LUKAS 14:21 - Nanduk Ngget Tul Pidnak Wene

²¹ Iri yogola karug-e, ndegel oboso nap na mberarig-e, iri na wene oboksa-ge at eid ndegera yak tij-o. Yak tosoloma-ge, at eid na isilepma kwarat luk, at ndegel oboso nap na yak tosolar-e: ’Kar-e ndag-et nak o silmu mburugundik, tula tula ereba waring kasolar-e, insilobulo lak nap min unuwok kago worak min enlengen ngguru min kambung puk tak woragwi min inmin luk lobok yi-o’ luk yak tij-o.

LUKAS 14:21 Iomraidhean Croise

NDAWI ENGGA 2:12

Nagawan Indo isilepma-ge mimo yoso me, Nagawan Indo isilepma yosolat ereya na-net lak tak kunpuwa naru, kwiye min-et Nagawan Indo eram tebe yer-o. Nde, Nagawan Indo indipma worali nab-e mondok enalen kagolat wolmag-o.

YESAYA 35:6

Ap onowak wat yidnak-nen na onowak mot luk, urusa wam-nen kwaroso nggal kud mbok kud mbok mborogolat, ap enne lak woragwi-nen na enne kuwakluk, enalen-nen enne nggoksa yogolat yuwa-o. Yi lak ma nembaga karu me-t nde, yi ulusu pilana wasolat, karu me-t nde, yi mborosolat ma-o.

MATIUS 11:28

Kenpabok lak yugwi nap min angin worak mende pijanuruk nugwi nap min-e kit pidsa an neram lobok yer-o. An-nen-e kenpabok kwasa wok kindimin-o.

MATIUS 11:5

Enlengen ngguru nap na enlengen kuwarak posolat, onowak wat yidnak nap na tula nugwi rak onposolat, ndigiril laso mbijap enpem mbidnak nap na ambut tak onposolat, eneyanggo lak nap na wene kologolat, wat yidnak nap na unluk tak posolat, insilobulo lak nap na aid wene yak ondosolat kwarusu-o.

MATIUS 15:12

Yak ondosoloma-ge, at owosiraag-e at eram lobok luk at yak togolar-e: ”Kat-nen yigen wene iri na kulurug-e, it Parisi nap-nen insili rak kibiga iri-ge eneyaigen, lak, ngge-o?” luk yiga-o.

MATIUS 18:31

Iri kwat obosola karuk, ndegel pugwi nap erep iri na it inndi puru kwarat luk, it nagawan na eram mbirigarik, wene iri na wesera yak tiga-o.

MATIUS 20:7

Yak ondosoloma-ge, it-nen wene erep nggarogolar-e: ’Onggo wanurak yabu nenpem pigit lak me, we yeba-t worali-o’ luk yiga-o. Yogolikma-ge, at-nen yak ondosolar-e: ’Kit min-et neyabu wil mberer-o’ luk yak indij-o.

LUKAS 14:13

Iri bem-e, kat-nen nunggwi mende saburug-e, insilobulo lak nap min unuwok kago worak min kambung puk tak woragwi min enlengen ngguru min yonggo unpugun ala-ge,

LUKAS 14:20

Nde, at misik-nen yosolar-e: ’An-e kwe nggeret wanigirik me, an lobok yurag-e meya-o’ luk yij-o.

LUKAS 14:22

Iri kwatluk lobok yosolar-e, ndegel oboso nap-nen eid na yak tosolar-e: ’Neid wa-e. Kat-nen yidnak yidnak kwarigi-t nde, o-ge terag-et worasu-o’ luk yij-o.

LUKAS 14:24

Nde, wene yu yebet ker-o. Nunggwi mende saki yu-ge nandug-et yonggo inpigi nap misik mbi-nen nujwa bug-o!’ ” luk Yesus-nen yij-o.

LUKAS 24:47

Nde, wene iri na Kerisut unu bem tomborogolar-e, Yerusalem-nen tel kutluk, yi nap ndi nap enlem oboksa yak ondogolar-e: ’Kondok yer-o. Kondok yogola-ge, Mbal Pem Nagawan-nen kit meya yidnak amberam tak puwa-o’ luk mondok yak undurag-o.

LUKAS 9:10

Wirik inpidnak nap na-ge tuguruk Yesus eram wok yigarig-e, kwaril waring kaidnak wene na kiringgiga-o. Iri lug-e, Yesus na it inmin luk, enarik nak o siri Mbetsaira mbiriga-o.

YOANES 9:39

Iri yosoloma-ge, Yesus-nen yosolar-e: ”An-e nggweyak ma yu me lobok yigi-ge ap enpem wene mbarosolar-e: Enlengen ngguru nab-e enlengen kuwarak posolat, enlengen op nab-e enlengen ngguru rak posolat yekluk-nen lobok yigi-o” luk yij-o.

IBERANI 13:17

Kit kennggendumu enne kolobokluk mendak inpidnak nap-nen yidnak wene wanogolat, it-nen yidnak yidnak nak kwarogolat wolmer-o. It-nen-e kit kinndi yik karok woragolar-e, perari yili bug-o. Iri yili iri-ge ap inndi yik karok woraidnak pem Mbal Pem Nagawan-nen an nebem wene mbaruwa-o peragoluk-nen yik keneyarok worali-o. Nde, kit-nen nde it-nen yidnak yidnak kwarogola-ge, it eneyabu-ge enalen min-et wanogolat wolma-o. Nde, kit-nen iri kwarigit lak yogola-ge, it inndi puru min-et eneyabu wanuwa iri-nen kit kenmanggim-e ebe worak mende ma-ge lag-o.

IBERANI 2:3

Iri ala-ge, ninmiri yurak wene nggulok iri-ge kuligit lak keya pulndig-e, nggesa-nen ninmiri yuwa-o? Nde, nanduk nandug-er-e wene iri-ge Nagawan Indo Yesus at-nen nam tak posola, wene na nam tak posola kuliga nap-nen nit yak nondogolar-e: ”Wene iri-ge ndemeret wene-net yusu-o” luk yak nondogola-ge, nir-e ndemerer-o luk menggesa nenaru yige-o.

YAKOBUS 2:5

Kenabuwa worak nanggamirak wa-e. Wene yu koler-o. Nggweyak ma nap-nen enarengge lak eneyali nab-e Mbal Pem Nagawan-nen len onposolar-e, inndi angin tubu yugwi elem kwara winde rak unpuruk, Mbal Pem Nagawan abuwa kagwi nap enmanggim urul pidnak at-nen tenagaidnak wi na winde rak enpeyekluk len inpij-o.

NAM PARA WENE 19:15

At emendam-e yalawi anggat worak mbi kenanggo. Nde, yalawi iri bem-nen ap enlem oboksa urugwe nggwe rak unpuruk, at-nen-e posid wangun pem it tena unpuruk wolma-o. Nde, at-nen-e anggut engen amburu mbutlugwi ondoro Mbal Pem Nagawan Amawi Worak iri na isilepma kwiye worak iri na me-nen anggut engen amburu mbutluwa-o.

NAM PARA WENE 22:17

Konak Indi min Un Wanurak Kwe na min-nen yogolar-e: ”Lobok yer-o!” luk yili-o. Wene yeba kulili nap oboksa-nen na mondok yogolar-e: ”Lobok yer-o!” luk yuwag-o. Ta-nen yi nere kasu nab-e lobok yuwag-o. Ta-nen yi norak ukwe perasu nab-e unlug-et wolmomtak yi iri-ge onggo pigit lak, we irit wanuwag-o.

1 SEMUEL 2:8

Andi bandi arem-nen insilobulo lak nap mendak onposolat, anggun panggun arem-nen ap unnu lak nab-e wisirik onposo-o. It iri-ge ap enlem kek tak iri na annggamtak onposolat, kek tak unpugwi kwarak onposo-o. O nggweyak yu paro-ge Nagawan Indo arengge-net yusu-o. Nde, paro iri na bem-e o yu ndak worak pij-o.

1 SEMUEL 25:12

Yak ondosoloma, Ndaut owosirak ereba na mborogolar-e, Nabal-nen yidnak wene ereba na-ge ndindera Ndaut yak tiga-o.