LUKAS 18:11 - Nanduk Ngget Tul Pidnak Wene

¹¹ Nde, Parisi nap iri-ge men luk, indi arem-nen tepan yosolar-e: ’Mbal Pem Nagawan wa-e. An-e ap erep nggal-e lag-o. It ereb-e yariya wanugwi nap min lugud tak kwarugwi nap min uwingga mbarugwi nap min iri-ge an-e iri nggal kwaroso buk me, wa yak kurusu-o. An-e pemerinta enmanggim tol ndok woroso yu nggal-e lak me, wa yak kurusu-o.

LUKAS 18:11 Iomraidhean Croise

NDAWI ENGGA 134:1

Nagawan Indo ndegel ubugwi nap oboksa min kubu nggwe Nagawan Indo ama-nen yabu wanugwi nap min oboksa wa-e. Lobok yugupndik, Nagawan Indo erembel waner-o.

NGGOMO WENE 20:6

Ap kwarat-nen enemnde nggwe-nen para yogolar-e: ”Nir-e kit kennggamirak mondok konak-nen yili-o” luk yili-t nde, mondok ndemeret inndi mot mot woragwi nab-e iniyudtag-e meya-o.

NGGOMO WENE 30:12

Ap erep-nen-e ir-e yi meya ndi meya kobong tak-net nde, it ondomog-e mondok marak nap nggal kwatli-o.

YESAYA 1:15

Kit kininggi iri-nen ap wurugwi me, kit-nen nde tepan yuwokluk kininggi nuk karuk tepan pempa kundugu yugub-et nde, nombol wok kunduruk woramin-o.

YESAYA 58:2

It iri-ge pempa an nerembel wanogolat, an nindi-n pidnak enaru yogolat worali-t nde, iri nggal kwarogolar-e, an-nen idnak imiri mbarak pidnak wene iri na ndak ndak kwarugwi nggal kwatli-o. Iri nggal kwarogolat-nen it-nen yogolar-e: ’Kat-nen idnak imiri mbarak pidnak wene mot mot iri nak wok nindi-o. Nde, nir-e kat kerembel wanugwi iri-ge nindingen-o’ luk yili-o” luk yij-o.

YESAYA 65:5

it-nen ap yak ondogolar-e: ’Nir-e mondok marak nenarik lenag-et me, kit kinmin nit nenpem purak pug-o. Ndak mboksa mberer-o’ luk yili-o. It-nen iri kwatli iri kasolar-e, mondok mamak purag-e meya yusu-o. An nisilepma-ge nigi yoso buk kanduk nggal mondok enpem puruk worasu-o.

YEREMIA 2:28

Kat kinggi-nen konidnak kugwiwak ereba na-ge ngge me worasu-o? Yewura wa-e. Anggun panggun kebem mbosola-ge, kimiri yurak kugugwiwak nde ndak ala-ge, ’Nimiri yer-o’ luk enmengen mbari-o. Kat kugugwiwag-e kwarat, kuwi siri nggal-et kwarat worasu-o.

YEREMIA 2:35

kit-nen yogolar-e: ’Nir-e meya yugwi buk me, Nagawan Indo-nen-e isilepma nenpem puwa bug-o’ yili-o. Alat nde, kit-nen-e: ’Nir-e ndemeret meya-t kwarugwi-o’ luk para yili buk pem-e Nagawan Indo an-nen-e angin worak mende kenpem pimin-o.

YESKIEL 33:31

Iri luk, nggwid nggwid lobok yogolar-e, an nilirak nggal kwasa kore luk, kat kene kulili-t nde, kat-nen enpem pusu ereba na ir-e kwatli bug-o. It enemnde bem-nen-e enabuwa kagwi wene wirik pili-t nde, inndi arem-nen-e it ondomok ukwe ukwe mende lesa wanurak iri nak yebet kali-o.

MIKA 3:11

O siri ereba tena woragwi nap-nen-e o tenakolar-e, uang lesa wanurak pem nak o tena worali-o. Nde, tepan ombo-nen Nagawan Indo-nen imiri mbarak pidnak ereba na ap mul indili-ge onggo wanurak pem nak mul indili-o. Nde, Mbal Pem Nagawan ene lomboksa yugwi nap-nen Nagawan Indo-nen mirik unpuwakluk nggi yili-ge uang lesa wanurak pem nak nggi yili-o. Nde, it oboksa-nen iri nggal kwarogolar-e, it inndi-nen yebet kagolar-e: ”Nagawan Indo-ge nit nennggendumu worasu-o” luk yebet karug-e, it-nen yogolar-e: ”Nagawan Indo-ge nit ninmin worasu-o. Nde, iri ala-ge, nit nenpem-e lak tak onposo mende-ge mbuma bug-o” luk yili-o.

MATIUS 10:3

Pilipus min, Mbatolomeus min, Tomas min, pemerinta enmanggim tol ndok woroso nap Matius min, Alpius ambara Yakobus min, Tarius min,

MATIUS 5:20

Nde, an-nen yak kendeyeg-o: Engga enaru nap min Parisi nap min-nen lud tak nak kwarugwi-t nde, kit-nen-e it-nen kwarugwi na mondok ombol nggwe terak minik nggal lud tak nak kwarigit lak yugupndig-e, Mbal Pem Nagawan-nen tenagaidnak wi-ge nggugup pug-o.

MATIUS 6:5

”Nde, kit-nen tepan yogolar-e, it enesiget siget kwarugwi nap-nen kwarugwi nggal kwarurak pug-o. It iri na-ge ap-nen yik iniyujwakluk tepan yogolar-e, mendak nggwe-nen Mbal Pem Nagawan uwi worak ma-nen na, tu ondogwal mberen ma-nen na, tepan yurag-e inndingen-o. Nde, an-nen yak kendeyeg-o: It-nen wanurak onggo iri-ge mondok waniga irir-o.

MARAKUS 11:25

Nde, kit-nen tepan yuwokluk yukmu, ap-nen meya rak kinpidnak pem kinndi puru yidnak mbi worala-ge, Kineid aid arem woraso-nen kit meya yidnak amberam tak puwakluk, kit-nen na meya rak kinpidnak iri-ge kenmberam tak per-o.

LUKAS 20:47

It iri-ge kweyap togwe na onmbol pem lagolat, it unuwi mengga wanugwi-o. Nde, it-nen meya kwarugwi na lumurogolar-e, ir-e tepan mot pare lit karuk mburugwi-o. Iri kwatli iri-ge it enpem-e wene angin worag-et mbaruwa-o” luk yij-o.

LUKAS 22:41

Yak unduruk, Yesus na it endam-nen mboksa mbirij-e kerep misik tarem mbising karuk yoboksa mboso ereya nggal mberarik, endaru yunggusa kore luk, tepan yosolar-e:

NGGALATIA 3:10

”Imiri mbarak pidnak wene-nen yidnak yidnak nak kwarosolat woramin-o” luk perali nab-e imbiri lamut urugwe nggwe worali-o. Nde, Mbal Pem Nagawan engga bem-nen yosolar-e: ”Imiri mbarak pidnak wene-nen yidnak yidnak pik paksa kwarigit lak nab-e imbiri lamut worasu-o” luk yij-o.

PILIPI 3:6

Imiri mbarak pidnak wene na elat mbarosolar-e, lambuk tak inpidnak nap lel mberel onposolat woragi-o. An-e imiri mbarak pidnak wene-nen yidnak yidnak nak kwarosolar-e, lugud tak poso bug-o.

NAM PARA WENE 3:17

Kit-nen yogolar-e: ’Nit nenarengge kwarat, yi mende ndi mende ombo-nen yili-o. Nit-nen lak mende misik nendam worasu bug-o’ luk yili-t nde, kir-e kinpinil konmbomo na lak, we kunsu nggwarak worali iri-ge kenaru buk worali-o. Kinsilobulo na lak, kenlengen na ngguru, kunsum na lak, we koro nderak worali-o luk kenaru bug-o.