LUKAS 16:1 - Nanduk Ngget Tul Pidnak Wene

¹ Yesus-nen at owosirak yak ondosolar-e: ”Isilobulo kwarat winde mbi-nen-e at orol ndok woroso nap mbi woragaij-o. Worala-ge, ap mbi-nen isilobulo winde na yak tosolar-e: ’Kat korol ndok woroso nap na-nen-e kat korol-e we irit ndibi ndi rak pusu-o’ luk yak tij-o.

LUKAS 16:1 Iomraidhean Croise

NDAK WIRIDNAK WENE 15:2

Abaram-nen yosolar-e: ”Nagawan Indo Mondok Kek tak wa-e. Kat-nen-e la-ge an wok nurusu buk me, an nimining angge oboksa-ge ndegel noboso Ndamsik nap Elieset nde winde ma-o. No manggim-nen Nagawan Indo kat-nen onggo an wok nururak yigen-o?” luk yak tij-o.

NDAK WIRIDNAK WENE 43:19

Yusup uwi tumende eralu iri na me-nen Yusup ama yabu wanoso nap iri na yak togolar-e:

OSEA 2:8

Kiniya-nen-e an-nen nggandum mbato wok tosolat, anggut engen amburu wok tosolat, saitun amburu wok tosolat, at-nen kugwi Mbaal erembel wanosolat-nen wanurak emas perak oboksa wok tosolat kwaroso ereba na-ge ’At-net wok nirij-o’ luk nam yoso bug-o.

MATIUS 20:8

Alama-ge, o ki yosoloma-ge, at yabu winde iri-nen yabu wanugwi nap-nen ene kulugwi iri na yak tosolar-e: ’Yabu waniga nap ereba na yonggo unpuruk, onggo wok ondosolar-e, it abok nggwe nggwiga nab-e nandug-et wok indil indil-nen-e nanduk nggwiga nab-e wok undurag-o’ luk yak tij-o.

LUKAS 12:42

Yosoloma-ge, Nagawan Indo-nen at yak tosolar-e: ”Mot mot kwaroso, indi nggat nggat worak ndegel oboso nab-e ta nde kali-o? Eid iri nin sa mbereyeklug-e, iri yidnak nap-nen-e yi mende ndi mende lid lud tak puwakluk, at inggem posolat, ndegel ubugwi nap ereb-e norak tarem wok yosola, nunggwi mende mak unduwakluk, at inggem posolat ma nap iri-nen yusu-o.

LUKAS 15:13

Tembet endamu, siyak worasolar-e, owot iri-nen-e at arengge pidsa onggo wanosoluk mbirij-o. O wandakma mberarig-e, we kasa ereba an indi-n pidnak pem at arengge ereba na piril peral kagaij-o.

LUKAS 15:30

Alat nde, kat kambara iri-ge kisilobulo wok tigen na-ge kasa kasa ye unpugwi kwami wok ondosolar-e silobulo pidsa lak tak puruk, ma lobok yij-et nde, sapi wam usul iri wat tigen-o’ luk yij-o.

LUKAS 16:19

Yuruk, Yesus-nen yosolar-e: ”Isilobulo worak nap mbi woragaij-o. Woralar-e, usum-e konak nak yorosolat, nunggwi mende undu konak nak pempa nok tenak woragaij-o.

LUKAS 16:2

Yak tosoloma-ge, tol ndok woroso nap iri na wene mbo uburuk, winde iri-nen yak tosolar-e: ’Kar-e ngge kwarosola-nen kobok kuligi-o? An nisilobulo wanosolat woraigen iri-ge engga bem ndegera mbarosoluk, wok niril lobok yi-o. Nde, kat-nen an norol tena wolmomtag-e lag-o’ luk yak tidj-o.

LUKAS 19:20

Nde, ndegel oboso nap misik na at eram lobok yosolat-nen yosolar-e: ’Neid wa-e. Kerep tol misiget wok nirigen na-ge yu-o. An-e sum pem nggetla kura buruk woragirig-o.

LUKAS 8:3

kwe misig-e Yoana, Erores urugom nap Kusa na ogwe na min; kwe misig-e Susana na min; kwami erep kwarat-nen-e it enarengge bem-nen Yesus owosirak inmin yongga ondogolat woraiga-o.

TITUS 1:7

Lambuk tak inpidnak nap yik eneyarok woraso nab-e Mbal Pem Nagawan eyabu winde me, mondok ebem ambut lak irit wolmomtag-o. At iri-ge at ambikpebe kek yoso buk nap, ndag-et nak isilepma yoso buk nap, anggut engen amburu ndonggosa nok tenak woraso buk nap, yig na poso buk nap, silobulo na terak mena wanoso buk nap,

YAKOBUS 4:3

Kit kondomok ukwe ukwe mende iri na wanuwokluk nggi yogolat tepan yili iri-ge lugud tak nggwe yili-o. Iri bem-nen kit-nen tepan yili-t nde, yi mende ndi mende wanili bug-o.

1 PETERUS 4:10

Kir-e Mbal Pem Nagawan-nen we wok ondoso mende kona tena woragwi nap yogolar-e, kenariktak we wok kindidnak na bem-e kit na kit-net yongga yongga wolmer-o.