LUKAS 18:23 - Nanduk Ngget Tul Pidnak Wene

²³ Alat nde, wene na kulurug-e, ap iri na isilobulo kwarat me, indi puru pera yij-o.

LUKAS 18:23 Iomraidhean Croise

YESKIEL 33:31

Iri luk, nggwid nggwid lobok yogolar-e, an nilirak nggal kwasa kore luk, kat kene kulili-t nde, kat-nen enpem pusu ereba na ir-e kwatli bug-o. It enemnde bem-nen-e enabuwa kagwi wene wirik pili-t nde, inndi arem-nen-e it ondomok ukwe ukwe mende lesa wanurak iri nak yebet kali-o.

MATIUS 19:22

Yak tosoloma-ge, ap sugwe iri na-nen wene iri kuluruk yarik, at isilobulo-ge, mondok kwarat me, indi angin-nen indi puru luk mbirij-o.

MARAKUS 10:22

Iri wene yak tosola karug-e, at isilobulo kwarat me, at indi kabak luk, indi puru min-et mbirij-o.

LUKAS 12:15

Yurug-e, Yesus-nen ap pidsa iri me worali na yak ondosolar-e: ”Ab-e enarengge kwarat winde yidnak iri na bem nak woragwi buk me, kinndi silobulo ukwe ukwe yugwi indi kenpem mbuma naru, kwara wolmer-o” luk yij-o.

LUKAS 18:22

Iri yosoloma kulurug-e, Yesus-nen at yak tosolar-e: ”Kat-nen mondok kwarurak mende misiget mbi keya bigen-o. Kat karengge pidsa onggo wanosoluk, onggo wanidnak tengge na insilobulo lak nap tembesa wok undugunmu-ge, an nimin ni-o. Iri yugundik pem-e aid arem-nen silobulo kwarat winde yugun-o” luk yak tij-o.

LUKAS 18:24

Ap iri na indi puru yid na Yesus na karuk-nen yosolar-e: ”Insilobulo kwarat worak nap-nen Mbal Pem Nagawan ilirak kwat momtag-e angin kwarar-o.

LUKAS 19:8

Nde, Sakius ama nggwigarik woragolar-e, Sakius na men luk, Nagawan Indo yak tosolar-e: ”Nagawan Indo wa-e. An narengge pidsa erep menggesa ereb-e insilobulo lak nap tembesa wok indimin-o. Nde, an-nen onmbol pem laruk enarengge wanidnak nap na enarengge uwi yak ondosolar-e, ondolmasa empat pem wok indimin-o” luk yij-o.

LUKAS 21:34

Yuruk, Yesus-nen yosolar-e: ”Kir-e kinndi-ge nunggwi mende nggok sakwi min enanggul nden kaso yi ndonggosa nunggwi min nak ebem pogolat, kit-nen kwarurak mende nak kunmud kagolat woragolar-e, kir-e lid lud tak pigit lak worakmu mimo wok yimin-o luk kir-e mondok kwil kwalsa wolmer-o.

LUKAS 8:14

Nde, uwi linggat ndumu mbid iri na nggal-e aid wene kulidnag-et nde, woragolar-e, it-nen wolmomtak pem unmud kagolat, it-nen enarengge kwarat windi woragolat, enalen pem wolmomtak peragolar-e, iri-nen ndowaga aid wene na perena keya bosoma-ge, engen pidnak na-ge ebe kwat yoso buk iri nggal-nen yusu-o.

EPESUS 5:5

Kit-nen ”Iri-ge ndemeret wene-o” luk peragolat wolmomtak wene-ge yu-o: Mbabi yugwi nap min kop kap tobok tak woragwi nap min ukwe ukwe yugwi nap min (Nde, ukwe ukwe yugwi iri-ge kugiwak erembel wanugwi nggal-nen yusu-o) iri kwarugwi nab-e Kerisut min Mbal Pem Nagawan min-nen tenagaidnak wi-ge winde ma bug-o.

PILIPI 3:8

Nde, iri mende nak meya-ge lag-o. Are, yi mende ndi mende oboksa-ge ebe lak mende nde kasu-o. An Nagawan Indo Kerisut Yesus naru mom iri perak nde mondok nggulok lombog-o. At ebem an yi mende ndi mende oboksa keya bosolat, iri mende-ge we eneyak ngen mbo bidnak nggal-nen yusu-o luk peraso-o. Iri keya bigi iri-ge an-e mondok Kerisut nak wanuruk,

KOLOSE 3:5

Iri ala-ge, kir-e nggweyak ma nap woragolat-nen ukwe ukwe yugwi mende-ge mbabi yugwi nde, mbilaro ngin mende kwarugwi nde, mbabi kwarurak ukwe ukwe yugwi nde, meya nak kwarurak peragwi nde, worala-t nde ukwe nak yugwi nde, iri-ge oboksa worak pugup na-e. Nde, worala-t nde ukwe nak yugwi iri-ge kugiwak erembel wanugwi-nen yusu-o.

1 YOANES 2:15

O nggweyak yu min nggweyak ma woraso mende min abuwa yurak pug-o. Kit-nen nde o nggweyak yu abuwa kagola-ge, Nineid abuwa kagwi kit kenarem-e mondok lag-o.