LUKAS 15:13 - Nanduk Ngget Tul Pidnak Wene

¹³ Tembet endamu, siyak worasolar-e, owot iri-nen-e at arengge pidsa onggo wanosoluk mbirij-o. O wandakma mberarig-e, we kasa ereba an indi-n pidnak pem at arengge ereba na piril peral kagaij-o.

LUKAS 15:13 Iomraidhean Croise

NDAWI ENGGA 73:27

Kat keya kibili nab-e mondok lak ma-o. Kat-nen-e tugup lak kat-nen yidnak yidnak kwatli buk nab-e lak tak unpusu-o.

NGGOMO WENE 27:8

Towe-nen at uwi iri na keya buruk noso nggal-et ab-e it unuwi keya buruk, nugwi-o.

NGGOMO WENE 6:26

Kweyap terak waring kagwi kweyap inmin nene yurak pem onggo wok ondogolar-e, onggo-ge nunggwi mende misiget pem norak onggo pugwi ndak ndak wok indili-t nde, ap onkwe min mbabi kwatli iri onggo-ge ap inndi-t weserak pili-o.

YESAYA 1:4

Meya yugwi nap kenlem kir-e meya nak yebet kagwi nap min meya yugwi nap min-e mondok kenabuwa worag-o! Kit-nen meya kwarugwi elem iri-nen konowak ngga waga mberak kunpuruk worasu-o. Kir-e Nagawan Indo na keya bogolat, Isarael nap Kenmbal Pem Nagawan mondok marak kit-nen erembel wanurak iri na-ge pelek yaga konmbol nggwe rak pigeb-o.

YESAYA 30:11

Ndak kenpe-o. Ndegera mberer-o. Kir-e Isarael nap Enmbal Pem Nagawan mondok marak iri na owene pem ndak sil pal neneyerenak worali meyog-o” luk yili-o.

YEREMIA 2:13

An nilirak-nen-e meya-ge erem mberen kwatli-o. Iri-ge: ir-e nggweyakma nap unluk wolmakluk, unluk woragwi yi wok ondoso elem an na-ge enmberam tak nuburuk, it ondomok-nen yi kenanggurak nggweyak emnde mbatli-t nde, mbun porok tak me, yi kobong yurak meya iri emnde mbatli-o.”

YEREMIA 2:31

Isarael nap wa-e. An-nen yusu wene yu kwara koler-o. An-e kit kenmanggim-e nembaga usu nggwarak nggal kwat yosolat, nggweyak ndamuk mom ndirik nggal kwat yosolat yigi-a? Alat nde, kit-nen yogolar-e: ’Nir-e weserak nindi-n pidnak yeba-t nul-o. At eram tuguruk mbururag-e ninmbir-o’ yili iri-ge noluk-nen yili-o?

YEREMIA 2:5

Nagawan Indo-nen yosolar-e: ”An-nen-e meya-ge ngge kwarosola-nen kit konmborak neyaruk, keya nibiga-o? Ir-e kugwiwak ebe lak ereba na nde langgaluk mbirigarik, abok nggwe-ge it nde ebe lak mende kwasa labuk yiga-o.

MIKA 6:3

Nagawan Indo-nen yosolar-e: ”Nilirak wa-e. An-nen-e kir-e no kwat kinpigi-o? An-nen kit anggun panggun tak kinpigi wene ebe-ge ngge-o? Ndak wene onggo yak nerer-o.

LUKAS 15:12

Owot iri-nen at eid yak tosolar-e: ’Neid wa-e. Kat karengge iri-ge menggesa an wanurag-e yawo-t wok niri-o’ luk yak tosoloma-ge, eid na-nen-e at isilobulo menggesa ambara rak mberen na tembet indij-o.

LUKAS 15:14

Iri kwarosolar-e, at arengge pidsa lak tak parik pem-e o iri na me nogoro nggok mbud yosolar-e, la iri na arengge abu lak woragaij-o.

LUKAS 15:30

Alat nde, kat kambara iri-ge kisilobulo wok tigen na-ge kasa kasa ye unpugwi kwami wok ondosolar-e silobulo pidsa lak tak puruk, ma lobok yij-et nde, sapi wam usul iri wat tigen-o’ luk yij-o.

LUKAS 16:1

Yesus-nen at owosirak yak ondosolar-e: ”Isilobulo kwarat winde mbi-nen-e at orol ndok woroso nap mbi woragaij-o. Worala-ge, ap mbi-nen isilobulo winde na yak tosolar-e: ’Kat korol ndok woroso nap na-nen-e kat korol-e we irit ndibi ndi rak pusu-o’ luk yak tij-o.

LUKAS 16:19

Yuruk, Yesus-nen yosolar-e: ”Isilobulo worak nap mbi woragaij-o. Woralar-e, usum-e konak nak yorosolat, nunggwi mende undu konak nak pempa nok tenak woragaij-o.

EPESUS 2:13

Alat nde, yawo-ge Kerisut Yesus ebem-nen kit wud tak woraigep nab-e Kerisut eyabi bem-nen Mbal Pem Nagawan eram panggo rak kinpij-o.

EPESUS 2:17

Iri bem-e, Kerisut na lobok yij-e, lambuk tak woragwi aid wene-ge ap oboksa yak ondosolar-e, Mbal Pem Nagawan imin wud tak woragwi enlem nin nap kit yak kondosolat, Mbal Pem Nagawan eralu koroga woragwi Yawuri nap na yak ondosolat yij-o.

2 PETERUS 2:13

It-nen meya kwarugwi iri na onggo-ge andi bandi kujwa-o. It enalen yurak mende kwarogolar-e, it enaboro-nen ukwe ukwe yugwi teyok tak pogolar-e, lengge-t nde, yi kwatlik ndi kwatlik kwatli-o. Nde, ir-e yi meya ndi meya kwarogolat inndi lak tak kwarugwi me, it-nen nde kit kinmin lambuksa nonggolar-e, kit kunnu emben to rak pogolat, mbilaro ngin tak pili-o.