LUKAS 13:29 - Nanduk Ngget Tul Pidnak Wene

²⁹ Yi wi ndi wi-nen lobok yogolar-e, mo luwaso sa-nen na, mo mboso sa-nen na, araptap abam nggwe, ena nggwe-nen na (utara, selatan) lobok yuwarig-e, Mbal Pem Nagawan-nen tenagaidnak wi iri me enalen pem wolma-o.

LUKAS 13:29 Iomraidhean Croise

NDAK WIRIDNAK WENE 28:14

Nde, kat-nen wigarag-e o liri nggal ligik lasolar-e, mo luwaso nggwe-nen mo mboso nggwe-nen abare ena nggwe-nen abam nggwe-nen oboksa it onnggweyak kwat ma-o. Nde, kat min kat-nen wigarak min kenpem-nen-e yi ap ndi ap oboksa imbiringgat tak inpimin-o.

YESAYA 43:6

An-nen-e abare abam (utara) nggwe min abare ena (selatan) nggwe min yak tosolar-e: ’An nilirag-e pem tena unpuruk wolmomtak pug-o. Ndag-et nak lera keya enper-o’ yimin-o. An nambararag-e erepma-nen lobok yogolat, an nararag-e nggweyak erep yoboksa-nen lobok yogolat ma-o.

YESAYA 49:6

Nagawan Indo-nen an yak norosolar-e: ”Ndegel noboso nap wa-e. Yabu mondok nggok terak minik lombog-e kat-nen wanurak worasu-o. Kat-nen wanurak yabu-ge Yakup-nen wigarak erep minggirik ereba kek tak woraiga ereba na tuguruk kek tak onposolat, enma inpil mborosolat kwarurak iri nak worasu-ge lag-o. Alat nde, yi wi ndi wi oboksa-nen inmiri yuwakluk, an-nen kar-e ap enlem oboksa ennggendumu yaya rak kibimin-o” luk yij-o.

MALEAKI 1:11

Yi nap ndi nap yi wi ndi wi worali-nen an kek tak nibili-o. Ap enlem oboksa-nen an kek tak nobogolar-e, nin me nan me oboksa an nunu kek tak pogolat emben konak mende namanggim kan pogolat, an namanggim wosa purak mende ndak ndag-et kan pili-o.

MATIUS 8:11

An-nen yak kendeyeg-o: Ap kwarat, mo luwaso sa-nen na, mo mboso sa-nen na, lobok yuwarik, Mbal Pem Nagawan-nen tenagaidnak wi iri me mburu nokluk, Abaram min Isak min Yakub min inmin kore yuwa-t nde,

MARAKUS 13:27

Lobok yosolar-e, at ilirak o nggweyak unggut empat nggwe-nen na o nggweyak erep woroksiyem min mbal erep worksiyem min-nen na oboksa ndok wat unpuwaklug-e, aid nap iri wirik unpuwa-o.

LUKAS 13:30

Iri tarem-e ndemeret abok yidnak nab-e nanduk ma-o. Nde, nanduk yidnak nab-e abok ma-o” luk yij-o.

YIDNAK YIDNAK WENE 28:28

Iri bem-e mondok kenaru wolmer-o. Mbal Pem Nagawan-nen ap inmiri yurak wene yu-ge enlem nin nap endam wirik pij-o. It-nen perak kuluwa-o” luk yak indij-o.

KOLOSE 1:23

Nde, mbigija-ge kit-nen kinndi angin tubu yidnak pem mondok tugup lak woragolar-e, aid wene kuligep na bem kinndi mbung mbung tak woraidnak na amawisa-t wanogolat woragup na-e. Aid wene iri-ge nggweyak ma woragwi nap oboksa yak indidnak wene-nen yusu-o. Nde, Paulus an-e aid wene iri ndegel oboso nap-nen yusu-o.

KOLOSE 1:6

Nde, kit kendam wok yid aid wene iri-ge iri nggal-et nggweyak ma yu me yi wi ndi wi wigak yosolar-e, ebe kwat yusu-o. Mbal Pem Nagawan-nen we wok ondoso elem obok na kulurug-e, ndemeret kenaru yigep kuri-nen yawo tarem-e kit kennggendumu-nen na irit aid wene wigak yusu-o.