LUKAS 18:1 - Nanduk Ngget Tul Pidnak Wene

¹ At owosirak-nen inndi tugup lak woragolat, kundugu kundugu tepan yogolat wolmakluk, Yesus-nen mul ondosolar-e, nden karuk wene yu yak indij-o.

LUKAS 18:1 Iomraidhean Croise

NDAWI ENGGA 102:17

At-nen-e at ilirak pul yidnak woragwi ereba-nen tepan yidnak kolosolat, it-nen nggi yidnag-e ene kola keya buwa bug-o.

NDAWI ENGGA 27:13

An nindi-nen-e an nuruk nggweyakma yu me woralar-e, Nagawan Indo-nen konak nak kwat onposo elem iri na-ge kamin-er-o luk naru worasu-o.

NDAWI ENGGA 65:2

Kar-e ap-nen tepan yidnag-e koloso me, ap oboksa-ge it meya yidnak-nen ndowaga kat keram lobok yuwa-o.

YESAYA 40:31

Alat nde, ap Nagawan Indo ebem wat tak worali nab-e enmawi ngget irit wok unduwa-o. It iri-ge towe ud isiyamu-nen kudsa mondok teram abu pubu mburusu iri nggal pubu mburuwa-o. Ir-e pong kil mborogolar-e, enpabog-e lak ma bug-o. Ir-e tula mborogolar-e, ndeyak ma bug-o.

LUKAS 11:10

Nde, nggi yuwa nab-e wog-et tuwa-o. Kore yuwa nab-e kujwa-o. Tu lel lel kujwa nab-e tu kuwarak ubuwa-o.

LUKAS 21:36

Nde, abok kenpem mbuma mende inggem-nen mengga mbururak amawi wok kondosolat, Ap Ambara an nimbiri bem mendak wolmomtak nap tak konposolat makluk, kir-e kunluk woragolat, tepan kundugu kundugu yogolat wolmer-o” luk yij-o.

OROMA 12:12

Kenalin kenalen pem-et kinndi-ge at ebem mbung mbung tak wolmer-o. Anggun panggun kenpem mbosola-t nde, kinndi luruk puruk, tepan nak kundugu yogolat wolmer-o.

2 KORINTUS 4:1

Ap unpud kaso elem pem Mbal Pem Nagawan-nen-e yabu yu-ge nit nen-pem pamu me, nit ninndi nggwirik yusu bug-o.

NGGALATIA 6:9

Iri bem-e, nir-e konak nak kwarurak na-ge perari yurak pug-o. Nir-e nenperari lag-et kwarogolat wulmulndig-e, mbarurak tarem wok yosola-ge, engen na mbarul-er-o.

EPESUS 6:18

Wanurug-e, tepan yogolat, Mbal Pem Nagawan emengen mbarogolat wolmer-o. Konak Indi ebem woragolar-e, pempa pempa tepan yogolar-e, kunluk kenlengen kwesa woragolar-e, marak nap pidsa enmanggim-e tepan kundugu kundugu yogolat wolmer-o.

PILIPI 4:6

Yi mende ndi mende bem-e kunmud kudtak pug-o. Alat nde, tepan yogolar-e, kit kinndi kabak yidnak mende-ge Mbal Pem Nagawan nggi yak togolar-e, pempa pempa ”Wiwa-o” yak togolat-nen nggi yugup na-e.

KOLOSE 4:12

Kit kenma nap misik, Kerisut Yesus ndegel oboso nap Epaparas-nen-e wiwa yak kundusu-o. Nde, at iri-nen-e pempa pempa kit kenmanggim kiri keresa tepan yosolar-e: ”It inndi tugup lak woragolat, iminep mbarak woragolat, Mbal Pem Nagawan indi-n pidnak nak kwarogolat wolmag-o” luk Mbal Pem Nagawan emengen mbaroso-o.

KOLOSE 4:2

Tepan kundugu yogolar-e, kinndi na kwara kunluk woragolat-nen Mbal Pem Nagawan imin-e ”Wiwa-o” luk yak togolat wolmer-o.

1 TESALONIKA 5:17

Tepan kundugu yogolat nak wolmer-o.

1 SEMUEL 1:12

Iri nggal kwasa Ana-nen Nagawan Indo emengen mbarosolat tepan mondok lit karuk mborosola-ge, Eli-nen-e Ana emnde lombot posolat woragij-o.