LUKAS 14:23 - Nanduk Ngget Tul Pidnak Wene

²³ Yosoloma-ge, eid na-nen ndegel oboso nap na yak tosolar-e: ’An nama yebet yuwaklug-e, kar-e tula nggok nggwe min marik nggwe min mborosolar-e, ap yorok porok wesu bem woragwi ereba kene lembesa langgara inpil lobok yi-o.

LUKAS 14:23 Iomraidhean Croise

NDAWI ENGGA 110:3

Kat-nen kamawi bem lobok yugun tarem-e kat kuwokma woragwi nab-e ondomok inndi-net ndobo marak iri na bem keram lobok yogolar-e, kuplila lilangen nggal ap sujwe-ge kat keram lobok yuwa-o.

MALEAKI 1:11

Yi nap ndi nap yi wi ndi wi worali-nen an kek tak nibili-o. Ap enlem oboksa-nen an kek tak nobogolar-e, nin me nan me oboksa an nunu kek tak pogolat emben konak mende namanggim kan pogolat, an namanggim wosa purak mende ndak ndag-et kan pili-o.

MATIUS 21:43

Iri bem-e an-nen yak kendeyeg-o: Mbal Pem Nagawan-nen tenaga-idnak wi-ge kit kininggem-nen mengga wanuruk, Mbal Pem Nagawan-nen tenagaidnak wi engen konak puwa nap enlem irit wok unduwa-o. [

MATIUS 5:41

Ap misik-nen ene amawi bem lembesa yak korosolar-e: ’An narengge wanuruk wandag-et mbururag-o’ luk yak korosola-ge, kat-nen-e iri wanuruk mbururag-o yak kirid sa na wok lug-e, mburugun iri na nggal-et terak mena mbururag-o.

LUKAS 14:22

Iri kwatluk lobok yosolar-e, ndegel oboso nap-nen eid na yak tosolar-e: ’Neid wa-e. Kat-nen yidnak yidnak kwarigi-t nde, o-ge terag-et worasu-o’ luk yij-o.

LUKAS 14:24

Nde, wene yu yebet ker-o. Nunggwi mende saki yu-ge nandug-et yonggo inpigi nap misik mbi-nen nujwa bug-o!’ ” luk Yesus-nen yij-o.

LUKAS 24:29

it enmberek-nen at puk tak pogolat-nen yogolar-e: ”O ki yekluk, ndamuk yusu me, nit totno wolmog-o” yogolikma-ge, Yesus na-ge it inmin nene yekluk, it enma nggwij-o.

YIDNAK YIDNAK WENE 16:15

Wanosoluk, kwe na min at ama woragwi nap pidsa min yi marak onpogolikma-ge, kwe na-nen nit nenmengen mbarosolar-e: ”Kit-nen nde an lombot nuburuk, an-e ndemeret Nagawan Indo ebem nindi angin tubu yidnak ala neyarug-e, an nama mburulndik, iri me totno wolmog-o” luk kiri keresa yak nondosolat woragaij-o.

YIDNAK YIDNAK WENE 18:6

Yak ondosola-ge, it-nen-e at imin sirid mbarogolat, at obok pogolat ala karug-e, at-nen at usum pem mabe pil kasolat-nen it yak ondosolar-e: ”Kit keneyabi-ge kondomok kenpem-o! An meya-ge lag-o. Yawo kuri-net an-e enlem nin nap endam mbirimin-o” luk yak indij-o.

YIDNAK YIDNAK WENE 28:28

Iri bem-e mondok kenaru wolmer-o. Mbal Pem Nagawan-nen ap inmiri yurak wene yu-ge enlem nin nap endam wirik pij-o. It-nen perak kuluwa-o” luk yak indij-o.

YIDNAK YIDNAK WENE 9:15

Alat nde, Nagawan Indo-nen at yak tosolar-e: ”Irit nde, mbiri-o. Ap iri-ge an ndegel nobosolar-e, enlem nin nap min nagawan nagawan min Isarael nap min an nunu yak indil mburuwakluk an-nen lenak pidnak-nen yusu-o.

OROMA 10:18

Alat nde, ”Ir-e wene kuligit lak yiga, lak?” luk an-nen kin waneyeg-o. Lag-o. Kuliga irir-o. Engga mbarak pem-nen yosolar-e: ”It enne-ge yi wi ndi wi wigak yij-o. Nde, it-nen yidnak wene-ge ap lak kuri wok yij-o” luk yij-o.

2 KORINTUS 5:11

Nir-e Nagawan Indo aye kagwi nenaru me, ap enmengen mbatli-o. Mbal Pem Nagawan-e nit ninndi mondok nam-et kasu-o. Nde, an-nen perasolar-e, kit-nen na nit ninndi nam-et kali, lak? perasu-o.

2 KORINTUS 5:20

Iri ala-ge, nir-e Kerisut-nen ninpil lobok yidnak nap-nen yili me, nit nenemende nggwe-nen Mbal Pem Nagawan-nen-e kenmengen mbarusu-o. Nde, Kerisut unu bem nit-nen kenmengen mbarogolar-e: kondomok-net Mbal Pem Nagawan imin lambuk tak kunpuwakluk eram lobok yer-o luk yak kindili-o.

2 KORINTUS 6:1

Nir-e Mbal Pem Nagawan imin yabu misiget erep wanugwi nap nit-nen nggomo kindili-o: Mbal Pem Nagawan-nen we wok ondoso elem wanigep iri na-ge ebe lak mende rak purak pug-o.

KOLOSE 1:23

Nde, mbigija-ge kit-nen kinndi angin tubu yidnak pem mondok tugup lak woragolar-e, aid wene kuligep na bem kinndi mbung mbung tak woraidnak na amawisa-t wanogolat woragup na-e. Aid wene iri-ge nggweyak ma woragwi nap oboksa yak indidnak wene-nen yusu-o. Nde, Paulus an-e aid wene iri ndegel oboso nap-nen yusu-o.

KOLOSE 1:28

Iri bem-e, Kerisut owene iri-ge nir-e ab-e ap oboksa yak indili-o. Nit ninndi mondok pindong tak pem-net ap oboksa nggomo indilik, mul indilik yogolar-e, it enarik tag-et Mbal Pem Nagawan eram inpil lobok yogola, Kerisut ebem iminep mbal yidnak nap makluk-nen yili-o.

2 TIMOTIUS 4:2

Aid wene yosolat wolmin-o. Aid wene yosolar-e, kologola na, kuligit lak ala na, it enpem-o luk kar-e lembesa yosolat nak wolmin-o. Ap kwara enaru rak posolat, it meya yidnak nam tak posolat, nggomo ondosolat, kindi mondok luruk puruk mul ondosolat wolmin-o.