LUKAS 15:8 - Nanduk Ngget Tul Pidnak Wene

⁸ Yuruk, Yesus-nen yosolar-e: ”Nde, kwe misig-e egerep tol sepulu worasoma, misik nde pul yuwama-ge, ngge nde kwaruwa-o? Lag-o. At-nen tal paguruk, ama o liri korosolat, kwara-t kore luk-nen orol iri kujwa irir-o.

LUKAS 15:8 Iomraidhean Croise

YESKIEL 34:12

Nde iri-ge lomba yik karok woraso nap-nen olomba nggilarak ndibi ndi rak ereba na kore luk, ndok wosa keya buruk ndogoroso iri na nggal-et kwarimin-o. An nolomba o muruk tak ndamuk tarem-nen yi wi ndi wi inpil mbiridnak ereba na-ge it nggilarak woragwi sa-nen wok unpuruk lobok yimin-o.

MATIUS 5:15

Ap-nen-e tal paga togolwak tud tak arem pugwi bug-o. Are, o ma iri me woraidnak nap oboksa yaya bem wolmakluk, tal pugwi ondolma iri me-t pugwi-o.

LUKAS 15:7

Nde, an yak kendeyeg-o. Iri nggal, meya yidnak nap misiget kondok yidnak pem-e aid arem-nen enalen kwarat kujwa-o. Nde, lud tak nak kwarugwi nap sembilan pulu sembilan (99) iri-ge ir-e meya yugwi buk me, kondok yuwa buk nap it enpem-e enalen te nggal-et kujwa-o” luk yij-o.

LUKAS 15:9

Tol na kasoluk, kwe na anggamirak min at eralu woraso nap min wene mbo unpuruk-nen yak ondosolar-e: ’Negerep tol pul yidnak na wanigirik me, kijik kijak wuruwog-o!’ luk yak unduwa-o.

LUKAS 19:10

Nde, Ap Ambara an lobok yigi-ge, pul yidnak nap onkore yaga, inmiri yaga wok endeyekluk lobok yukmu-o” luk yij-o.

YOANES 10:16

Nde, an nolomba erep na worasur-o. Lomba ereba-ge ngenwa yu me nggwigit lak nde yigi-o. An-nen na it oboksa mondok inpil lobok yimin-o. It-nen an nene kologolat, it pidsa misiget nak luk, lomba wam ombo na misiget nak wolma-o.

YOANES 11:52

Nde, Yesus elem nap Yawuri nap enarig-et nak ondolma wat momtak pem-e lag-o. Are, Mbal Pem Nagawan ilirak yi wi ndi wi ndi rak inpidnak na ndok wosa misiget tak unpurak pem wat yij-o.)

YIDNAK YIDNAK WENE 19:19

Iri kwarogolar-e, it kwal ombo kwarat-nen na it onkwal kwarugwi enengga mbarak ndok wosa ap kwarat inmbiri bem kan piga-o. Nde, kan piga engga mbarak ereba onggo pidnak tol wonarogolar-e, perak tol-e kwarat lombok (50,000) pidnak irit kan piga-o.

EPESUS 2:17

Iri bem-e, Kerisut na lobok yij-e, lambuk tak woragwi aid wene-ge ap oboksa yak ondosolar-e, Mbal Pem Nagawan imin wud tak woragwi enlem nin nap kit yak kondosolat, Mbal Pem Nagawan eralu koroga woragwi Yawuri nap na yak ondosolat yij-o.