LUKAS 17:6 - Nanduk Ngget Tul Pidnak Wene

⁶ Yogolikma-ge, Nagawan Indo-nen yosolar-e: ”Kit kinndi angin tubu yidnak nde sawi uwi kubuk lan iri nggal woragolat-nen nde, e wariya yu yak togolar-e: ’Kar-e konoksa yi koma arem yak yil mbiri-o’ yak togola-ge, kit-nen yak tugup iri nggal-et kwaruwa-o” luk yij-o.

LUKAS 17:6 Iomraidhean Croise

MATIUS 14:29

Yosoloma-ge, Yesus-nen yosolar-e: ”Lobok yi-o” luk yij-o. Yosoloma-ge, Peterus na-ge e koma arem-nen kenangga mburuk yarik, yi ombolwak pem Yesus eram mbirij-o.

MATIUS 17:20

Yogolikma-ge, Yesus-nen wene erep nggarosolar-e: ”Kit kinndi kwara angin tubu yigit lak ala-nen meya yij-o. An-nen yak kendeyeg-o: Kit kinndi angin tubu yidnak iri-ge we sawi uwi marik iri nggal ndak ndak worala-ge, kit-nen ndobo yu yak togolar-e: ’Yu me-nen iri me mbiri-o’ luk yak togola-ge, mburuwar-o. Kit-nen kwarurak mende angin worak misik mbi worasu-ge lag-o. [

MATIUS 21:21

Yogolikma-ge, Yesus-nen wene erep nggarosolar-e: ”An-nen yak kendeyeg-o: Kit kinndi angin tubu luk, kinndi-nen te rak pigit lak ala-ge, an-nen e ara yu kwat pigi yu nggal-et kwarugub-o. Nde, iri nag-e lag-o. Are, ndobo yu yak togolar-e: ’Kat kondomok konoksa yi koma arem tabak yil nggwi-o’ luk yak togola na irit kwat ma-o.

MARAKUS 4:31

Mbal Pem Nagawan-nen tenagaidnak wi iri-ge sawi uwi nggal-nen yusu-o. Yi uwi ndi uwi oboksa uwi marig-et worasu-t nde, sawi uwi iri-ge mondok marik komosa-nen yusu-o. Nde, ap-nen sawi uwi iri na nggweyak pem yagosoma-ge,

MARAKUS 9:23

Yosoloma-ge, Yesus-nen at yak tosolar-e: ” ’Yongga nundurak nde ndak ala-ge’ yigen-a? Pidsa kwat unpurak iri-ge ndak-nen yusu-o. Alat nde, nggog-e inndi angin tubu yurak iri nag-o” luk yak tij-o.

LUKAS 13:19

Mbal Pem Nagawan-nen tenagaidnak wi-ge sawi uwi nggal-nen yusu-o. Ap mbi-nen uwi iri waga, at eyapmu yabosoma, uwi na mborosolar-e, e nggulok irit lasoma-ge, inggi bem-e towe uwi woroso-o” luk yij-o.

LUKAS 17:7

Yuruk, Yesus-nen yosolar-e: ”Kit misig-e ndegel konposo nap mbi-ge yabu wanoso ala na, lomba wam yik karok woraso ala na, yabu ebem pidnak na wanuruk lobok yosola-ge, kit-nen-e: ’Ndag-et nak nunggwi mende yu min-o’ luk yak tugub-a?

LUKAS 19:4

Meya alama-ge, at na nandug-et puburak mberarik, Yesus na wasola mbel kayeg-o luk, ar-e e bem lagaij-o.

LUKAS 7:13

Wagola-ge, Nagawan Indo Yesus-nen kwe na kasoluk, at abuwa-nen yak tosolar-e: ”Yip tusu meyog-o” luk yak tij-o.

LUKAS 7:19

Nagawan Indo eram wirik enpamu, at kin wok obogolat-nen yogolar-e: ”Abok lobok yuwa-o yili nap na-ge kar-et, lak? Are, nin nap lobok yuwa-o luk yik karok wulmul, lak, ngge-o?” luk yak tuwakluk wene enpem pamu-ge.

1 KORINTUS 13:2

An-nen-e aid wene kwiye worak yoso kwat yosolat, kura wene pidsa naru yosolat, enaru yugwi mende pidsa naru yosolat, an nindi angin tubu yidnak iminep mbarak pem-nen ndobo iri lembera nin me wirik posolat yimin-et nde, ap enabuwa kagwi elem nde ap narem-e lak-nen-e an-e ebe lak mende-nen yusu-o.