LUKAS 16:17 - Nanduk Ngget Tul Pidnak Wene

¹⁷ Nde, mbal min nggweyak min lak momtag-e te-t nde, imiri mbarak pidnak wene-ge marig-et ter-o luk lak tak puwa bug-o.

LUKAS 16:17 Iomraidhean Croise

YESAYA 40:8

Tusuangge iri na umbuk yosolar-e, engen isi pidnak iri na-ge terabet yoso-t nde, Nenmbal Pem Nagawan-nen yidnak wene-ge lak yigit lak, pem irit woraso-nen yusu-o luk wigarer-o” luk yusu-o.

MATIUS 5:18

An-e ndemeret yak kundusu-o: Mbal min nggweyak min lak yigit lak ma-ge, imiri mbarak pidnak wene arem mbarid-nak hurup marik komosa min titik mariget ter-o luk min-e iri arem mbarid-nak wene mondok pidsa ndak tak pigit lak ma-ge mondok lag-e ma bug-o.

LUKAS 21:33

Mbal min nggweyak min lak ma-t nde, an-nen yidnak wene-ge mondok lag-e bug-o” luk yij-o.

OROMA 3:31

Iri ala-ge, ninndi angin tubu yili iri-ge imiri mbarak pidnak wene iri-ge lak tak purak pem kwatli-a? Mondok lag-o! Are, Musa-nen imiri mbarak pidnak wene na-ge mondok tugup lak tak puwokluk-nen yili-o.

1 PETERUS 1:25

Nagawan Indo-nen yidnak wene-ge pem-et woralik nalik wolma-o” luk yij-o. Nde, wene iri-ge kit yak kindidnak aid wene-net yusu-o.

2 PETERUS 3:10

Alat nde, Nagawan Indo lobok yurak tarem iri-ge yariya wanuwokluk lobok yugwi nggal-et lobok yuwa-o. Lobok yosolar-e, mbal iri-ge o nggu kwiye worak yuruk, lag-et ma-o. Mbal pem woraso mende-ge kan-nen nuruk, lak tak puwa-o. Nggweyak min ebem pem woraso mende pidsa-ge lak tak puwa-o.

NAM PARA WENE 20:11

Iri luk, an yik kaginggal-e, nagawan-nen koreyak woraso ondoro loro nggulok iri min ebem koreyak woraso nap min kagi-o. Nde, at iri eram-nen nggweyak min mbal min-e lak yosolar-e, ondoro min-et mondok lak yij-o.

NAM PARA WENE 21:1

Iri luk, an yik kaginggal-e, mbal ngget min nggweyak ngget min kagi-o. Nde, nanduk woraso mbal min nggweyak min lak yosolar-e, yi koma min-et lak yij-o.

NAM PARA WENE 21:4

At-nen-e it iniyip lengen oboksa ndogwarak puwa-o. Wat yugwi elem na lag-et ma-o. Nde, indi puru yugwi min yip tugwi min andi kagwi min mondok lag-et ma-o. Nanduk-nen woraso oboksa lak yij-o” luk yij-o.