LUKAS 13:35 - Nanduk Ngget Tul Pidnak Wene

³⁵ Iri bem-e Mbal Pem Nagawan-e kinmin wolma bug-o. Kenaru mer-o. Yawo kuri-nen an-e neyagup pug-o. Alat nde, kit-nen yogolar-e: ’Nagawan Indo unu bem lobok yusu nab-e kek tak puwog-o’ yugup tarem-nen perak nde neyagub-o” luk yij-o.

LUKAS 13:35 Iomraidhean Croise

NDAWI ENGGA 118:26

Nagawan Indo unu bem lobok yusu iri-ge imbiringgat ebem puwag-o. Nit-nen-e Nagawan Indo ama-nen imbiringgat tak kunpul-o.

NDAWI ENGGA 69:25

It woragwi sa-ge o ap tu po yuwag-o. It woragwi enma-ge o wa irit wolmag-o.

YESAYA 52:7

Nde, wirik pil lobok yidnak nap iri na yik kagolar-e, mondok konak lombok-nen yusu-o. Ndobo worak nggwe-net lobok yosolar-e, konak yamuksa woragwi wene min lobok yusu-o. Sion imiri yurak wene min lobok yosolat-nen yosolar-e: ”Kenmbal Pem Nagawan-e Nagawan-nen yusu-o!” luk yusu-o.

MIKA 3:12

Kit-nen meya kwarugwi iri-nen ndowaga Sion Ndobo iri na-ge yigisa keya bogolat, Yerusalem-e yud tud mbosolat, ndobo Mbal Pem Nagawan uwi worak worasu iri na-ge egere nggok lasolat kwat ma-o.

MATIUS 21:9

Iri luk, at mborosola imin anggul mbitli nap min abok mbitli nap min-nen enne ngguloksa-t yogolar-e: ”Ndaud Ambara nak kek tag-o! Nagawan Indo unu bem lobok yusu nap yu-ge imbiringgat worak-nen yusu-o! At woraso sa mondok teram iri me-nen na at nak kek tag-o!” luk yiga-o.

MATIUS 23:37

”Yerusalem wa-e. Yerusalem wa-e. Kat-nen-e Mbal Pem Nagawan ene lomboksa yugwi nap mondok ondosolat, kat keram inpil lobok yidnak nap na kerep pem ondosolat yoso-o. Nde, towe wam ija-nen at amarig-e eraplabe-nen yomondoso nggal, iri nggal-et pempa an-nen kat kilirak na an nurugom tak enpeyekluk yigi-t nde, kat-nen-e ’Nimbir-o’ yigen-o.

LUKAS 19:41

Nde, Yesus na-ge Yerusalem panggosa wok luk, o siri na yik karug-e, o na ubud-nen yip tij-o.

LUKAS 21:24

Ap ereb-e yalawi bem ondogolat, ereb-e kamasa wok unpuruk yi wi ndi wi mborogolat ma-o. Mbal Pem Nagawan-nen kuri pidnak tarem ndak yigit lak worasola-ge, Mbal Pem Nagawan enaru buk nap-nen-e Yerusalem na-ge unuwok liri rak pogolat wolma-o” luk yij-o.

YOANES 12:13

Kulurug-e, it-nen-e mbari ngga yendera wanuruk, at abuwok mbirigarig-e, enne nggoksa-t yogolar-e: ”Mbal Pem Nagawan wa-o! Nagawan Indo unu bem lobok yusu nap yu-ge imbiringgat-nen yusu-o! Isarael nap nagawan yu-ge imbiringgat-nen yusu-o!” luk yiga-o.