LUKAS 14:10 - Nanduk Ngget Tul Pidnak Wene

¹⁰ Iri bem-e kit yonggo kunpuwama-ge, kir-e we nap-nen kore yugwi sa ereba-t kore yer-o. Kore yugupndik worakmu, yonggo kinpidnak nap na lobok yosolat-nen yak kondosolar-e: ’Nenggamirag-o. Konak ma yu me-t kore yer-o’ luk yak kondosola-ge, iri nggal yuwa iri bem-nen-e yonggo inpidnak nap pidsa inmbiri bem kek tak kunpuwa-o.

LUKAS 14:10 Iomraidhean Croise

NGGOMO WENE 15:33

Nagawan Indo indi aye worak wolmomtak iri-ge enaru yugwi mende enaru yurak mabin-nen yusu-o. Kek tak woragwi iri-ge inndi teberak woragwi iri-nen pil lobok yoso-o.

YESAYA 60:14

Kat anggun panggun tak kubugwi nap inlirag-e kat keram lobok yuwarik, keram entare nggwe tud ma-o. Kat pesel kibidnak nab-e kat keram tebe ma-o. Nde, kat kunu yarogolar-e: ’Nagawan Indo uwi siri-o’ luk, ’Sion iri-ge Isarael Embal Pem Nagawan Marak iri na uwi-o’ luk yuwa-o.

NAM PARA WENE 3:9

Kenaru wolmer-o! Sere ilirak iri-ge ir-e Yawuri nab-e lag-et nde ennesiget: ’Nir-e Yawuri nab-o’ luk yili-o. An-nen it iri kwat onposolar-e, kit kendam lobok luk, kentalu tud luk, kentembel wanugwi nap tak inpimin-o. Iri kwarogolar-e, an-nen kit kenabuwa kaso iri-ge enaru yuwa-o.

1 SEMUEL 15:17

Yosoloma, Semuel-nen yosolar-e: ”Kat kondomok-nen yebet kasolar-e: ’An nggal-e meyar-o’ luk yebet kaigen-et nde, kar-e Isarael nap enanggul pem nagawan kwat yigen-o. Kar-e Nagawan Indo net Isarael nap enanggul pem nagawan yonokluk lenak kebamu-o.