LUKAS 14:22 - Nanduk Ngget Tul Pidnak Wene

²² Iri kwatluk lobok yosolar-e, ndegel oboso nap-nen eid na yak tosolar-e: ’Neid wa-e. Kat-nen yidnak yidnak kwarigi-t nde, o-ge terag-et worasu-o’ luk yij-o.

LUKAS 14:22 Iomraidhean Croise

NDAWI ENGGA 103:6

Nde, Nagawan Indo-ge ndemeret lud tak nak kwaroso me, mbenat onposolar-e, anggun panggun tak inpili nap enambigit yoso-o.

NDAWI ENGGA 130:7

Isarael nap wa-e. Nagawan Indo-nen-e pempa kenabuwa-t kasolat, kinmiri yurak lud tak puruk woraso me, Nagawan Indo ebem nak kinndi mbung mbung tak wolmer-o.

LUKAS 14:21

Iri yogola karug-e, ndegel oboso nap na mberarig-e, iri na wene oboksa-ge at eid ndegera yak tij-o. Yak tosoloma-ge, at eid na isilepma kwarat luk, at ndegel oboso nap na yak tosolar-e: ’Kar-e ndag-et nak o silmu mburugundik, tula tula ereba waring kasolar-e, insilobulo lak nap min unuwok kago worak min enlengen ngguru min kambung puk tak woragwi min inmin luk lobok yi-o’ luk yak tij-o.

LUKAS 14:23

Yosoloma-ge, eid na-nen ndegel oboso nap na yak tosolar-e: ’An nama yebet yuwaklug-e, kar-e tula nggok nggwe min marik nggwe min mborosolar-e, ap yorok porok wesu bem woragwi ereba kene lembesa langgara inpil lobok yi-o.

YOANES 14:2

An Neid ama-ge wolmomtak sa-ge kwarat worasu me, an-e kit kondoro konil mburusu-o. Wene yu-ge ebe lak yurak nggal-e, an-e yak kendelep pug-o.

EPESUS 3:8

Marak nap oboksa ennggendumu-nen an-e nagweyak nggal-et nde, Kerisut arengge wonarurak puk mende iri-ge enlem nin nap yak unduwakluk, Mbal Pem Nagawan-nen we wok ondoso bem-net wok neramu-o.

KOLOSE 2:9

Nde, Mbal Pem Nagawan-et woraso oboksa-ge Kerisut nggweyak ma nap enpage worak iri na bem-et worasu-o.

1 YOANES 2:2

Nde, nit meya yidnak amberam tak puwakluk, Kerisut-e mirin ngal yij-o. Nde, nit meya yidnak nag-e lag-o. Are, ap pidsa meya yidnak amberam tak puwakluk, mirin ngal yid irir-o.