LUKAS 17:30 - Nanduk Ngget Tul Pidnak Wene

³⁰ Ap Ambara an lobok yimin tarem-e iri nggal-et kwat ma-o.

LUKAS 17:30 Iomraidhean Croise

MATIUS 16:27

Ap Amara na-ge at Eid abinal pem at-nen idnak aid nap inmin lobok yuwarig-e, ap onggo wok ondosolar-e, it-nen kwaridnak ndak ndag-et ondomok tak onggo wok unduwa-o.

MATIUS 24:3

Yesus na-ge Saitun ndobo bem koreyak worasoma-ge, at owosirak ereba na enarikmu-nen wene yuwokluk, at eram lobok luk-nen at kin wok obogolar-e: ”Kat yigen iri na-ge mepme tarem-nen kwat ma-o? Nde, no mende karuk-nen kat lobok yurak min i worok yurak tarem min-e panggo yusu-o luk yenggerak pul-o? Yak nindi-o” luk yiga-o.

MATIUS 24:37

”Nde, Nu worala kwariga nggal, Ap Ambara lobok yuwa tarem na iri nggal-et kwaruwa-o.

MATIUS 24:39

Nde, iri tarem-e it enaru buk worakmu, yi na lobok yosolat ereya na-net it oboksa lak tak inpij-o. Nde, Ap Ambara na lobok yuwa tarem-e iri nggal-et kwat ma-o.

MATIUS 26:64

Yesus-nen wene erep nggarosolar-e: ”Wene iri-ge kat-nen yigen-o. Alat nde, an-nen yak kendeyeg-o: Yawo tarem-nen-e Ap Ambara na-ge Mondok Amawi Worak Nap inggi kigit nggwe koreyak-nen aid arem-nen nggan nggan arem lobok yosola, kagub-o” luk yij-o.

MARAKUS 13:26

Iri tarem-e, Ap Ambara-ge kek tak amawi worak irit nggan nggan arem lobok yosola, kujwa-o.

LUKAS 17:24

Nde, obinel mbal pem-nen yebek yosola, mbal erep ponok ponok yembak yil mburusu iri nggal-et Ap Ambara an lobok yimin tarem-e iri nggal-et ma-o.

LUKAS 17:29

Lut na Sorom wi keya buruk mborosola tarem-e mbal pem-nen kanduk min emben worak kule (belerang) min nggilara pil mbuwasola, it pidsa lak tak inpij-o.

LUKAS 21:22

Iri kwaruwa tarem iri-ge it meya yidnak pem angin worak mende enpem mberak purak tarem-o. Nde, iri kwat unpuwa iri-ge Mbal Pem Nagawan engga bem-nen mbaridnak iri na ndak tak posolat-nen kwaruwa-o.

LUKAS 21:27

Iri tarem-e Ap Ambara an-e nggan nggan arem-nen kek tak amawi worak irit lobok yosola, niyujwa-o.

1 KORINTUS 1:7

nit Nenagawan Indo Yesus Kerisut nam tak purak tarem yik karok woragolar-e, Konak Indi-nen we tembet nundusu mende marig-et nggal wanigit lag-o, mondok ndak irit wanigeb-o.

1 KORINTUS 1:8

Yesus-nen tugup lak tak kinpidnak irit worakmu worok tak puwa tarem, nit Nenagawan Indo Yesus Kerisut-nen idnak Tarem-nen-e kenpem wene mbaruwa bug-o.

KOLOSE 3:4

Nit nunluk worali yu-ge Kerisut-nen yusu-o. Nde, at nam yosolar-e, kit na at imin totno nam yogolar-e, at unu kek tak pidnak pem-et nam yugub-o.

2 TESALONIKA 1:7

Iri kwarosolar-e, kit yawo andi bandi kali nap na, nit na, nenmanggim-e Nagawan Indo Yesus na-ge at-nen idnak aid nap amawi worak inmin luk aid arem-nen nam ma tarem-e Mbal Pem Nagawan-nen-e yamuksa woragwi elem wok nunduwa-o.

1 PETERUS 1:13

Iri bem-e, kinndi enggengge bem puruk, kwil kwalsa woragolar-e, Yesus Kerisut abok lobok yosolat-nen we wok ondoso mende wok kunduwa na bem kinndi mbung mbung tak wolmer-o.

1 PETERUS 1:7

Nde, kinndi ngaruwa iri-ge kit-nen ndemeret Nagawan Indo ebem kinndi angin tubu yigep, lak? luk kinndi kasolat-nen kinndi-t ngaruwa-o. Lak momtak mende emas posid iri perak nde abut mbaruwokluk kan ma pugwi-o. Nde, emas posid iri-ge onggo nggulok pugwi mende-t nde, marik-nen yusu-o. Nde, kit kinndi angin tubu yidnak iri perak nggulok-nen yusu me, tugup lak wolmakluk mondok kinndi ngaruwa-o. Iri lug-e, Yesus Kerisut lobok yuwa tarem-nen-e kentembel wanogolat, kunnu kek tak pogolat, nggok tak konpogolat ma-o.

1 PETERUS 4:13

Are, Kerisut andi bandi kagaid na nggal-et an-e at imin andi bandi kasu-o luk, kenalen ker-o. Iri kwarugup ala-ge, at kek tak woraso nam tak puwa tarem-e kit kenalin kenalen kwarat kagub-o.

1 YOANES 2:28

Nde, nilirak wa-e. Kerisut lobok yuwa tarem-e ninggiri min lak, mondok kwiye lag-et at eram wok yuwok-nen Kerisut imin kundik irit wolmer-o.

1 YOANES 3:2

Nanggamirak kenabuwa worak wa-e. Yawo-ge nir-e Mbal Pem Nagawan ilirak-nen yili-t nde, abok-nen kwat nunpurag-e nam tak pigit lak me, ngge nggal kwat mul-o? Alat nde, wene yu nak nenaru yili-o: Kerisut lobok yuwa tarem-e ar-e ndemeret ebe nenlengen kul me, at woraso nggal-et kwat mul-o.

NAM PARA WENE 1:7

Yik ker-o. Ar-e nggan nggan arem lobok yusu-o! Ap oboksa-nen at kagolat, tege at arem mon kaidnak nap-nen na kujwar-o. Nggweyak ma nap enlem oboksa-nen-e at ubud-nen yip kwarat yuwa-o. Ndemerer-o! Amen.