LUKAS 17:24 - Nanduk Ngget Tul Pidnak Wene

²⁴ Nde, obinel mbal pem-nen yebek yosola, mbal erep ponok ponok yembak yil mburusu iri nggal-et Ap Ambara an lobok yimin tarem-e iri nggal-et ma-o.

LUKAS 17:24 Iomraidhean Croise

YESKIEL 1:14

Nde, urugup worak ereba na-ge muma nggal ndag-et nak waring tenak worala kagi-o.

SAKARIA 9:14

Nde, Nagawan Indo-ge at ilirak inmbiri bem nam yaga mirik unpuwa-o. At-nen amare mbising kasolar-e, mondok obinel nggal nak mbisingsa pil mburuwa-o. Nagawan Indo Mondok Kek tak iri na-nen-e wim nggogolat-nen pugwi terompet ene nak posoluk, abare ena (selatan) nggwe-nen o wija lobok yoso iri na bem wim pil mburuwa-o.

MATIUS 24:27

Nde, o pinel-e mo luwaso sa-nen yebek yidnak pem mo mboso sa yebek yil mburusu nggal, iri nggal-et Ap Ambara na lobok yuwa-o.

MATIUS 24:30

Iri rak puruk, mbal pem-nen Ap Ambara lobok yusu-o. Yenggerak purak mende iri-ge nam ma-o. Iri ala-ge, nggweyak ma woragwi nap enlem pidsa-ge yip togolat-nen yik kujwa nggal-e, Ap Ambara-ge mbal pem woraso nggan nggan pem amawi min abinal kwarat min lobok yosola, yik kujwa-o.

MATIUS 25:31

”Ap Ambara na at unu kek tak pem lobok yosolar-e, aid nap oboksa na at imin lobok yogola-ge, at-nen-e nagawan koreyak woraso sa abinal worak iri na me kore yuwa-o.

MATIUS 26:64

Yesus-nen wene erep nggarosolar-e: ”Wene iri-ge kat-nen yigen-o. Alat nde, an-nen yak kendeyeg-o: Yawo tarem-nen-e Ap Ambara na-ge Mondok Amawi Worak Nap inggi kigit nggwe koreyak-nen aid arem-nen nggan nggan arem lobok yosola, kagub-o” luk yij-o.

MATIUS 5:15

Ap-nen-e tal paga togolwak tud tak arem pugwi bug-o. Are, o ma iri me woraidnak nap oboksa yaya bem wolmakluk, tal pugwi ondolma iri me-t pugwi-o.

1 KORINTUS 1:8

Yesus-nen tugup lak tak kinpidnak irit worakmu worok tak puwa tarem, nit Nenagawan Indo Yesus Kerisut-nen idnak Tarem-nen-e kenpem wene mbaruwa bug-o.

1 TESALONIKA 5:2

Yariya wanoso nap-nen yariya waneyekluk kubu nggwe lobok yoso nggal, iri nggal-et Nagawan Indo lobok yurak Tarem-e wok ma-o luk kit na mondok kenaru nar-o.

2 TESALONIKA 2:2

Ap-nen yogolar-e: ”Lag-o. Nagawan Indo lobok yurak Tarem irit kwat agaij-o” luk yogola na, kirimbi yogola na, ”Irit yamu-o” luk nit-nen mbaridnak engga nggal yak kondogola na, kulurug-e, kir-e ndag-et nak wendet luk, kinndi pok yurak pug-o.

2 TESALONIKA 2:8

iri tarem-e Meya nak Kwaroso Nap iri na nam yosola-ge, Nagawan Indo Yesus-nen at emende pu-nen at mondok worosolat, at lobok yosolat abinal-nen at iri lak tak puwa-o.

YAKOBUS 5:8

Kit na irit mamak puruk wolmer-o. Nagawan Indo lobok yurak tarem panggo yid me, kinndi tugup lak wolmer-o.

2 PETERUS 3:10

Alat nde, Nagawan Indo lobok yurak tarem iri-ge yariya wanuwokluk lobok yugwi nggal-et lobok yuwa-o. Lobok yosolar-e, mbal iri-ge o nggu kwiye worak yuruk, lag-et ma-o. Mbal pem woraso mende-ge kan-nen nuruk, lak tak puwa-o. Nggweyak min ebem pem woraso mende pidsa-ge lak tak puwa-o.