LUKAS 19:42 - Nanduk Ngget Tul Pidnak Wene

⁴² Yip tosolat-nen yosolar-e: ”Yerusalem wa-e. Kar-e yamuksa wolmomtak yawo-nen karu nggal-nen-e konak lombog-et nde-o! Alat nde, yamuksa woragwi iri-ge yawo-nen-e kat kerengen-e kagun pug-o.

LUKAS 19:42 Iomraidhean Croise

NDAWI ENGGA 32:6

Iri bem-e indi angin tubu yidnak nap enpem nde indi kabak tak poso mende mbosola-ge, tepan-et yurag-o. Iri yogola-ge, indi kabak tak onposo mende kwiye worak enpem mbuwa-t nde, iri-nen urugwe nggwe rak unpuwa bug-o.

YESAYA 44:18

Nde, ap iri nggal kwatli iri-ge mondok ndemeret wid-net yili-o. Iri kwatli nab-e enlengen min inndi erengen min-e ndamuk muruk tak yebet kagwi buk-nen yili-o.

YESAYA 55:6

Nagawan Indo worasola ya-t at eram mberer-o. At koroga worala ereya-t wene mbo eber-o.

YESKIEL 33:11

It yak ondosolar-e: ’Nagawan Indo Mondok Kek tak, Mbal Pem Nagawan nuruk woraso nowag-o. An-e meya yugwi nap wat yurak iri-ge mondok nisili-o. Alat nde, an nindi-nen-e meya yugwi nap iri-ge it unluk irit wolmakluk it-nen meya kwarugwi iri keya burak irit nindingen-o. Isarael nap wa-e. Kit-nen meya kwatli keya ber-o. Noluk-nen kir-e wat yurak kindingen tak pili-o?’ luk yak indi-o.

LUKAS 19:41

Nde, Yesus na-ge Yerusalem panggosa wok luk, o siri na yik karug-e, o na ubud-nen yip tij-o.

LUKAS 19:43

Nde, misik tarem-e kat kimin wim nap-nen kat kambuk tak kuburuk, kat mburugun naru leget wa kuburuk, tu ponok-nen ponok-nen ngguwagolar-e, kebem mbud momtak tarem wok ma-o.

LUKAS 19:44

It-nen-e kat min kat keleget arem woragwi nap min-e mondok irit lak tak kunpuwa-o. Nde, iri kwat konpogolar-e, kerep ebem lud lud kona pidnak misiger-o luk tet wolma bug-o. Mbal Pem Nagawan-nen kimiri yekluk lobok yosola, yenggerak pigit lak yigen pem, iri nggal kwat kubuwa-o!” luk yij-o.

YIDNAK YIDNAK WENE 10:36

Mbal Pem Nagawan-nen Isarael nap enmanggim wene wosa pid iri-ge ap oboksa Nagawan Indo Yesus Kerisut ebem lambuk yurak aid wene irit yak indij-o.

YIDNAK YIDNAK WENE 13:46

Alat nde, Paulus min Mbaranabas min-nen kwiye lag-et yogolar-e: ”Mbal Pem Nagawan-nen yidnak wene-ge mondok nandug-et kir-et yak kundurag-o. Alat nde, wene iri-ge kit-nen keya bogolat, kit-nen-e ’Unlug-et woralik nalik momtak wene iri-ge nit-nen wanurak meya-o’ luk yogola me, nir-e keya kunpuruk, enlem nin nap endam mbitli-o.

TUGURUK YIDNAK WENE 32:29

It nde inndi worak nggal-nen-e it lak momtag-e inndi yebet kaleb-o.

IBERANI 3:13

Are, kit kennggendumu ap misiger-o luk tet meya yugwi elem-nen konmbol pem lasola, keneyanggo lak yugup naru kit na kit-nen pempa kinndi eyak wat kerak mbogolat woragolar-e, ”Yanem-er-o” luk unu yaridnak tarem worala ya-t iri nggal kwat tenak wolmer-o.

IBERANI 3:15

Mbal Pem Nagawan engga bem-nen yosolar-e: ”Kir-e yawo Mbal Pem Nagawan ene kulurug-e, kenlawingga nanduk Mbal Pem Nagawan imin eyak wutluk, eneyanggo lak yiga iri nggal kwarurak pug-o” luk yij-o.

IBERANI 3:7

Iri bem-e Konak Indi-nen yosolar-e: ”Kir-e yawo nde Mbal Pem Nagawan ene kulurug-e,