LUKAS 16:23 - Nanduk Ngget Tul Pidnak Wene

²³ Wat yidnak nap ndok wurugwi sa woralar-e, yane worosolat-nen-e at erengen lik kagaidnggal-e. Abaram na erepma worala, Lasarus na-ge Abaram eralu worala lik eneyagaij-o.

LUKAS 16:23 Iomraidhean Croise

NDAWI ENGGA 16:10

An wat makluk keya noboso buk me, kat-nen enabuwa kaso nab-e lak makluk keya onposo bug-o.

NDAWI ENGGA 49:15

Alat nde, Mbal Pem Nagawan-nen wisirik nubuwa-o. Wat yugwi elem inggem-nen nimiri yuwa-o.

NGGOMO WENE 15:24

Inndi worak nap-nen-e lak tak unpurak sa mbugwi tu iri na nggwe keya buruk, tula unluk wolmomtak sa lagwi tu eid na nggwe-t lali-o.

NGGOMO WENE 5:5

Kar-e ap wat luk mbugwi sa lit kuburuk mbosolat, tula-ge wat yugwi sa mburugwi iri na me lit yaga mberak kibil mbosolat ma-o.

NGGOMO WENE 7:27

At ama mborogolar-e, mondok wat momtak tula poro irit kore yogolar-o.

MATIUS 11:23

Nde, Kaperenaum yu-ge wa-e! Kit kunnu-ge nggigisa aid arem wok ma perali-a? Lag-o. Kit perak nde kan mare arem peleksa kinpil ngguwa-o. Kit kendam-nen kwaridnak kwiye worak mende iri-ge Sorom nap endam-nen kwarigi nggal-e Sorom iri-ge yawo na woraleb-er-o.

MATIUS 18:9

Nde, kat kerengen-nen kat meya rak kobosola-ge, kela mbo bi-o. Kat kerengen misiget nag-et nde, kuruk wolmomtag-e ob-o. Nde, kat kerengen mberen parugu-t nde, kan mare arem kibil nggurag-e meya-o.

MATIUS 23:33

Kit waro-nen wigarak waro yu-ge wa-e. ’Kan mare arem nggugub-o’ luk kenpem mbarak pidnak wene inggem-nen nggesa mengga mburugub-o?

MATIUS 5:22

Alat nde, an-nen yak kondosolar-e: Ta-nen nde at anggam imin isilepma yuwa nap iri na ebem-e wene mbarurag-o. Nde, ta-nen nde mondok meya wene at anggam yak tuwa nap iri na ebem-e wene mbarugwi nap yok nggok na-nen ebem wene mbarurag-o. Nde, ta-nen nde at anggam yak tosolar-e: ’Wid num kum tak yu-ge wa-e’ luk yak tuwa nap iri na-ge kan mare wulok tenak woraso sa iri na me pil ngguwa-o.

MATIUS 5:29

Nde, kerengen kigit nggwe iri-nen ndowaga meya rak kobosola-ge, kerengen na kela mbo bi-o. Kat kebe ebis-et kan mare arem mbo kubuwa naru, kat kerengen misiget iri lak tak purak perak nde ob-o.

MATIUS 8:29

It enmberek enne nggulok pem-nen yogolar-e: ”Mbal Pem Nagawan Ambara wa-e. Kar-e nit ninmin-e no kwareyeklug-o? Nenpem wene mbarurak tarem awo worala kagit, andi bandi rak nenpeyekluk lobok yusu-a?” luk yiga-o.

LUKAS 16:24

Eneyarug-e, isilobulo worak nap na-nen ene ngguloksa yosolar-e: ’Neid Abaram wa-e. An-e kanduk arem yane wat tenak worasu yu-ge, kar-e an nabuwa kasolar-e, Lasarus iri yak ti-o. Inggi yi ma buruk, an nama imin tak puwak-nen yak ti-o’ luk yij-o.

LUKAS 16:28

Iri me-ge an nowosirag-e lima worali me, ir-e andi bandi kagwi sa yu me ngguma naru, kirimbi yak unduwak-nen Lasarus irige wirik pi-o’ luk yij-o.

LUKAS 8:28

Ap iri-nen Yesus kasoluk, ene ngguloksa yuruk, Yesus eralu tud yosolat-nen yosolar-e: ”Kek tak Woraso Mbal Pem Nagawan Ambara Yesus wa-e. An-e ngge rak nubugun-o Nap wa-o. An andi bandi rak nuburak pug-o!” luk yij-o.

1 KORINTUS 15:55

”Wat yugwi elem wa-e. Kat-nen ombol nggwe yoso mende-ge ngge me-o? Wat yugwi elem wa-e. Kat-nen keyak yilik onposo mende-ge ngge me-o?”

2 PETERUS 2:4

Nde, meya yiga aid nap na Mbal Pem Nagawan-nen keya inpigit lak, are, kan mare arem mbo inpil nggwamu-o. Nde, ir-e ndamuk arem iri kamarak irit worakmu, it enpem wene mbarurak tarem wok ma-o.

NAM PARA WENE 20:10

Iri rak puruk, it onmbol pem laso Sere iri na-ge emben worak kule (belerang) laso kan mare arem mbo bil nggwid iri-ge ndakngge isilepma worak min enesiget Mbal Pem Nagawan ene lomboksa yoso nap min-e nandug-et iri me mbo inpil nggwij-o. It iri andi bandi kagolar-e, lengge-nen kubu-nen pem-et woralik nalik wolma-o.