LUKAS 14:7 - Nanduk Ngget Tul Pidnak Wene

⁷ Nunggwi mende nujwakluk yonggo inpidnak nap erep-nen-e kore yurak konak na-t yonogola karuk, Yesus-nen nden karuk wene yu it oboksa yak ondosolar-e:

LUKAS 14:7 Iomraidhean Croise

NGGOMO WENE 25:7

Kat kimin yogolar-e: ”Kondoro iri-ge ap nggok kek tak iri wok ti-o” luk yak kururak iri-ge meya-o. Alat nde, konag-e: ”Kar-e kek tak-nen kore yugwi sa yu me kore yi-o” yak kururak iri perak ob-o.

NGGOMO WENE 8:1

Inndi nggat nggat elem-nen ene mbo yosolat, inndi tenggerak elem-nen ene nggoksa yusu ereba koler-o.

MATIUS 13:34

Yesus-nen ap kwarat iri na mul ondosolar-e, oboksa nden karuk wene bem nak mul ondosolat woragaij-o. Nde, mariget ter-o luk we wene bem mbi yak indigit lag-o.

MATIUS 23:6

Nde, nunggwi mende nggulok sakwi tarem-nen na it ereba-ge ap kek tak-nen kore yugwi sa kore yurak yogolat, tepan yugwi ma-nen na koreyak woragwi mondok konak pem nak kore yogolat,

LUKAS 11:43

Parisi nap kenpem mbuwa mende bem kenabuwa-o! Kir-e tepan yugwi ma-nen unnu worak nap-nen kore yugwi sa kore yurak nak kindingen yogolat, onggo wanugwi sa-nen ap-nen kek tak kunpurak nak kindingen yogolat yugwi-o.

LUKAS 20:46

”Imiri mbarak pidnak wene enaru nap enabiyem-o luk kwil kwalsa wolmer-o. Ir-e unsum mot na yutluk waring kudtak indingen yogolat, onggo wanugwi sa-nen kek tak unpurak indingen yogolat, tepan yugwi ma-nen na irit, sakwi sa-nen na irit, ap kek tak-nen kore yugwi sa nak kore yurak indingen yugwi-o.

PILIPI 2:3

Kit kondomok kunnu kek tak purak pem, kit kondomok kentembel wanurak pem-e yi kwatlik ndi kwatlik kwarurak pug-o. Are, kinndi tebe yogolar-e, kit kondomok tebe luk, nin nab-e kek tak irit yik iniyudtag-o.

3 YOANES 1:9

An-nen-e lambuk tak inpidnak nap na enmanggim engga poro-t mbarigi-t nde, it ennggendumu an-net nagawan teyeg-o luk peraso nap Ndioterepes na-nen-e an nene kuligit lak yij-o.

WENE MBENARUGWI NAP-NEN KWARIDNAK WENE 14:12

Iri yikma, Simson-nen ap sujwe ereya na yak ondosolar-e: ”An-nen wene ombol mbarak wene misik yak kindimin nde, ludsa-t yogola-ge, linen sum abak miniya miniya kinlit tak wok kondosolat, yurugwi sum kinnggiri sum min kenpare sum min kinlit tak wok kondosolat kwarimin-o. An kwe wanosolat tuju bem nggok sagosolat ya worala-ge, ombol mbarak wene iri ebe para yurag-o.