LUKAS 18:12 - Nanduk Ngget Tul Pidnak Wene

¹² Tepan misik arem-e mberen pem tepan yosolat, mburu ninggit lak we nene yoso-o. Nde, an narengge pidsa wonasa enggep lombok karetkwe-nen idnag-e kat kamanggim poso-o’ luk yij-o.

LUKAS 18:12 Iomraidhean Croise

YESAYA 1:15

Kit kininggi iri-nen ap wurugwi me, kit-nen nde tepan yuwokluk kininggi nuk karuk tepan pempa kundugu yugub-et nde, nombol wok kunduruk woramin-o.

MALEAKI 3:8

Yawo an-e kit kin wok kenpeyeg-o. Nggweyakma nap-nen-e Mbal Pem Nagawan an namberam ludtag-e ndag-et, lak? Ndemeret meya irir-o. Alat nde, kir-e an-et nde, namberam lali-o. Nde, kit-nen kin wanogolar-e: ’Kamberam lagolar-e ngge kwatli-o?’ yili-t nde, an-nen onggo yak kendeyeg-o. Iri-ge kit-nen karetkwe wok nurugwi bem na irit, an namanggim pugwi bem na irit iri bem-net an nemberam lali-o.

WONARIDNAK WENE 23:4

Mberarikmu, Mbal Pem Nagawan-e Mbileyam eram lobok yosola, Mbileyam-nen Mbal Pem Nagawan yak tosolar-e: ”An-e wam wosa kan purak ondoro tuju konuruk, ondoro irit wosa wam-e sapi kusi misik, lomba kusi misik ondoro irit wosa mberen lombok kan pigi-o” luk yak tij-o.

MATIUS 5:20

Nde, an-nen yak kendeyeg-o: Engga enaru nap min Parisi nap min-nen lud tak nak kwarugwi-t nde, kit-nen-e it-nen kwarugwi na mondok ombol nggwe terak minik nggal lud tak nak kwarigit lak yugupndig-e, Mbal Pem Nagawan-nen tenagaidnak wi-ge nggugup pug-o.

MATIUS 6:1

”Ap-nen yik kiniyujwakluk, kit-nen konak nak kwarugwi mende iri na ap inmbiri bem-et kwarurak pug-o. Iri nggal kwarogola-ge kit Kineid aid arem woraso-nen-e onggo wok kunduwa bug-o.

MATIUS 6:16

”Kit-nen mburu ninggit lak, we woragolar-e, it enesiget siget kwarugwi nap-nen entare mambu le sa luk worali iri nggal wolmomtak pug-o. It iri na-ge ap-nen: ’At iri-ge mburu ninggit lak, we worasu-o’ yuwakluk, it entare mambu le sa woragwi-o. Nde, an-nen yak kendeyeg-o: It iri na-ge onggo ndak waniga nar-o.

MATIUS 6:5

”Nde, kit-nen tepan yogolar-e, it enesiget siget kwarugwi nap-nen kwarugwi nggal kwarurak pug-o. It iri na-ge ap-nen yik iniyujwakluk tepan yogolar-e, mendak nggwe-nen Mbal Pem Nagawan uwi worak ma-nen na, tu ondogwal mberen ma-nen na, tepan yurag-e inndingen-o. Nde, an-nen yak kendeyeg-o: It-nen wanurak onggo iri-ge mondok waniga irir-o.

MATIUS 9:14

Iri luk, Yoanes imin nugwi nap iri-ge Yesus eram lobok luk-nen at kin wok pogolar-e: ”Nit min Parisi nap min-e pelin na pelin na mburu ninggit lak, we woragwi-t nde, kat kowosirak-nen perak nde mburu keya bili buk yu-ge noluk-nen iri kwatli-o?” luk kin wok ibiga-o.

LUKAS 11:42

Parisi nap wa-e. Kenpem mbuwa mende bem kenabuwa-o! Kit-nen-e lawet min kwendet min nunggwi mende undu worak tak pugwi engga pidsa min enggem lombok karetkwe-nen yidnag-e Mbal Pem Nagawan amanggim pili-t nde, ndung tak kwarugwi min Mbal Pem Nagawan abuwa kagwi min perak nde kir-e keya bili-o. Ndung tak kwarugwi min Mbal Pem Nagawan abuwa kagwi min kwarogolar-e, erep kwatli iri na keya burak puk na-e.

LUKAS 17:10

Kit-nen na iri nggal-et kwarurag-o. ’Kit-nen kwarer-o’ luk kenpem pidnak mende na ndegera kwatlug-e, yu nggal yurag-o? ’Nir-e we ndegel ubugwi nap-nen yili-o. Nir-e nenpem pidnak mende iri na-t kwarogolat woraige-o’ luk yugup na-e” luk yij-o.

OROMA 3:27

Iri ala-ge, no bem-nen nir-e ija bija yul-o? Mondok lag-o! Noluk-nen iri yigi-o? Ap-nen imiri mbarak pidnak wene-nen yidnak yidnak kwarogolat woraidnak pem-nen-a? Iri-ge lag-o. Are, inndi angin tubu yidnakpem-ner-o.

1 KORINTUS 1:29

Iri bem-e, ap misiger-o luk tet Mbal Pem Nagawan imbiri bem at ondomok indi kek tak purag-e meya-o.

NGGALATIA 1:14

An nanggul mbilit Yawuri nap-nen-e Yawuri nap-nen tena woragwi wene na tena woraiga-t nde, an-e wene na tena worasolar-e, terak minik nggal-et kwarosolat woragi-o. Ir-e nenlawingga-nen kwarugwi-ge kwarogolat woraiga-t nde, an-e terak minik irit kwara kwarosolat woragi-o.

EPESUS 2:9

Nde, kit-nen kwaridnak pem-e lak me, ap misik-nen at ondomog-et kek yurag-e meya-o.

1 TIMOTIUS 4:8

Ap enpe amawi makluk onowak mulugwi iri-ge ob-et nde, iri-ge te nggal-nen yusu-o. Nde, inndi-ge Mbal Pem Nagawan abage nggal makluk onowak mulugwi iri-ge mondok nggok lombok-nen yusu-o. Iri arem-e yawo nunluk worali min abok nunluk wulmul min worasu-nen yusu-o.

1 SEMUEL 15:13

Nde, Semuel na mberarik, Saul imin lambuk yosola-ge, Saul-nen Semuel yak tosolar-e: ”Nombo-o. Nagawan Indo-nen imbiringgat tak kubuwag-o. An-e Nagawan Indo-nen kwarurag-o luk nebem pidnag-e ndak ndag-et kwarigi-o” luk yak tij-o.