LUKAS 18:14 - Nanduk Ngget Tul Pidnak Wene

¹⁴ Iri luk, Yesus-nen it yak ondosolar-e: ”An yak kendeyeg-o. It na mborogolar-e, at Parisi nap iri-ge lag-o. Are, pemerinta enmanggim tol ndok woroso nap iri na nde Mbal Pem Nagawan-nen lud tak obosola, ama mbirij-o. Iri kwarid iri-ge ap-nen nde inndi kek yuwa nab-e teberak unpuwa-o. Nde, ap-nen nde inndi tebe yuwa nab-e, kek tak unpuwa-o” luk yij-o.

LUKAS 18:14 Iomraidhean Croise

NDAWI ENGGA 138:6

Kar-e mondok kek tak-net nde, ap mondok ebe lak no mende nggal-e kwara yebet eneyasu-o. Ap inndi kek yugwi nab-e kat kerengen pem-e kurak yuwa bug-o.

MBIRIGA WENE 18:11

Ap-nen kek tak pugwi unkugwi erep ereba-ge tebek tag-et nde, Nagawan Indo iri perak terak minik kek tag-er-o luk naru yusu-o. Nde, ereba kwarid ereba-ge Mesira nap-nen Isarael nap lel onpogolar-e indi kek tak pem kwat onpogola-nen kwarij-o” luk yij-o.

NGGOMO WENE 15:33

Nagawan Indo indi aye worak wolmomtak iri-ge enaru yugwi mende enaru yurak mabin-nen yusu-o. Kek tak woragwi iri-ge inndi teberak woragwi iri-nen pil lobok yoso-o.

NGGOMO WENE 25:7

Kat kimin yogolar-e: ”Kondoro iri-ge ap nggok kek tak iri wok ti-o” luk yak kururak iri-ge meya-o. Alat nde, konag-e: ”Kar-e kek tak-nen kore yugwi sa yu me kore yi-o” yak kururak iri perak ob-o.

NGGOMO WENE 3:34

Nagawan Indo-nen-e ap indi kek tak woragwi nab-e isili rak onposo-o. Alat nde, ap inndi teberak woragwi nab-e at-nen inmbiringgat tak onposo-o.

AID WENE YOSO NAP 9:7

Iri bem-e amere kenalen pem nonggolat, kijik kijak pem-et anggut amburu nonggolat kwarurag-o. Ereba kwarugwi ereba na-ge Mbal Pem Nagawan-nen-e umud neneyaso bug-o. Are, op kwatli-o luk nenperaso-o.

YESAYA 45:25

Alat nde, Yakup-nen wigarag-e inmiri yosola, it-nen-e Nagawan Indo an nerembel wanuwa-o.

YESAYA 53:11

Iri ala karuk, Nagawan Indo-nen yosolar-e: ”At andi bandi kasolat worarug-e, at-nen andi bandi kagaid iri na ebe-t kwat yidnak karug-e, alen kasolat wolma-o. Ndegel noboso nap iri-nen an nalen tak pusu-o. Ap kwarat-nen meya yidnak pem onggo angin worak wanurag-e at ebem nde mbij-o. At ebem-nen an-e it-nen meya yidnag-e namberam tak pimin-o.

YESAYA 66:2

O yu-ge an ninggi-nen posola-net o yu oboksa kwat yamu-o. Alat nde, an-nen ukwe peraso-ge ap inndi teberak woragolat, it-nen meya kwarugwi iri na bem ’Niri nera-nen kwarigi-o’ luk kondok yogolat, an naye kagolat, an-nen yidnak yidnak kwarugwi iri nak nindingen-o.

NDANIEL 4:37

Iri yamu, yawo Nebukatnesat an-e aid arem woraso Nagawan iri na nak erembel wanosolat, kek tak obosolat, nggok tak obosolat kwarusu-o. At-nen kwaroso-ge ndemeret mot mot lud tak nak kwaroso-nen yusu-o. Nde, ar-e ap indi kek tak pugwi nap indi teberak purag-e ndak-net yusu-o” luk yigi-o.

ABAKUK 2:4

Kenaru wolmer-o. Meya kwarugwi nab-e inmiri yuwa bug-o. Alat nde, Mbal Pem Nagawan indi-nen pidnak kwat tenak worasu nab-e at-nen tugup lak Mbal Pem Nagawan-nen yidnak yidnak kwat tenak worasu bem-et mondok urug-et wolma-o” luk yij-o.

MATIUS 23:12

Nde, at ondomok-net kek yusu nab-e teberak puwa irir-o. Nde, at ondomok-net tebe yusu nab-e kek tak puwa irir-o” luk yij-o.

MATIUS 5:3

”Mbal Pem Nagawan imbiri bem inndi tebeluk worali nab-e, Mbal Pem Nagawan-nen tenagaidnak wi iri winde-nen yili me, enalen kali-o.

LUKAS 1:52

nagawan kek tak woragwi na lak tak onposolat, teberak woragwi nap na kek tak onposolat,

LUKAS 10:29

Alat nde, mul ondoso nap iri na-nen mot mot kwaroso nap kwat yosolar-e: ”Nde, an nimin woragwi nab-e tarag-o?” luk kin wok ibij-o.

LUKAS 14:11

Nde, ap-nen at ondomok kek yuwa nab-e teberak ubuwa-o. Nde, at ondomok indi tebe yuwa nab-e kek tak ubuwa-o” luk yij-o.

LUKAS 16:15

Alat nde, Yesus-nen it yak ondosolar-e: ”Ap-nen kek tak yik kagwi iri-ge Mbal Pem Nagawan-nen teberak yik kaso me, ap enlengen pem-e nir-e lud tak nak kwarugwi-o luk yili-t nde, kit kinndi arem-e Mbal Pem Nagawan aru-o.

OROMA 3:20

Imiri mbarak pidnak wene-nen yidnak yidnak nak kwarogolat woraidnak nab-e ap misiger-o luk tet Mbal Pem Nagawan erengen pem-e lud tak nak unpuwa bug-o. Alat nde, imiri mbarak pidnak wene iri-nen-e nggweyak ma nab-e meya yugwi-nen yusu-o luk mirik nonposo-nen yusu-o.

OROMA 4:5

Nde, yabu-ge wanigit lag-et nde, we inndi-ge meya yugwi nap lud tak nak onposo Mbal Pem Nagawan na ebem inndi angin tubu yogola-ge, Mbal Pem Nagawan-nen-e it inndi angin tubu yidnak pem-net lud tak nak onposo-o.

OROMA 5:1

Iri bem-e, nit ninndi angin tubu yidnak pem lud tak nak ninpidnak me, Nenagawan Indo Yesus Kerisut ebem nir-e Mbal Pem Nagawan imin lambuk tak ninpidnak worali-o.

OROMA 8:33

Mbal Pem Nagawan-nen len ninpidnak nap nir-e ta-nen nonpok puwa-o? Mbal Pem Nagawan-nen lud tak nak ninpidnak me,

NGGALATIA 2:16

Alat nde, wene yu nir-e nenaru-o. Imiri mbarak pidnak wene-nen yidnak yidnak nak kwaridnak pem-nen ap lud tak onposo bug-o. Inndi-ge Yesus Kerisut ebem angin tubu yidnak pem-net lud tak onposo-o. Nit-nen na irit, Kerisut Yesus ebem ninndi angin tubu yige iri-ge, lud tak nunpuwakluk-nen ninndi-ge Kerisut ebem angin tubu yige-o. Nde, imiri mbarak pidnak wene-nen yidnak yidnak kwaridnak pem-nen-e lud tak nenpelep pug-o. Imiri mbarak pidnak wene-nen yidnak yidnak nak kwaridnak pem-nen-e ap lud tak onposo bug-o.

YAKOBUS 4:10

Kit na kit-net Nagawan Indo eram kinndi tebe yogola-ge, at-nen-e kek tak kunpuwa-o.

YAKOBUS 4:6

Alat nde, Mbal Pem Nagawan-nen we wok ondoso elem wok nindid iri-ge nit nenarem pid ukwe ukwe yoso iri nggal-e lag-o. Mondok terak minik amawi worak irit wok nindij-o. Iri bem, Mbal Pem Nagawan engga bem-nen yosolar-e: ”Inndi kek yugwi nab-e Mbal Pem Nagawan-nen ombol wok ondoso-t nde, inndi teberak woragwi nab-e enabuwa kaso-o” yij-o.

1 SEMUEL 1:18

Yak tosoloma, Ana-nen onggo yak tosolar-e: ”Nab-o. Kat-nen nabuwa kanog-o” luk, Ana na-ge mberarig-e, nunggwi mende-ge kwara nasolat, indi puru yoso iri na-ge lak irit woragij-o.