LUKAS 14:3 - Nanduk Ngget Tul Pidnak Wene

³ Iri ala-ge, Yesus-nen imiri mbarak pidnak wene mul undugwi nap min Parisi nap min kin wok onposolar-e: ”Nit-nen idnak imiri mbarak pidnak wene bem-e we woragwi tarem-nen ap ki rak unpurag-e wosama, lak? Are, ob-a?” luk kin wok inpij-o.

LUKAS 14:3 Iomraidhean Croise

MATIUS 12:10

Nggosoma-ge, iri na me-ge inggi ponok nggwe wat yidnak nap misik woragaij-o. Worasola-ge, ap erep-nen Yesus abut mbarogolat-nen kin wok obogolar-e: ”We woragwi tarem ap ki rak unpurag-e op, lak?” luk yak tiga-o.

MATIUS 12:2

Iri kwarogola, Parisi nap-nen yik eneyaruk, it-nen Yesus na yak togolar-e: ”We woragwi tarem-nen iri nggal kwarurak pug-o yidnak wene iri na-ge kat kowosirak-nen kuruk tili yu ki-o” luk yak tiga-o.

MATIUS 22:35

it ennggendumu-nen imiri mbarak pidnak wene aru nap misik-nen at abut mbareyekluk at kin wok obosolar-e:

MARAKUS 3:4

Nde, Yesus-nen it kin wok onposolar-e: ”We woragwi tarem-nen op kwarurag-e ngge-o? Ap konak tak umpurak nde op, lak? Are,ap meya rak unpurak nde ob-a? Ap inmiri yurak nde ob-a? Are, ap undurak nde ob-a?” luk kin wok inpij-et nde, ir-e enne lak yiga-o.

LUKAS 14:2

Worakmu-ge ijok min inggi min limbiridnak na misig-e Yesus eram lobok yij-o.

LUKAS 14:4

Alat nde, it imiri mbarak pidnak wene mul undugwi nap min Parisi nap min-e wene erep nggarigit lak, larok nak yiga-o. Alama-ge, Yesus-nen ap iri na wene mbo buruk, ki rak puruk, wirik ibij-o.

LUKAS 6:9

Iri lug-e, Yesus-nen it yak ondosolar-e: ”Wene yu nde kin wok kenpeyeg-o: We woragwi tarem-nen kwarurak ndag-e ngge nde perali-o? Ap yongga undurag-e op, lak? Ap meya rak unpurak nde ob-a? Ap inmiri yurak nde op, lak? Are, ap undurak nde ob-a?” luk kin wok inpij-o.

YOANES 7:23

Musa-nen imiri mbarak pidnak wene na kuruk tul naru, li iniye ambasap iri-ge we woragwi tarem-nen wabugwi na-t nde, an-nen we woragwi tarem-nen ap misik mondok ki rak pigi na bem-nen kir-e noluk-nen kinsilepma an nebem pili-o?