LUKAS 15:18 - Nanduk Ngget Tul Pidnak Wene

¹⁸ An-e neid eram mbirimindik-nen at yak tosolar-e: Neid wa-e. Mbal Pem Nagawan min kat min kinmbiri bem-e meya yosolat woragi-o.

LUKAS 15:18 Iomraidhean Croise

NGGOMO WENE 23:13

Kat kilirak nggomo ondosolar-e, kindi angin min min yurak pug-o. Kat-nen mul nggambu bem undugun pem wat ma-ge lag o.

YESAYA 63:16

Kar-e nit nineid-net yusu-o. Abarakam min Yakup min-e nir-e enaru bug-et nde, Nagawan Indo wa-e. Kar-e nit nineid, o nanduk ereba-net nit ninmiri yoso-nen yusu-o.

YEREMIA 31:20

Isarael wa-e. Kar-e nera kabuwa worak-nen yusu-o. Nera nindi kundik, nindi kumburak-nen yusu-o. Pempa an-e kat kebem kore yusu-t nde, nindi andi-nen pempa nindi-ge kebem-et worasu-o. Kar-e an-nen kwat kobosolar-e, mondok kabuwa min-et kwat kibimin-o.

NDANIEL 4:26

Nde, aid nap-nen yegolar-e: ’E undugul iri nak keya ber-o’ luk yiga iri-ge nap kat-nen para yosolar-e: ’Yi wi ndi wi oboksa Mbal Pem Nagawan inggem-et worasu-o’ luk para yosola, tuguruk kar-e nagawan yugun-o.

YUNUS 2:4

Nindi arem nak-nen yosolar-e, Nagawan Indo-nen-e at eram-nen langgara wirik nebamu me, at woraso sa at uwi marak iri na-ge an-e mondok tugurug-e kamin pug-er-o luk peragi-o.

YUNUS 3:9

Iri nggal kwarogola-ge, Mbal Pem Nagawan-nen-e at indi-nen kwat nunpurak pidnag-e keya bosoluk, nenabuwa yosolar-e, lak tak nunpuwa buk nde ma-o!” luk wene wirik pij-o.

MATIUS 3:6

it nen meya yidnak parogola-ge, Yoanes-nen yi Yorodan arem yi ma onposolat woragaij-o.

MATIUS 6:14

Kit-nen nin nap-nen meya rak kinpidnak iri na kenmberam tak pogola-ge, Kineid aid arem woraso iri-nen na kit meya yidnak amberam tak puwa-o.

MATIUS 6:9

Kit-nen tepan yogolar-e, yu nggal yurag-o: Nit Nineid aid arem woraso wa-e. Kat kunu-ge kek tak irit wolmag-o.

MATIUS 7:11

Iri ala-ge, kir-e meya yugwi nab-et nde, konak mende nak kinlirak wok undugwi kenaru me, Kineid aid arem woraso-nen-e at ebem nggi yuwa nap iri na konak mende wok unduwa irir-o!

LUKAS 11:2

Yosoloma-ge, Yesus-nen it yak ondosolar-e: ”Kit-nen tepan yogolar-e, yu nggal yurag-o: ’Neid wa-e. Kat kunu kek tak irit wolmag-o. Kat-nen tenagaidnak wi iri lobok yuwag-o.

LUKAS 15:17

Iri kwarosolat woralar-e, at indi yebet kasolar-e: ’An neid ndegel ubugwi nap oboksa-ge nunggwi mende kwarat inmbitsa nili-t nde, an-e yu me-nen nere-nen wat yekluk yusu-o.

LUKAS 15:19

Iri bem-e, an-e kat kambara momtag-e meya-o. An neberasolar-e, kat ndegel koboso nap nggal-et nuburudtag-o” luk yak timin-o’ luk yebet kagaij-o.

LUKAS 15:21

Iri kwarosola, ambara na-nen yosolar-e: ’Neid wa-e. An-e Mbal Pem Nagawan imin na, kat kimin na meya kwarosolat woragi-o. Iri bem-e an-e kat kambara momtag-e meya-o’ luk yij-o.

LUKAS 18:13

Alat nde, pemerinta enmanggim tol ndok woroso nap iri na-ge mboksa nggal mendak worasolat-nen at erengen-e mbal nggwe lik kudtak na kwiye me, at ambik imigwak lel kasolat-nen yosolar-e: ’Mbal Pem Nagawan wa-e. An-e meya yoso nap-nen yusu-o. Nabuwa ki-o!’ luk yij-o.”