LUKAS 17:26 - Nanduk Ngget Tul Pidnak Wene

²⁶ Nde, Nu worala tarem-nen kwariga nggal-et, Ap Ambara an lobok yurak tarem-e iri nggal-et kwat ma-o.

LUKAS 17:26 Iomraidhean Croise

NDAK WIRIDNAK WENE 6:5

Woragola-ge, Nagawan Indo-nen-e ap ereba-ge it inndi-ge meya kwarurak nak kobong tak, it-nen na yi meya ndi meya nak kwat tenak woragola, eneyasolat woragij-o.

NDAK WIRIDNAK WENE 6:7

yosolar-e: ”An-nen ndak worak pigi mende ap min yi towe ndi towe oboksa min urugup worak mende oboksa min an-e niri nera-nen ndak wirigi-o luk perasu me, mondok lak tak pimin-o” luk yij-o.

NDAK WIRIDNAK WENE 6:8

Alat nde, Nu arig-et nak Nagawan Indo alen tak posolat woragij-o.

LUKAS 17:22

Iri lug-e, Yesus-nen owosirak na yak ondosolar-e: ”Abok-nen-e ’Ap Ambara-nen idnak tarem mbi kayeg-o’ luk yugub-et nde, kagup pug-o.

LUKAS 17:24

Nde, obinel mbal pem-nen yebek yosola, mbal erep ponok ponok yembak yil mburusu iri nggal-et Ap Ambara an lobok yimin tarem-e iri nggal-et ma-o.

LUKAS 17:27

It pidsa-nen nunggwi mende min yi min nonggolat, kwe wok kerak mbogolat kwat tenak worakmu, Nu na o iri na arem nggosola-ge, yi wasolar-e, it pidsa lak tak inpij-o.

LUKAS 17:7

Yuruk, Yesus-nen yosolar-e: ”Kit misig-e ndegel konposo nap mbi-ge yabu wanoso ala na, lomba wam yik karok woraso ala na, yabu ebem pidnak na wanuruk lobok yosola-ge, kit-nen-e: ’Ndag-et nak nunggwi mende yu min-o’ luk yak tugub-a?

LUKAS 18:8

An yak kendeyeg-o. Ar-e ndag-et nak it onowene konak mbal unduwa-o. Alat nde, Ap Ambara an lobok yimin tarem-e nggweyak ma yu me-nen inndi angin tubu yugwi nap mbi eneyamin, lak?” luk yij-o.

IBERANI 11:7

Nde, Nu na indi angin tubu yidnak pem-net Mbal Pem Nagawan-nen-e abok-nen kwat momtak wene yak tosola, kuluruk, indi kwiye luk, at erengen-nen kagit lak mende-t nde, Mbal Pem Nagawan-nen yidnak yidnak kwarosolar-e, at min ogwela min inmiri yurak e koma wirij-o. Iri kwarosolat-nen-e nggweyak ma woragwi nap oboksa enpem wene mbarosola, at indi angin tubu yidnak pem-e Mbal Pem Nagawan-nen at lud tak nak tak ibij-o.

2 PETERUS 2:5

Nde, nanduk woraiga nap na irit, Mbal Pem Nagawan-nen keya inpigit lak, are, yidnak yidnak kwarigit lak nap enpem wene mbarosolar-e, yi tu kuwarak pamu yi-nen nok inpij-o. Mbal Pem Nagawan-nen inmiri yosolar-e, lud tak kwarugwi wene tomboroso nap Nu min ap enpe tuju min nak inmiri yij-o.

2 PETERUS 3:6

Nde, nanduk ndak worak pid nggweyak iri na lak tak pij-e yi nggok kobong yid iri-net lak tak pij-et nde,