LUKAS 18:7 - Nanduk Ngget Tul Pidnak Wene

⁷ Nde, at lenak inpidnak nab-e kubu-nen lengge-nen at emengen mbal tenak wolma nap iri-ge Mbal Pem Nagawan-nen wene kona wok unduwa buk kali-a? It yongga ondosolar-e, ndan-et yongga unduwa nde kali-a?

LUKAS 18:7 Iomraidhean Croise

MBIRIGA WENE 22:23

Kit-nen nde it lel onpogola-ge, it-nen-e Nagawan Indo an neram ’Yonggo nindi-o’ luk wene mbo bil luwagola-ge, kulimin-o. Kulurug-e,

YESAYA 40:27

Iri ala-ge, Isarael wa-e. Kar-e noluk-nen: ”Nagawan Indo Nembal Pem Nagawan-nen-e an-nen anggun panggun kasu yu-ge neyasu bug-o” luk peraruk, kindi kabak yosolat, kumud kasu-o? Kat-nen wolmomtak na at-nen nggok tak pigit lak yosolat, kat kwat kuburak ereba na kwara mbenat kubusu bug-o luk eberasu-a?

ABAKUK 2:3

An-nen nam tak pimin mende-ge awo worasu me, engga bem mbarurag-o. Alat nde, iri kwaruwa tarem-e yanem-et wok ma-o. An-nen kat kimbiri bem nam tak pigi mende-ge ndemeret kwar-et ma-o. Yik kagolar-e, woraruk-nen kwat ma-o luk perali-t nde, mondok karok nak wolmin-o! Iri kwarurak tarem-e wog-et ma-o. Nimik tak puwa bug-o.

MATIUS 24:22

Nde, Mbal Pem Nagawan-nen iri kwarurak tarem-e poro rak pigit lak yid nggal-e, ap misiger-o luk tet imiri yigit lak yeleb-o. Alat nde, at-nen len inpidnak nap enmanggim-e iri kwarurak tarem-e poro rak puwa-o.

MATIUS 24:24

Enesiget siget Kerisut min enesiget siget Mbal Pem Nagawan ene lomboksa yugwi nap min nam marig-e, it-nen-e wi yurak mende min kwiye worak mende min kwarat kwarogolar-e, Mbal Pem Nagawan-nen len inpidnak nap ereba na onmbol pem ludtag-e ndak nggal-e, irit kwatleb-o.

MATIUS 7:11

Iri ala-ge, kir-e meya yugwi nab-et nde, konak mende nak kinlirak wok undugwi kenaru me, Kineid aid arem woraso-nen-e at ebem nggi yuwa nap iri na konak mende wok unduwa irir-o!

LUKAS 11:13

Nde, kir-e meya yugwi nab-et nde, konak mende-t kinlirak wok undugwi irir-o. Iri ala-ge, Nineid aid arem woraso-nen-e at eram Konak Indi nggi yuwa nab-e mondok wog-et unduwa-o” luk yij-o.

LUKAS 2:37

kwe togwe woralar-e, olengen depalan pulu empat (84) woraidnak me, kwe indi worak yidnak irit woragaij-o. Kwe na-ge Mbal Pem Nagawan ama-nen mbepme mboroso buk, kubu-nen lengge-nen mburu keya buruk, tepan nak kundugu yosolar-e. Mbal Pem Nagawan nak erembel wanosolat woraso-o.

LUKAS 21:28

Nde, an yigi yeba kwat yosola karug-e, ’Nit ninmiri yurak tarem na panggo yusu-o’ luk men luk kundugun pugaksa wolmer-o” luk yij-o.

OROMA 8:33

Mbal Pem Nagawan-nen len ninpidnak nap nir-e ta-nen nonpok puwa-o? Mbal Pem Nagawan-nen lud tak nak ninpidnak me,

KOLOSE 3:12

Kir-e Mbal Pem Nagawan ilirak-net yiii-o. Ar-e kit kenabuwa karuk, at arengge rak kenpeyekluk lenak kinpij-o. Iri bem-e, kit-nen na ap enabuwa kagolat, kinndi konag-et woragolat, kinndi teberak woragolat, yanggonak nak woragolat, kinndi mamak puruk woragolat wolmer-o.

1 TESALONIKA 3:10

Kubu-nen lengge-nen nir-e kiri keresa at emengen mbarogolar-e: ”It inmin lambuk yogolat, it-nen kwara inndi angin tubu yigit lak iri na ndak tak unpuwokluk-nen yili-o” luk tepan yugwi-o.

2 TESALONIKA 1:6

Mbal Pem Nagawan-nen mot mot nak kwarosolar-e, kit andi bandi rak kinpili nap na enpem-e at-nen-e andi bandi mende enpem puwa-o.

1 TIMOTIUS 5:5

Togwe terak ndumu ndemeret togwe iri-nen-e indi-ge Mbal Pem Nagawan ebem mbung mbung tak woralar-e, kubu-nen lengge-nen at eram tepan yosolat, at yongga wuruwakluk emengen mbarosolat yoso-o.

2 TIMOTIUS 1:3

Nanduk nonmborak-nen Mbal Pem Nagawan ndegel ibiga na nggal-et an-e yebet kaso nindi mbek tak pem-et ndegel oboso Mbal Pem Nagawan iri na wa yak toso-o. Kubu-nen na, lengge-nen na, an-e pempa kamanggim tepan yoso-o.

2 TIMOTIUS 2:10

Iri bem-nen Mbal Pem Nagawan-nen len inpidnak nap enmanggim, it na irit inmiri yurak elem Kerisut Yesus ebem worasu iri min, pem-et wolmomtak abinal min wanuwakluk, kwarat lel mberel nobogola-t nde, neyak linggirik worasu-o.

TITUS 1:1

Mbal Pem Nagawan ndegel oboso nap, Yesus Kerisut-nen idnak wirik nibidnak nap Paulus an-nen mbarusu-o. Mbal Pem Nagawan-nen len inpidnak nap inndi angin tubu yidnak na elem yabuwakluk, nit mul nindidnak aid wene, ndemeret wene iri na mul unduwakluk, an len nuburuk, wirik nibid irir-o.

1 PETERUS 1:1

Yesus Kerisut-nen wirik nibidnak nap Peterus an-nen-e Mbal Pem Nagawan-nen len kinpidnak nap, ap ennggenggerak sit mbit tak, o Pontus min Nggalatia min Kaparokia min Asia min Mbitinia min worali nap kit kenmanggim engga yu mbarusu-o.

2 PETERUS 3:9

Nde, ap erep-nen-e Mbal Pem Nagawan-e orog-et nak kwaroso-o luk perali-o. Alat nde, Mbal Pem Nagawan-e at-nen urul pidnak wene kwarosolar-e, orog-et nak kwaroso-ge lag-o. Are, ap misiger-o luk tet lak tak purak isili me, ap pidsa-nen it meya yidnak keya buruk kondok yuwaklug-e, kit kinmin-e at indi luruk puruk worasu-o.

NAM PARA WENE 18:20

Aid arem wa-e. Kwe iri na yigisa lak tak pidnak pem kalen ki-o! Mbal Pem Nagawan ilirak min wirik kinpidnak nap min Mbal Pem Nagawan ene lomboksa yugwi nap min wa-e. Kwe iri-nen kwat kinpidnak na onggo Mbal Pem Nagawan-nen kwe iri ebem wene mbarid pem-e kenalin kenalen ker-o!

NAM PARA WENE 6:10

It iri-nen enne ngguloksa yogolar-e: ”Kamawi Mondok Kwarat worak, lenak irit woraso, lud tak nak kwaroso Nagawan Indo wa-e! Nunggurik woraruk-nen nggweyak ma woragwi nap enpem wene mbatluk, nit nindiga onggo pugun-o?” luk yiga-o.

NAM PARA WENE 7:15

Iri kwaridnak me, ir-e Mbal Pem Nagawan koreyak woraso ondoro urugwe nggwe mendak woragolar-e, lengge-nen na, kubu-nen na, Mbal Pem Nagawan ama marak na me at ndegel obogolat worali-o. Nde, nagawan koreyak woraso ondoro ebem koreyak worasu nap na-ge it wosarak unpuruk worayekluk, it inmin wolma-o.