LUKAS 13:33 - Nanduk Ngget Tul Pidnak Wene

³³ Irit nde, yawo min kup min kup iri min woralar-e mborosolat woramin-o. Mbal Pem Nagawan ene lomboksa yoso nab-e wesu bem-nen wururag-e meya-o. Yerusalem-net wururag-o.

LUKAS 13:33 Iomraidhean Croise

MATIUS 20:18

”Nir-e yawo Yerusalem lali-o. Nde, Ap Ambara an-e wesera tepan omborak nagawan nagawan nde engga enaru nap nde inggem nubuwama-ge, it-nen-e an nuruwakluk niminep weserak puruk,

MATIUS 21:11

ap mondok kwarat iri-nen wene erep nggarogolar-e: ”At yu-ge Mbal Pem Nagawan ene lomboksa yoso nap Yesus, Nggalilea wi o Nasaret woraso nap-nen yusu-o” luk yiga-o.

LUKAS 9:53

at indi-ge Yerusalem mbururak wat tak pidnak me, o iri nap-nen Yesus wok uburak insili rak piga-o.

YOANES 11:54

Iri bem-e Yesus na Yawuri nap ennggendumu-ge nam-et waring kagit lak yij-o. Nde, Yurea na keya buruk, karu me koroga o siri misik unu-ge Eparaim iri me mberarik, at owosirak inmin woragaij-o.

YOANES 11:9

Yogolikma-ge, Yesus-nen yosolar-e: ”O misik nda yidnag-e duabelas jam nde kali bug-a? Nde, ap-nen-e lengge yaya bem waring kasolar-e, at ijok abis mbaroso bug-o.

YOANES 12:35

Yak togolikma-ge, Yesus-nen it yak ondosolar-e: ”Yaya iri-ge marig-et tarem nak kinmin wolma-o. Ndamug-e kendam mbuma naru, yaya kinmin worala ereya-t yaya na bem waring kagolat wolmer-o. Nde, ndamuk arem waring kaso nab-e ngge me nde mburusu-o luk kabag-et waring kaso-o.

YOANES 4:34

Yogolikma-ge, Yesus-nen it yak ondosolar-e: ”An numburu-ge an wirik nibil lobok yidnak nap iri na indi-n pidnak nak kwarosolat, at-nen yabu nebem pidnak na woroksa wanosolat yurak irir-o.

YOANES 9:4

An nibil lobok yidnak nap-nen kwaroso mende-ge o lengge worala-net kwarogolat wolmog-o. O ndamuk ma-o. Nde, o kubu yosola-ge, ap misiger-o luk tet yabu wanurag-e meya-o.

YIDNAK YIDNAK WENE 10:38

Nde, Mbal Pem Nagawan-nen Yesus Nasaret nap na ebem-e Konak Indi min amawi min kilik pidnak wene-ge kenaru nar-o. Mbal Pem Nagawan-e at imin woralat me, at waring kasolar-e, konak nak kwarosolat, Sere-nen yemen inpidnak nap oboksa ki rak inpil waring kagaij-o.

YIDNAK YIDNAK WENE 13:27

It Yerusalem woragwi nap min it ese mendak inpidnak nap min-e Yesus-er-o luk yenggerak pigit lak yiga-o. At wururak wene ebem mbariga iri-ge Mbal Pem Nagawan ene lomboksa yugwi nap-nen urul pidnak wene-ge we woragwi tarem-nen wonat tenak woragwi na ndak ndak tak pogolat-nen ebem mbariga-o.