LUKAS 15:4 - Nanduk Ngget Tul Pidnak Wene

⁴ ”Kit kennggendumu-nen ap misik olomba wam-e seratus (100) worasoma, misiget nde pul yuwama-ge, ngge kwaruwa kaigeb-o? Lag-o. Owam erep sembilan pulu sembilan (99) iri na tusuwangge worak ma keya buruk, pul yidnak na ogore yuwa yuwa kujwa-o.

LUKAS 15:4 Iomraidhean Croise

YESAYA 53:6

Nit oboksa lomba wam kabak yidnak nggal woragolat, tu-ge nindi-n pidnak ndomok mburugwi-o. Alat nde, Nagawan Indo-nen-e nit-nen meya kwarugwi-ge oboksa at ebem yatku bamu-o.

YESKIEL 34:16

Nolomba pul yuwa-ge kore yosolat, nde, kabak yuwa-ge waruk lobok yosolat, e elem wiridnak ala-ge, kamarak posolat, ud ala-ge, obat wok tosolat kwarimin-o. Alat nde, omok worak nggok min amawi worak min-e an-nen lak tak pimin-o. Iri kwarimin iri-ge an-e lomba wam yik karok woraso nap konak nak kwaroso me, konag-et kwarosolat-nen kwarimin-o.

YESKIEL 34:31

Ndemeret kir-e an-nen nunggwi mende mak kondoso nolomba oro-nen yili-o. Kir-e an nilirak-nen yili-o. Nde, an-e kit Kenmbal Pem Nagawan-net yusu-o. An-e Nagawan Indo Mondok Kek tak-nen yak kundusu-o” luk yij-o. 35:1-15 Pasal yu arem-e Erom nggweyak pem woragwi nap enpem angin worak mende mberak purak wene mbarak worasu-o.

YESKIEL 34:4

Nde, lomba ndeyak ereba na-ge kir-e kwara ndigitli bug-o. Lomba ud worak ereba na-ge obat mak tili bug-o. Nde, ud ebem ereba na-ge kir-e nggitlik pili bug-o. Kabaksa pul yidnak lomba-ge kir-e kore yaga tuguruk waruk lobok yili bug-o. Are, ebem lud nde mondok lomba ereba na-ge lel mberel inpili-o.

YESKIEL 34:8

’Mbal Pem Nagawan nuruk nak woraso an nowag-o. Wene yu-ge kwara yebet ker-o! An nolomba ereba-ge yik eneyarok woragwi nap lak me, isilepma worak ndakngge-nen teberarik, ninggij-o. Kit an-nen idnak lomba wam yik karok woragwi nab-e lomba ereba-ge kwara ndigitli bug-o. Iri yogolar-e, kir-e lomba ereba amanggim-e nggok tak pigit lak, kit kondomok kenmanggim nggok tak pili-o.

MATIUS 12:11

Yak togolikma-ge, Yesus-nen it yak ondosolar-e: ”Kit kennggendumu ap mbi-nen olomba wam mbi we woragwi tarem-nen mbunmu mbuwama-ge, ombo iri-nen-e mbunmu-nen waga pil lujwa bug-a?

LUKAS 13:15

Yosoloma-ge, Nagawan Indo-nen at yak tosolar-e: ”Kennesiget siget yugwi nap wa-e. We woragwi tarem-et nde, kit pidsa-nen-e konowam lembu wam nde kelerai wam nde at uwi ma-nen tu kuwara wirik puruk, yi mak til mburugwi bug-a?

LUKAS 15:3

Iri yogola karuk, Yesus-nen nden karuk wene bem it yak ondosolar-e:

LUKAS 19:10

Nde, Ap Ambara an lobok yigi-ge, pul yidnak nap onkore yaga, inmiri yaga wok endeyekluk lobok yukmu-o” luk yij-o.

OROMA 2:1

Nanggamirak wa-e. Kit na meya kwarugwi-t nde, kir-e ta nggal-nen nin nap enpem nde wene mbatli-o? Nde, kir-e nin nap enpem wene mbatli-t nde, it-nen kwarugwi mende iri-ge kit-nen na kwarugwi me, kit na kit-net kenambikpebe kenpem wene mbatli irir-o.

1 PETERUS 2:25

Kit nandug-e kabak yidnak lomba wam nggal woraigeb-o. Alat nde, yawo-ge kit yik keneyarok worasolat, ndegel konposolat yoso nap Kerisut eram tuguruk lobok yigeb-o.