LUKAS 17:16 - Nanduk Ngget Tul Pidnak Wene

¹⁶ Lobok luk, Yesus ijok eralu mbud lug-e, wiwa-o kwarat yak tij-o. Nde, ap iri-ge Samaria nap-nen kwarij-o.

LUKAS 17:16 Iomraidhean Croise

NDAK WIRIDNAK WENE 17:3

Yak tosoloma, Abaram na-ge erare nggwe tud yosola, Mbal Pem Nagawan-nen yosolar-e:

MATIUS 10:5

Yesus-nen ap duabelas iri na wirik onposolat-nen yak ondosolar-e: ”Enlem nin nap endam mbururak pug-o. Nde, Samaria nap unuwi silmu na nggurak pug-o.

MATIUS 2:11

O ma iri nggwiganggal-e, la marik na ija Maria imin worasoma, kaiga-o. Karug-e, la iri na eram tud luk, at erembel waniga-o. Iri rak purug-e, it insilobulo yarak woraso unsum munen-e emas posid min kemenyan emben worak amburu min mut emben worak amburu min kenangga we irit wok tiga-o.

MARAKUS 5:33

Mbenarosoloma-ge, kwe na-ge at ebem kwaridnak na aru me, kwiye-nen ebem kot kot yosola, lobok yarik, Yesus eralu tud luk, at kwat ibidnak wene na lud tak nag-et para yak tij-o.

LUKAS 17:17

Iri ala-ge, Yesus-nen yosolar-e: ”Ab-e sepulu ki rak inpigi-t nde, enpe sembilan-e ngge me worali-o?

LUKAS 5:8

Nde, Simon-nen iri kwat yid iri na karug-e, Yesus eralu endaru yungguksa tud yosolat-nen yosolar-e: ”Nagawan Indo wa-e. An-e meya yoso nap me, keya nuburuk mbiri-o!” luk yij-o.

YOANES 4:9

Yak tosoloma-ge, Samaria kwe na-nen at yak tosolar-e: ”Kar-e Yawuri nab-et nde, Samaria kwe an nimin-e ’Yi kenang niri-o’ yigen iri-ge noluk-nen yigen-o?” luk yij-o. (Yawuri nap-nen-e Samaria nap inidmbe arem nunggwi bug-o.)

YOANES 5:23

Nde, an Neid-nen amawi an ninggem pid iri-ge ap pidsa-nen Neid kek tak pili nggal, Ambara an na kek tak nubuwakluk-nen ninggem pij-o. Ambara an kek tak nibili buk nab-et wirik nibil lobok yidnak nap an Neid na kek tak pili bug-o.

YOANES 8:48

Yak ondosoloma-ge, it Yawuri nap-nen Yesus yak togolar-e: ”Nit-nen-e: ’Kar-e Samaria nap, kugi karem nggwidnak nap-nen yusu-o’ luk yak kirige na-ge ndemeret yak kirige-o” luk yiga-o.

YIDNAK YIDNAK WENE 1:8

Nde, Konak Indi kit kenpem mbuwasolar-e, amawi rak kunpuwa-o. Konposola-ge, Yerusalem-nen na, Yurea wi oboksa-nen na, Samaria-nen na, ap lak kuri-nen na irit an nowene kunggurugwi nap tugub-o” luk yak indij-o.

1 KORINTUS 14:25

at arem-nen kura woraso mende na para nam tak posola-ge, at iri-ge erare nggwe tud luk, Mbal Pem Nagawan erembel wanosolat-nen yosolar-e: ”Mbal Pem Nagawan-e ndemeret kit kennggendumu worasu-o” luk para yuwa-o.

NAM PARA WENE 19:10

Iri yosola, an-e aid nap na eralu mbud luk, at erembel waneyekluk yigi-t nde, at-nen yak norosolar-e: ”Lag-o. An nerembel wanurag-e lag-o! An na at ndegel oboso nap Mbal Pem Nagawan-nen yidnak wene Yesus-nen yak kindidnak wene tena woragwi nap kat kanggamirak inmin iri nggal-net yusu-o. Mbal Pem Nagawan nak erembel wani-o!” luk yak nirij-o. Nde, Yesus-nen nam tak pid ndemeret wene iri-nen-e Mbal Pem Nagawan ene lomboksa yugwi nap mirik onposo-o.

NAM PARA WENE 4:10

it enne kulugwi nap dua pulu empat (24) iri-nen-e nagawan koreyak woraso ondoro ebem koreyak worasu na eralu tud luk, urug-et pem woralik nalik wolma nap na erembel wanugwi-o. Iri luk, ontopi nagawan-nen pugwi pago ereba na-ge at koreyak woraso ondoro urugwe nggwe yonggora mbo bogolat-nen yogolar-e:

NAM PARA WENE 5:14

Iri yogola-ge, untugup worak mende empat ereya na-nen yogolar-e: ”Amin-o!” luk yogola-ge, enne kulugwi nap ereya na-ge tud luk, it entembel waniga-o.