LUKAS 18:39 - Nanduk Ngget Tul Pidnak Wene

³⁹ Yosoloma-ge, at eralu mendak woraiga nap-nen ene lak makluk met piga-t nde, ar-e ebem lud ene ngguloksa yosolar-e: ”Ndaud ambara wa-e! Nabuwa ki-o!” luk yosolat woragaij-o.

LUKAS 18:39 Iomraidhean Croise

MATIUS 7:7

”Nggi yer-o. Nggi yogola-ge, wok kunduwa-o. Kore yer-o. Kore yogola-ge, kagub-o. Tu lel lel ker-o. Lel lel kagola-ge, tu kuwarak kunpuwa-o.

MATIUS 8:26

Yak togolikma-ge, Yesus-nen it yak ondosolar-e: ”Kwara kinndi angin tubu yugwi buk nap wa-e. Kir-e noluk-nen kwiye kali-o?” luk yak indij-o. Yak ondosoluk, at na men luk yarik, obube min yi min na ”Kondok min-o” yosoloma-ge, obube min yi min na kondok yij-o.

MATIUS 9:27

Iri luk, Yesus na o iri me-nen mborosola-ge, enlengen ngguru nap mberen iri-ge at imbirik mborogolat-nen enne ngguloksa yogolar-e: ”Ndaud Ambara wa-e. Nenabuwa ki-o!” luk yil yil mbiriga-o.

LUKAS 11:52

Imiri mbarak pidnak wene mul undugwi nap kenpem mbuwa mende bem kenabuwa-o! Enaru yugwi mende tu imij-e kit-net parugu worali-t nde, kir-e ngguruk enaru yugwi mende na kore yurag-e kinsili yogolar-e, it ngguwokluk yidnak nap na enambigit tu nggela labuk yili-o” luk yij-o.

LUKAS 18:1

At owosirak-nen inndi tugup lak woragolat, kundugu kundugu tepan yogolat wolmakluk, Yesus-nen mul ondosolar-e, nden karuk wene yu yak indij-o.

LUKAS 18:15

Yesus inggi-nen tena unpuwakluk, ap erep-nen-e li marik marik ereba na at eram waruk lobok yiga-o. Iri yogola-ge, Yesus owosirak-nen iri kwarogola karuk, ”Iri kwatli-ge meyog-o” luk met inpiga-o.

LUKAS 18:38

Iri yogola kulurug-e, at-nen ene ngguloksa yosolar-e: ”Ndaud ambara Yesus wa-e! An nabuwa ki-o!” luk yij-o.

LUKAS 18:40

Alama-ge, Yesus na ndong yosolar-e: ”Ap iri-ge an neram waruk lobok yer-o” luk yosoloma-ge, ap erengen ngguru na at eram wok yosola-ge, Yesus-nen at kin wok obosolar-e:

LUKAS 19:39

Alama-ge, ap kwarat na ennggenggerak woraidnak Parisi nap erep-nen Yesus yak togolar-e: ”Mul Ondoso Nap wa-e. ’Kenne lak mer-o’ luk kowosirak iri yak indi-o” luk yak tiga-o.

LUKAS 8:49

Nde, Yesus na wene yosolat worasoma-ge, Yairus ama-nen lobok yidnak nap mbi-nen Yairus na yak tosolar-e: ”Nab-o. Kat kara na-ge wat yamu me, Mul Nondoso Nap yu wewesa anggun panggun tak purak pug-o” luk yak tij-o.

2 KORINTUS 12:8

Iri andi rak noboso iri bem an-nen kenan pem Nagawan Indo emengen mbarosolar-e: ”Yu kwat nubusu yu lak tak pi-o” luk emengen mbarigi-o.