-nen-e konak lombog-et nde-o! Alat nde, yamuksa woragwi iri-ge yawo-nen-e kat kerengen-e kagun pug-o.

LUKAS 21:6

”Kir-e o yu kali yu-ge abog-e o yu worogolat kerep kona mendagil laidnak yu-ge iniksa wolma-ge lag-o. Mijara lak tak puwa-o” luk yij-o.

1 PETERUS 2:12

Enlem nin nap ennggenggerak woragolar-e, kit-nen kwarugwi mende-ge konak nak kwarugup na-e. Iri nggal kwarogola-ge, it-nen-e kir-e meya kwarugwi nab-o luk konpok puwokluk yuwa-t nde, kit-nen kwaridnag-e konak nak ala-ge, Nagawan Indo lobok yuwa tarem-e ir-e Mbal Pem Nagawan erembel wanuwa-o.