LUKAS 13:7 - Nanduk Ngget Tul Pidnak Wene

⁷ Iri ala-ge, at eyabu yik karok woraso iri na yak tosolar-e: ’Yu nde ki-o. E ara yu engen pij-o luk kil lobok yosolar-e, olengen kenan woragi-t nde, engen mbi pigit lag-o. E yu-ge ndarak pi-o! Wewesa yu me ya wolmomtag-e lag-o’ luk yak tij-o.

LUKAS 13:7 Iomraidhean Croise

MBIRIGA WENE 32:10

An-e larok tak nuburak pug-o. An nisilepma onposolat, mondok lak tak inpimin-o. Alat nde, kat min kat-nen wigarak min-e ap enlem nggok misik kwarak kinpimin-o” luk yij-o.

NDANIEL 4:14

At iri na-nen ene nggoksa yosolar-e: ’E iri-ge mondok ndara keya buruk, inggi angga yigisa ligik puruk, angga lerasa ngguru rak purag-o. Nde, engen-e nggilara liring kudtag-o. Lok lok noso mende e iri indipma mbinggirik worasu ereba min towe inggi bem uwi werep mberep worasu ereba min-e langgara wirik purag-o.

TEPAN OMBO-NEN KWARURAK WENE 19:23

Kit o Kanaan wi nggugupndik woragolar-e, e uwi kere uwi nin tak nan tak yakupndig-e, olengen kenan arem woragolar-e, e ereba na engen yidnag-e kit norag-e mondok abu wosama-o.

MATIUS 7:19

Nde, e-nen engen konak yigit lak ala-ge, e na-ge ndara kan pugwi-o.

LUKAS 13:8

Iri yak tij-et nde, eyabu yik karok woraso nap na-nen at yak tosolar-e: ’Nap wa-e. Olengen misiget nak mbi woralat, an-nen-e elem pem nggweyak yala, umut mbarak pumu-ge,

LUKAS 3:9

E mengen kuri tebera mbo beyeklug-e, ije kunarak worasu-o. Engen konak poso buk e pidsa-ge ndara kan ma buwa-o” luk yij-o.

YOANES 15:2

Nde, e elem an nebem-nen mbiridnak inggi mbi-nen engen pigit lak ala-ge, at-nen-e yendera mbo boso-o. Nde, an nebem-nen mbiridnak inggi-nen engen pidnak ala-ge, engen erep kwarat puwakluk, at-nen-e angga erep lera keya buruk kona keya boso-o.

YOANES 15:6

Nde, an narem puksa wolma buk nab-e e inggi yendera mbo bidnak nggal irit mbo bosola, le ma-o. Nde, inggi yendera mbo bidnak iri nggal-e ap-nen ndok wosa kan ma mbo bosoma, kan naso-o.