LUKAS 17:2 - Nanduk Ngget Tul Pidnak Wene

² Nde, ap li marik nggal ndeyak yeba ennggendumu ap misiger-o luk tet meya yuwakluk arem woraga pil nggusu nap iri perak nde, kerep nggulok mbi at urusuwak pem tiyong tak puruk, yi koma arem peleksa ibil nggurak perak ob-o.

LUKAS 17:2 Iomraidhean Croise

YESAYA 40:11

Ar-e wam yik karok woragwi nap-nen kwarugwi nggal wam kwarat ereba na kwara ndogorosolat, at ondomok-net ndak wat unpuwa-o. Lomba amarik ereba na-ge aringmu rak puruk, ija-ge yanggosa-t kona suluk mburuwa-o.

MATIUS 17:27

Alat nde, it iri na mbud tak unpurak kerep nggal kwarul naru, kat yi ma mburugundik, keyane wanugwi sugulud mberak pi-o. Nde, nanduk-net ulok ma keyane na wanugundig-e, emende penggera pak kasoma-ge, kerep tol misik kagun-o. Tol iri na wanosoluk, nit nenmberek nenmanggim it na wok indil mbiri-o” luk yak tij-o.

MATIUS 18:10

Nde, li marik yu misik na mondok kinsili kudtak pug-o. An-nen yak kendeyeg-o: Aid arem-nen it-nen idnak aid nap iri-ge pempa pempa an Neid aid arem woraso na erare yik karok worali-o. [

MATIUS 18:14

Iri nggal-et kit Kineid aid arem woraso na li marik yu ennggendumu-nen la misiger-o luk tet pul momtak iri-ge ar-e perasu bug-o.”

MATIUS 26:24

Ap Ambara na wat yosolar-e, Mbal Pem Nagawan engga mbarak pem-nen ’Iri nggal kwasa wat ma-o’ luk yidnak na ndak ndak irit wat ma-t nde, Ap Ambara wesel ubuwa nap iri-ge abuwa-o! Ap iri-ge ndakit lak yelep nggal-e mondok konag-o!” luk yij-o.

MARAKUS 9:42

Yuruk, Yesus-nen yosolar-e: ”An nebem inndi angin tubu yidnak li marik yu ennggendumu-nen la misik nak an nebem indi angin tubu yidnak na lak tak puwa nap iri-ge, kerep nggulok at urusuwak pem yela keya buruk, yi koma arem mbo pil nggurag-e ndak-nen yusu-o.

YOANES 21:15

Nunggwi mende na nonggolug-e, Yesus-nen Simon Peterus na yak tosolar-e: ”Yona ambara Simon wa-e. Kat kanggamirak-nen-e an nabuwa te nggal kali-t nde, kat-nen-e an nabuwa-ge kwarat kasu, lak?” luk yak tosoloma-ge, at-nen yosolar-e: ”Eyo. Nagawan Indo wa-e. An-nen kat kabuwa kaso iri-ge kar-e karu-o” luk yij-o. Yosoloma-ge, Yesus-nen at yak tosolar-e: ”Iri ala-ge, an nolomba wam marik yeba parugu wolmin-o” luk yak tij-o.

1 KORINTUS 9:15

Alat nde, kit kenarengge wok nururag-e ob-et nde, an-e larok nak yoso-o. Nde, yawo an-nen engga mbarusu yu-ge wok norobokluk-nen mbarusu-ge lag-o. Ap mbi-nen an nunu kek tak woraso iri ebe lak tak purak iri-ge meya-o. Iri kwarurak ala-ge, an-e wat yosolar-e ob-o.

1 KORINTUS 9:22

It ndeyak nap wok enpeyekluk, it ennggendumu woralar-e, an-e ndeyak nap nggal kwat yoso-o. It erep inmiri yeklug-e, an-e ap pidsa-nen kwarugwi nggal yi kwarugwi ndi kwarugwi pidsa kwarukmu-o.