LUKAS 15:7 - Nanduk Ngget Tul Pidnak Wene

⁷ Nde, an yak kendeyeg-o. Iri nggal, meya yidnak nap misiget kondok yidnak pem-e aid arem-nen enalen kwarat kujwa-o. Nde, lud tak nak kwarugwi nap sembilan pulu sembilan (99) iri-ge ir-e meya yugwi buk me, kondok yuwa buk nap it enpem-e enalen te nggal-et kujwa-o” luk yij-o.

LUKAS 15:7 Iomraidhean Croise

NGGOMO WENE 30:12

Ap erep-nen-e ir-e yi meya ndi meya kobong tak-net nde, it ondomog-e mondok marak nap nggal kwatli-o.

MATIUS 18:13

An-e ndemeret yak kendeyeg-o: Ap iri na-ge olomba iri na kasolug-e, olomba misiget nak iri na bem alen-e mondok kwarat kujwa-t nde, pul yigit lak olomba sembilan puluh sembilan (99) ereba na bem-e alen-e marik nggal kujwa irir-o.

MATIUS 3:8

Meya kwarugwi keya buruk, kondok luk-nen kwarugwi mende mbi nam tak per-o.

LUKAS 15:10

An yak kendeyeg-o. Iri nggal, meya yoso nap misik at meya yidnak keya buruk, kondok yosola-ge, Mbal Pem Nagawan-nen idnak aid nap-e kijik kijak kwarat witli-o” luk yij-o.

LUKAS 15:29

Alat nde, owe na-nen eid na ene erep nggarosolar-e: ’Yu nde ki-o. An-e olengen lasolat mbosolat kat kwara ndegel kobosolat, kat-nen yidnak yidnak nak kwarosolat woragi-t nde, kar-e no wok nirigen-o? An nanggamirak inmin kijak wuruwaklug-e, kambing wam misiget ter-o luk wok niriget lak yigen-o.

LUKAS 15:32

Alat nde, kat kowot iri-ge wat yidnag-et nde, uruk luk, pul yidnag-et nde, wok yid pem-e nit-nen ijok kerengge sakolat, kijik kijak worogolat yili yu-ge ob-et yili-o’ luk yak tij-o.”

LUKAS 15:6

ama waruk lobok yosolat-nen at anggamirak min at eralu woragwi nap min wene mbo unpuruk-nen yak ondosolar-e: ’Nolomba wam pul yidnak wanigirik me, kijik kijak wuruwog-o!’ luk yak unduwa-o.

LUKAS 15:8

Yuruk, Yesus-nen yosolar-e: ”Nde, kwe misig-e egerep tol sepulu worasoma, misik nde pul yuwama-ge, ngge nde kwaruwa-o? Lag-o. At-nen tal paguruk, ama o liri korosolat, kwara-t kore luk-nen orol iri kujwa irir-o.

LUKAS 16:15

Alat nde, Yesus-nen it yak ondosolar-e: ”Ap-nen kek tak yik kagwi iri-ge Mbal Pem Nagawan-nen teberak yik kaso me, ap enlengen pem-e nir-e lud tak nak kwarugwi-o luk yili-t nde, kit kinndi arem-e Mbal Pem Nagawan aru-o.

LUKAS 5:32

An-e konak nap wene mbo enpeyekluk lobok yigit lag-o. Are, meya yugwi iri na it meya yidnak keya buruk, kondok makluk wene mbo enpeyekluk lobok yigi-o” luk yij-o.

OROMA 7:9

Nanduk, imiri mbarak pidnak wene naru buk worasolar-e, an-e nurug-et woragi-t nde, imiri mbarak pidnak wene na wok yosola-ge, meya kwarugwi elem iri uruk yosola,