LUKAS 15:24 - Nanduk Ngget Tul Pidnak Wene

²⁴ An nambara yu-ge wat yidnag-et nde, uruk luk lobok yij-o. Pul agaij-et nde, nam yij-o’ luk yosoloma-ge, it na kijik kijak wiriga-o.

LUKAS 15:24 Iomraidhean Croise

NDAK WIRIDNAK WENE 45:28

”Nambara Yusub-e urug-et worasu-o! An-nen peraso-ge irir-o! An-e wat yigit lak ma-net mbirimindik, nambara kayeg-o” luk yij-o.

YESAYA 35:10

Nagawan Indo-nen wisirik unpuwa nab-e tuguruk mburuwarik, Yerusalem nggogolat, enalen-nen ndawi kundugu ngguwa-o. Enalen-nen entare-ge yek mbek tak irit ma-o. Ir-e enalin enalen yogolat, inndi puru yugwi min yani yane wurugwi min ereba na-ge mondok lak ma-o. 36:1–39:8 Empat pasal ya arem-e Asiut nap ennggendumu Nagawan Sanegirip-nen-e Yewura nap indil lobok yosoma, Mbal Pem Nagawan-nen kwiye worak mende kwarosolat, Yerusalem o siri iri na Asiut san omborak ininggem-nen inmiri yidnak wene min Nagawan Iskia na wat momtak kugwi wirij-et nde, ki rak ibidnak wene min mbarak worasu-o.

YESAYA 66:11

Li marik-nen iniyarak enkamo nunggwi nggal, at ebem woraso ibinil ombomo nonggolat mondok ndak woragub-o.

YESKIEL 34:16

Nolomba pul yuwa-ge kore yosolat, nde, kabak yuwa-ge waruk lobok yosolat, e elem wiridnak ala-ge, kamarak posolat, ud ala-ge, obat wok tosolat kwarimin-o. Alat nde, omok worak nggok min amawi worak min-e an-nen lak tak pimin-o. Iri kwarimin iri-ge an-e lomba wam yik karok woraso nap konak nak kwaroso me, konag-et kwarosolat-nen kwarimin-o.

YESKIEL 34:4

Nde, lomba ndeyak ereba na-ge kir-e kwara ndigitli bug-o. Lomba ud worak ereba na-ge obat mak tili bug-o. Nde, ud ebem ereba na-ge kir-e nggitlik pili bug-o. Kabaksa pul yidnak lomba-ge kir-e kore yaga tuguruk waruk lobok yili bug-o. Are, ebem lud nde mondok lomba ereba na-ge lel mberel inpili-o.

MATIUS 8:22

Yosoloma-ge, Yesus-nen wene erep nggarosolar-e: ”An nimin ni-o. Ap wat yidnak iri-ge wat yidnak nap-nen yapma puwag-o” luk yij-o.

MARAKUS 8:22

Nde, ir-e Mbetsaira wok yiga-o. Wok yogolikma-ge, ap-nen-e ap erengen ngguru mbi Yesus eram pil lobok yurug-e, Yesus-nen ap erengen ngguru iri na tena buwakluk, at emengen mbariga-o.

LUKAS 10:19

Wene yu yebet ker-o. Nde, kir-e waro min kigaru min-et nde, kunuwok yemen kagolat, kit kunuwim nap enmawi lak tak pogola, it-nen andi bandi rak kinpigit lak momtak amawi-ge wok kundukmu-o.

LUKAS 15:23

Iri rak purug-e, at imin totno nenalen pem nok-nen sapi wam usul na wil mbutluk, werer-o.

LUKAS 15:25

Nde, ambara manggu iri na-ge yapmu-nen o ma panggosa wok yosolat-nen kolel kagaidnggal-e, ndawi nggu kulij-o.

LUKAS 15:32

Alat nde, kat kowot iri-ge wat yidnag-et nde, uruk luk, pul yidnag-et nde, wok yid pem-e nit-nen ijok kerengge sakolat, kijik kijak worogolat yili yu-ge ob-et yili-o’ luk yak tij-o.”

LUKAS 15:4

”Kit kennggendumu-nen ap misik olomba wam-e seratus (100) worasoma, misiget nde pul yuwama-ge, ngge kwaruwa kaigeb-o? Lag-o. Owam erep sembilan pulu sembilan (99) iri na tusuwangge worak ma keya buruk, pul yidnak na ogore yuwa yuwa kujwa-o.

LUKAS 19:10

Nde, Ap Ambara an lobok yigi-ge, pul yidnak nap onkore yaga, inmiri yaga wok endeyekluk lobok yukmu-o” luk yij-o.

LUKAS 9:60

Yosoloma-ge, Yesus-nen at yak tosolar-e: ”Ap wat yidnak iri-ge wat yidnak nap-nen yapma puwag-o. Nde, kar-e Mbal Pem Nagawan-nen tenagaidnak wi wene waruk wigaril waring ki-o” luk yak tij-o.

YOANES 11:25

Yosoloma-ge, Yesus-nen Marata na yak tosolar-e: ”Unluk tak onposo elem min unlug-et wolmomtak elem min-e an-net yusu-o. Inndi-ge an nebem angin tubu yuwa nab-e wat ma-t nde, unlug-et ma-o.

YOANES 5:21

Nde, an Neid-nen ap wat yidnak mendak unpuruk, unluk tak unpusu nggal, iri nggal-et Ambara an-nen na iri kwat enpeyek peraidnak nab-e unluk tak unpusu-o.

OROMA 11:15

Nde, it Isarael nap na Mbal Pem Nagawan-nen amberam tak inpid pem-e nggweyak ma nap oboksa-ge Mbal Pem Nagawan imin kundik inpij-o. Iri ala-ge, Mbal Pem Nagawan-nen Isarael nap wok onposola-ge, ngge nde ma-o? Lag-o. Iri-ge wat yidnak nap unluk yidnak nggal-nen yusu-o.

OROMA 12:15

Enalin enalen kali nap inmin-e kit-nen na kenalin kenalen ker-o. Nde, yip tili nap inmin-e kit-nen na yib-et turag-o.

OROMA 6:11

Iri nggal-et kit-nen na yu nggal yebet ker-o: An-e wat yugwi elem na wisirik posolar-e, wat yigi nap-nen yusu-o. Nde, Kerisut Yesus imin kwin yosolar-e, Mbal Pem Nagawan amanggim nurug-et worasu-o luk yebet ker-o.

OROMA 6:13

Kit kenpe iri bem-nen meya kwarosolat wolmaklug-e, meya kwarugwi elem iri na kit kenpe iri kininggi kunuwok min kegera wok turak pug-o. Are, kir-e wat yidnag-et nde, kunluk yaga wok kindidnak pem-e, kenpe kegera Mbal Pem Nagawan nak wok ter-o. Lud tak nak kwarugwi mende kwat kenperenak wolmakluk, kenpe ebis-et kegera Mbal Pem Nagawan wok ter-o.

OROMA 8:2

Kir-e Kerisut Yesus imin kundik woragolat kunlug-et wolmomtak elem wok kindid Mbal Pem Nagawan Indi-nen pidnak imiri mbarak pidnak wene-nen-e meya kwarugwi elem min wat yugwi elem min inggiyem-nen weserak kinpij-o.

1 KORINTUS 12:26

Ininggi unuwok misik nde andi ala-ge, ininggi unuwok erep pidsa-t andi yoso-o. Nde, ininggi unuwok misik nde kek tak obogola-ge, ininggi unuwok erep pidsa-nen enalin enalen kagwi-o.

EPESUS 2:1

Nanduk kir-e wene kuruk tidnak pem-nen na, meya yidnak pem-nen na, wat yidnag-et woraigeb-o.

EPESUS 2:5

nir-e at ene kuruk tidnak pem-nen ninndi wat yidnak woraige-t nde, Kerisut uruk tak pid tarem-e Kerisut imin nit na nunluk tak pij-o. Mbal Pem Nagawan-nen we wok ondoso elem pem-net kir-e kinmiri yij-o.

EPESUS 5:14

Iri bem-nen Mbal Pem Nagawan engga-nen yosolar-e: ”Nene yusu nap wa-e. Men min-o. Wat yidnak nap ennggendumu-nen men min-o. Iri ala-ge, Kerisut-nen yaya rak kubuwa-o” luk yij-o.

KOLOSE 2:13

Nde, kit meya kwarogolat woraidnak pem-nen na, kiniye ambasap wabigit lak woraidnak pem-nen na, nanduk kir-e wat yidnak woragwi-t nde, yawo-ge Mbal Pem Nagawan-nen Kerisut imin totno kunluk tak kinpij-o. Mbal Pem Nagawan-nen nit meya kwarogolat woraidnak oboksa-ge amberam tak puruk,

1 TIMOTIUS 5:6

Alat nde, at ukwe ukwe mende nak kore yoso kwe togwe iri-ge urug-et nde, wat yidnak-nen yusu-o.

YURAS 1:12

Kir-e kenggamirak inmin kondogolat-nen nunggwi mende nggok saguruk nonggola tarem it inmin nonggola-ge, it iri-ge innggiri lak kasa kasa nili iri-ge kik tak konpogolat, it ondomok nak nggok tak pili-o. Nde, obube-nen puk kaso nggan nggan-et nde, talme waruk lobok yoso buk nggan nggan nggal, e engen poso tarem-et nde, engen poso buk e nggal, elem konak pidnak ma mondok umbuk yidnak e nggal-et it-nen yili-o.

NAM PARA WENE 3:1

”Sarandis woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge Mbal Pem Nagawan indi tuju min wonaru tuju min iri tena worasu nap-nen yidnak wene-o. Kit-nen kwatli an-e naru-o. Kir-e wat yidnak woragola-t nde, kunluk worali-o luk yak kindili-o.