LUKAS 13:34 - Nanduk Ngget Tul Pidnak Wene

³⁴ Yerusalem wa-e. Yerusalem wa-e. Mbal Pem Nagawan ene lomboksa yugwi nab-e kat-net ondosolat, Mbal Pem Nagawan-nen keram wirik inpil lobok yidnak nap na kerep pem-nen ondosolat yoso-o! Towe wam-nen at amarig-e eraplabe-nen yomondoso nggal, iri nggal-et kwarat pem kat-nen idnak nap na ndok wat enpeyekluk yigi-t nde, ’Nimbir-o’ yigen-o.

LUKAS 13:34 Iomraidhean Croise

NEMIA 9:26

Alat nde, kilirak-nen-e kat kimin eyak nak worogolat, kat-nen yidnak yidnak kwarigit lak yiga-o. Nde, it-nen-e kat-nen idnak imiri mbarak pidnak wene ereba na-ge keya buruk, kat kene lomboksa yugwi nab-e ’Tuguruk nden karuk Kenmbal Pem Nagawan eram mberer-o’ luk yak undugwi ereba na nde indiga-o. Nagawan Indo wa-e. Iri nggal kwarogolar-e, it nen-e pempa kat enlengenma nggal tak kobogolat woraiga-o.

NEMIA 9:30

Iri kwarogola-t nde, kat-nen mamak puruk worasolar-e, nggomo ondosolar-e, yi olengen ndi olengen lak tak pigenma-o. Iri kwarosolar-e, kat kindi-nen it yak ondosolat-nen kat kene lomboksa yugwi nap enemndam tak posolar-e, nggomo kwarat yak indiga-t nde, kilirak iri-ge eneyanggo nggitlik puruk kwarogola-ge, ap enlem lombok yi wi ndi wi worali nap ereba na ininggem kegera keya inpigen-o.

NDAWI ENGGA 91:4

At-nen-e isiyamu-nen yemndak kubuwama, kar-e isiyamu arem kona irit woragun-o. At-nen mot mot tugup lak kwaroso-ge kat kundumno kwat ma-o.

YESAYA 30:15

Nagawam Indo Mondok Kek tak, Isarael nap Enmbal Pem Nagawan mondok marak iri na-nen at ilirak yak ondosolar-e: ”Kir-e meya kwarugwi keya buruk, wene lak kindiyabu wolmer-o. Iri kwarogola-ge, an-nen kinmiri-t yimin-o. Kit-nen nde yamuksa-t woragolat an nebem-et kinndi wat tak puruk woragola-ge, an-nen amawi rak kunpurak worala-t nde, kit-nen-e kinsili yili-o” luk yak indij-o.

YESAYA 50:2

Noluk-nen an lobok yosolat wene mbo onposola-ge, an nilirak ennggendumu-nen-e ap misiger-o luk mbi-nen nene erep nggarigit lag-o? It enne lak yiga iri-ge it-nen peragolar-e: ’At-nen-e wisirik nonposolat, ninmiri yosolat yurag-e amawi lag-o’ luk-nen enne lak yiga? Alat nde, ndemerer-e an-nen yidnak pem-e yi koma eberek tak posolat, yi oboksa ogorak nak ngguru rak posolat, yi lak-nen ndowaga keyane oboksa emben to yosolat kwarurag-e ndag-o.

YEREMIA 2:30

Kir-e an-nen nggomo kindidnak iri na wanigit lak yili me, wewesa-t an-e angin worak kenpem pusu-o. Singa ndakngge-nen isilepma yoso nggal, kir-e Mbal Pem Nagawan ene lomboksa yugwi nap undugwi-o.

YEREMIA 26:23

Wirik enpamu, mbirigarik, tuguruk inggi waruk Nagawan Yoyakim eram pil lobok yikma, nagawan-nen-e ”Wururag-o” yamu, wosa yigarik, ap oboksa yapma unpugwi sa iri na me mbo ibiga-o.

YEREMIA 6:16

Nagawan Indo-nen at ilirak yak ondosolar-e: ”Kir-e tu nandogol kandogolma ereba mendak woragolat, kwara lombot pogolat wolmer-o. Tula nanduk-nen mburugwi ereba na kwara kin wanogolar-e: ’Tula ereba na ennggenggerak-nen tula konag-e ngge-o?’ luk kin wanurag-o. Nde, kit-nen konak yamuksa woraboklug-e, tula irit mborogolat wolmer-o” luk yak indij-et nde, it-nen yogolar-e: ”Nir-e tula iri mbururag-e ninmbir-o!” luk yiga-o.

OSEA 11:2

Alat nde, an nambara iri-ge wene mbo obosola-t nde, ar-e nuruk nuruk nde mborosolat woraso-o. Nde, ar-e kugi Mbaal amanggim wam wosa kan posolat, kugwiwak erep ereba na amanggim emben konak mende kan posolat woraso-o.

OSEA 11:7

Ir-e mondok an keya nuburak lembe yili-o. Ir-e anggun panggun tak onpogola, ’Yongga nundurag-o’ luk enne mbo yuwa-t nde, ap mbi-nen yongga unduwa bug-o” luk yij-o.

YOEL 2:23

Sion woragwi nap wa-e. Nagawan Indo Kenmbal Pem Nagawan nak-nen konak nak kwat kunpusu pem-e kenalin kenalen yogolat, kijik kijak worogolat kenne lek ker-o! Iri kwat konposolar-e, engga lera mboso tarem-e talme kwarat wok kondoso-o. Nde, toro wok yoso tarem-e talme nggilara mberak pil mbuwaso-o. O sumbat woraruk, engga ambarok posolat tarem na, talme nanduk mboso ereba na nggal-et pil mboso-o.

MATIUS 22:3

Saga buruk, at ndegel ubugwi nap wirik enpamu, it yonggo inpidnak nap na wene mbo inpiga-t nde, it-nen nil lobok yurag-e larok yiga-o.

MATIUS 22:6

worakmu-ge, it erep-nen-e at ndegel ubugwi nap tena unpuruk, andi bandi rak unpuruk, mondok indiga-o.

LUKAS 15:28

Yosoloma-ge, owe na isilepma kwarat luk, o ma nggurak larok yosola-ge, eid na warik, ’Ma nggwi-o’ luk emengen mbarij-o.

LUKAS 19:44

It-nen-e kat min kat keleget arem woragwi nap min-e mondok irit lak tak kunpuwa-o. Nde, iri kwat konpogolar-e, kerep ebem lud lud kona pidnak misiger-o luk tet wolma bug-o. Mbal Pem Nagawan-nen kimiri yekluk lobok yosola, yenggerak pigit lak yigen pem, iri nggal kwat kubuwa-o!” luk yij-o.

LUKAS 23:28

Yogolikma-ge, Yesus na nden kaga it yik eneyasolat-nen yak ondosolar-e: ”Yerusalem kweyap yu-ge wa-e. An nubud yip tili meyog-o. Are, kit kondomok kenabuwa min kinlirak enabuwa min nde yip ter-o.

YIDNAK YIDNAK WENE 7:52

Mbal Pem Nagawan ene lomboksa yugwi nap, kit kenlawingga-nen lel mberel inpigit lak nab-e ta rak nag-o? Konak Nab-et lobok yuwa-o luk urul pogolat woraiga nab-e kit kenlawingga-nen indiga-o. Nde, yawo kit-nen na Konak Nap iri iminep wisirik puruk wirigep nar-o.

YIDNAK YIDNAK WENE 7:59

Nde, it na-nen kerep pem Sepanus worogola ereya na-net at-nen tepan yosolar-e: ”Nagawan Indo Yesus wa-e. An nindi-ge kat wani-o” luk yij-o.

YIDNAK YIDNAK WENE 8:1

Ereya tarem-e Yerusalem-nen lambuk tak inpidnak nap lel mberel unpugwi tel korogolar-e, it pidsa na ndi rak onpogolar-e, Yurea wi min Samaria wi min ndi rak inpiga-o. Nde, wirik inpidnak nap nak perak nde iri me woraiga-o.

TUGURUK YIDNAK WENE 32:29

It nde inndi worak nggal-nen-e it lak momtag-e inndi yebet kaleb-o.

NAM PARA WENE 11:8

It ontogwag-e o siri nggulok it Nagawan Indo na e lang pang tak pem wiridnak sa tulabiyem mbud tak wolma-o. Nde, o iri unu-ge nden karuk wene bem-e Sorom ala na, Mesira ala na irir-o.

URUT 2:12

Nde, kat-nen konak kwarigen ereba-ge Nagawan Indo-nen onggo puwag-o. Kar-e kimiri yuwakluk at eram lobok yidnak me, Nagawan Indo Isarael nap Enmbal Pem Nagawan-nen-e mondok kat wok kururag-et wok kuruwa iri na-ge wanonog-o” luk yak tij-o.