LUKAS 17:25 - Nanduk Ngget Tul Pidnak Wene

²⁵ Alat nde, nanduk nandug-er-e an-e kwarat andi bandi kasolat, yawo worali nap-nen-e insili rak nobogolat ma-o.

LUKAS 17:25 Iomraidhean Croise

YESAYA 53:3

Nit-nen-e at nggweyel obogolat, pelek pelek tak ibige-o. Ar-e andi bandi kasolat, yane woroso-o. Ap misiger-o luk mbi-nen na yik kujwa bug-o. Nit-nen na no mende yik kaidnak nggal tak ibige-o.

MATIUS 16:21

Iri tarem-nen Yesus na tel korosolat, at owosirak yak ondosolar-e: ”An-e mondok Yerusalem mbirimin-o. Mburumu-ge, ogore yidnak nap nde tepan omborak nagawan nde imiri mbarak pidnak wene enaru nap nde it-nen mondok lel mberel nubuwa-o. Iri luk, nuruwa-t nde, mberen nene luk, kenan tak purak pem-e nuruk tak puwa-o” luk nam-et yak indij-o.

MATIUS 21:42

Yogolikma-ge, Yesus-nen it yak ondosolar-e: ”Kir-e Mbal Pem Nagawan engga mbarak pem-nen wene yu-ge wonarugwi bug-a? Wene iri-nen yosolar-e: ’O wurugwi nap-nen mbo bidnak kerep iri-ge o unggut paro bidnak irit kwat yij-o. Iri agaid iri-ge Nagawan Indo-nen kwaridnak me, nit nenlengen ma-ge kwiye worak mende irit kali-o!’

MARAKUS 10:33

Yak ondosolar-e: ”Yu nde ker-o. Nir-e Yerusalem lali-o. Nde, Ap Ambara an-e tepan omborak nagawan nagawan nde imiri mbarak pidnak wene enaru nap nde ininggem nubuwama-ge, it-nen-e an nuruwakluk niminep wesera enlem nin nap ininggem nubuwa-o.

MARAKUS 12:10

Mbal Pem Nagawan engga bem-nen yosolar-e: ’O wurugwi nap-nen mbo bidnak kerep iri-ge o unggut paro pidnak irit kwat yij-o.

MARAKUS 8:31

Yak unduruk yarig-e, Yesus na-nen at owosirak mul ondosolar-e: ”Ap Ambara iri-ge kwarat andi bandi kujwa-o. Nde, andi bandi kasolar-e, ogore yidnak nap min tepan omborak nagawan nagawan min imiri mbarak pidnak wene enaru nap min-nen pelek pelek tak puruk, wuruwa-o. Wuruwama-ge, mberen nene luk, tuguruk uruk tak puwa-o” luk yij-o.

MARAKUS 9:31

Yesus-nen at owosirak na mul ondosolar-e: ”Ap Ambara-ge ap ininggem puwama, it-nen wuruwa-o. Wuruwama-ge, mberen naruk, kenan tak purak pem-e uruk ma-o” luk yak indij-o.

LUKAS 18:31

Iri lug-e at owosirak duabelas na enarik ndok worak unpuruk, Yesus-nen it yak ondosolar-e: ”Yu nde ker-o. Nir-e Yerusalem mbitli-o. Nde, iri me-nen-e Mbal Pem Nagawan ene lomboksa yugwi nap-nen Ap Ambara an kwat nuburak wene mbaridnak pidsa iri na ndak ndag-et kwat nubuwa-o.

LUKAS 18:33

it-nen andi bandi rak nuburuk, nuruwa-t nde, mberen nene luk, kenan tak purak pem-e nuruk yimin-o” luk yak indij-o.

LUKAS 24:46

yak ondosolar-e: ”Mbal Pem Nagawan engga bem-nen mbaridnak wene-ge yur-o: ’Kerisut na andi bandi karuk, mberen nene luk, kenan tak purak pem wat yidnak nap ennggenggerak-nen uruk ma-o.’

LUKAS 9:22

”Ap Ambara-ge andi bandi kwarat kasolat, ogore yidnak nap min tepan omborak nagawan min imiri mbarak pidnak wene enaru nap min-nen pelek pelek tak uburuk, wuruwa-t nde, mberen naruk, kenan tak purak tarem-e tuguruk uruk tak puwa-o” luk yij-o.

YOANES 1:11

At ambik ama-t lobok yij-et nde, at winde-nen-e wok ibigit lak yiga-o.

YOANES 12:38

Iri kwariga iri-ge, Mbal Pem Nagawan ene lomboksa yoso nap Yesaya-nen yosolar-e: ”Nagawan Indo wa-e. Nit-nen yidnak wene bem-e ta-nen nde inndi angin tubu yij-o? Nagawan Indo amawi-ge ta nde mirik ibij-o?” luk yid iri na ndak ndak tak pogolat-nen kwariga-o.

1 SEMUEL 10:19

An-nen-e kit yane wurugwi min andi bandi kagwi min oboksa arem-nen wisirik konposo-t nde, kit yawo-ge an-nen nagawan misik kennggendumu lenak purak nggi yak norogolat, Kenmbal Pem Nagawan an-e keya nibili-o. Iri ala ge, ob-o. Yawo-ge kit-nen idnak Nagawan Indo an neram kenlem lombok ndok werer-o’ yij-o” luk yak indij-o.

1 SEMUEL 8:7

Iri yak tosola, Nagawan Indo-nen yosolar-e: ”It enne irit kuli-o. Iri-ge kat keya kobogolat-nen kwatli-ge lag-o. Are, an-et keya nibili-o. Ir-e an-et it ennggendumu nagawan wolmomtag-e inndi-ge perali bug-o.