LUKAS 19:27 - Nanduk Ngget Tul Pidnak Wene

²⁷ Nde, an nimin wim nap an it ennggendumu nagawan wolmomtak insili yiga nap iri-ge wok unpuruk lobok luk, an nimbiri bem pidsa ender-o’ ” luk yij-o.

LUKAS 19:27 Iomraidhean Croise

2 SEMUEL 23:7

Kagweyap ala na, posid tege ala na ininggem lak-nen-e ap misiger-o luk tet tena burag-e meya-o. Ap ereba-ge kanduk-nen nuruk lak tak unpuwa-o. 23:8–24:25 Engga yu worok tak posolar-e, Ndaut-nen idnak san wari kek tak unnu mbarak min Isarael nap min Yewura nap min wonat inpidnak wene min kugi nggok Isarael nap enpem mbosola-t nde, Ndaut-nen Nagawan Indo emengen mbarosola, Nagawan Indo-nen kugi iri na lak tak pid wene min irit mbarak worasu-o.

NDAWI ENGGA 2:9

Kat-nen-e it iri-ge posid wangun pem tenggerak unpugun-o. Kat-nen-e nggweyak yimbe nggal ndamera keya unpugun-o’ luk yak nirij-o” luk yij-o.

YESAYA 66:14

Iri kwat konposola karug-e, kir-e kenalin kenalen kagolar-e, kir-e tusuangge ngget laso nggal kenpem posok yosolat, kenmawi yugub-o. Nde, an ndegel nubugwi nab-e an namawi-ge enaru yogolat, nde, an nuwim nap na an nisilepma-ge enpem mbosola, enaru ma-o” luk yij-o.

YESAYA 66:6

Kwara koler-o! O silmu-nen ene o nggu nggal yusu-o. An nama-nen ene yusu-o. Iri-ge an-nen nuwim nap kemnggo onposolat-nen an nene-o!

MATIUS 22:7

Iri kwarogola karuk, nagawan iri na-ge isilepma mondok kwarat luk, at-nen san winde na wirik enpamu mbirigarik, ap indiga nap ereba na mondok lak tak unpuruk, it unuwi siri na kan piga-o.

LUKAS 19:14

Alat nde, ap kek tak na elem nap-nen at insili rak puruk, at imbirik ap wirik onpogolat-nen yosolar-e: ’Ap iri-ge nit nennggendumu nagawan mendak purag-e ninmbir-o’ luk yiga-o.

LUKAS 20:16

Yabu winde iri lobok yuwarig-e, ap ereba na unduruk, yabu na nin nap-nen parugu wolmakluk wok unduwa-o” luk yij-o. Iri yosoloma, kuluruk yigarig-e, it-nen yogolar-e: ”Ije! Iri kwarurag-e meya-o!” luk yiga-o.

LUKAS 21:22

Iri kwaruwa tarem iri-ge it meya yidnak pem angin worak mende enpem mberak purak tarem-o. Nde, iri kwat unpuwa iri-ge Mbal Pem Nagawan engga bem-nen mbaridnak iri na ndak tak posolat-nen kwaruwa-o.

LUKAS 21:24

Ap ereb-e yalawi bem ondogolat, ereb-e kamasa wok unpuruk yi wi ndi wi mborogolat ma-o. Mbal Pem Nagawan-nen kuri pidnak tarem ndak yigit lak worasola-ge, Mbal Pem Nagawan enaru buk nap-nen-e Yerusalem na-ge unuwok liri rak pogolat wolma-o” luk yij-o.

IBERANI 10:13

Nde, yawo-ge Mbal Pem Nagawan-nen-e Kerisut imin wim nab-e at ijok ondoro rak unpuwak yik karok worasu-o.

1 SEMUEL 11:12

Iri rak puruk Isarael nap-nen Semuel yak togolar-e: ”Kwiye lag-et yogolat: ’Saul nggal-nen nit nenanggul pem nagawan yurag-e ndag-a?’ luk yiga nap yeba na-ge ngge me worali-o? Nab-o. Mondok unduwok-nen wok nindi-o” luk yiga-o.