LUKAS 15:22 - Nanduk Ngget Tul Pidnak Wene

²² Alat nde, eid na-nen at ndegel ubugwi nap yak ondosolar-e: ’Ndag-et nak! Sum konak lombok waruk lobok yuk, yirik uburuk, manggo inggi bem puruk, ijok sum yirik per-o.

LUKAS 15:22 Iomraidhean Croise

ESET 3:10

Iri yak tosola kulurug-e, nagawan iri na-nen-e at-nen wene wirik posolar-e, engga bem lop nok tak poso iri na-ge inggi bem-nen yonggora keya buruk, Yawuri nap inmin sirid nggok mbarak woraso Aman iri na wok tij-o.

NDAWI ENGGA 132:16

Iri me wolma tepan ombo ereba-ge an-nen inmiri yimin-o. At ilirak-nen-e enalen yogolat ndawi lek kujwa-o.

NDAWI ENGGA 132:9

Worala-ge, kat kilirag-e enalen-nen enne nggu lek kagolat, nde, kat-nen yidnak tepan ombo-ge pempa kat-nen yidnak yidnak nak kwarogolat wolmag-o.

YESAYA 61:10

Yosoloma, Yerusalem-nen yosolar-e: ”An-e Nagawan Indo ebem nalin nalen kasu-o. Mbal Pem Nagawan ebem an nindi-ge kijik kijak wurusu-o. Kwe min ap min wok kerak mburak pem inmirik unmuruk konak nak yitli iri na nggal Nagawan Indo-nen an yirik nobosolar-e, inmiri yoso sum min ombol nggwe yugwi sum min yirik nibij-o.

LUKAS 15:21

Iri kwarosola, ambara na-nen yosolar-e: ’Neid wa-e. An-e Mbal Pem Nagawan imin na, kat kimin na meya kwarosolat woragi-o. Iri bem-e an-e kat kambara momtag-e meya-o’ luk yij-o.

LUKAS 15:23

Iri rak purug-e, at imin totno nenalen pem nok-nen sapi wam usul na wil mbutluk, werer-o.

OROMA 13:14

Alat nde, kit-nen mondok kwarurak iri-ge nagawan Indo Yesus Kerisut nak-nen mirik kunpuwag-o. Nde, ki nap enpage meya inndi-nen ukwe ukwe kwarugwi iri-nen yidnak nag-e kwarurak pug-o.

OROMA 3:22

It inndi-ge Yesus Kerisut ebem angin tubu yidnak pem-e Mbal Pem Nagawan-nen-e lud tak nak onposo-o. Iri yusu iri-ge Mbal Pem Nagawan-e ap enpage lombonoso buk me, Yesus ebem inndi angin tubu yili nap oboksa-ge lud tak nak unpusu-o.

OROMA 8:15

Mbal Pem Nagawan-nen wok kindidnak Indi iri-nen-e ndegel ubugwi nap tak kunpuruk, kwiye yugwi nap tak kunpusu bug-o. Are, Konak Indi iri-nen-e Mbal Pem Nagawan ilirak tak konposolat, Konak Indi iri amawi bem nit-nen wene mbo bogolar-e: ”Neid wa-e! Kar-e an Neid-nen yusu-o!” luk yili-o.

NGGALATIA 3:27

Kerisut imin kundik yogolar-e, yi mat kinpidnak nap kit oboksa-nen-e Kerisut imin nggetlel yigeb-o.

EPESUS 6:15

lambuksa woragwi aid wene iri yil mbururak pem kinndi lid lud tak pidnak iri-ge kunuwok sum nggal yutluk, wolmer-o.

TUGURUK YIDNAK WENE 33:25

At iri-ge konag-et wene lak yamuksa pem wolmakluk, imiri mbarag-e uwi siri pak tumende-ge tembaga posid-nen konidnak irit wolmag-o” luk yij-o.

NAM PARA WENE 19:8

Nde, sum loro kopkap lak, abinal worak sum na-ge at wok uburak kwe na yuruwakluk wok tij-o” luk yiga-o. (Nde, sum loro konak iri-ge, Mbal Pem Nagawan ilirak-nen lud tak nak kwarugwi irir-o.)

NAM PARA WENE 2:17

Ta-nen nde eyanggo worak ala-ge, Konak Indi-nen lambuk tak inpidnak nap yak undusu wene yu kuluwag-o! Amawi luk ombol nggwe yuwa nab-e, an-nen-e kura woraidnak no mende mburu (manna) na mak timin-o. Iri luk, kerep loro misik wok indimin-o. Nde, kerep loro iri na bem-e unu ngget yarak mbarag-o. Nde, unu iri-ge ap nin-nen enaru buk, wanuwa nap enarik nak-nen enaru ma-o.”

NAM PARA WENE 3:18

Iri bem-e, an-nen nggomo kendeyeg-o. Kir-e ndemeret kinsilobulo worak nap yobok-nen kopkap mondok lak emas posid iri-ge an nebem onggo pogolat, kunsum we koro nderak woragolat, kinnggiri kagwi mende iri lomorobokluk, sum loro an nebem onggo pogolat, kenlengen pasa nomosa yik kabok-nen kenlengen pem yugururak amburu an nebem onggo per-o.

NAM PARA WENE 6:11

It enambiktak wok ondosolar-e, sum loro wok indij-o. Wok unduruk, it yak ondosolar-e: ”Kit kindiga nggal kit kenggamirak yabu misiget erep wanugwi nap unduwakluk enmemet kir-e siyag-et kenpabok kwarogolat wolmer-o” luk yak indij-o.

NAM PARA WENE 7:9

Iri luk, yik kaginggal-e, ap kwarat ndok worak, wanat unpurak mondok meya irit eneyagi-o. It iri na-ge ap enlem oboksa min ap enlem ndomok oboksa min ab-e ap oboksa min ap enne oboksa min ndok worak ereba na-ge nagawan koreyak woraso ondoro na min Lomba Wam Marik na min urugwe nggwe mendak woragolar-e, unsum loro yutluk, mbari angga ininggem tena woraiga-o.