LUKAS 13:24 - Nanduk Ngget Tul Pidnak Wene

²⁴ ”Tumende mboronggo iri me nggurak pem-e kenmawi ler-o. An yak kendeyeg-o. Ap kwarat-nen-e ngguwokluk yuwa-t nde, nggurag-e meya ma-o.

LUKAS 13:24 Iomraidhean Croise

YESAYA 1:15

Kit kininggi iri-nen ap wurugwi me, kit-nen nde tepan yuwokluk kininggi nuk karuk tepan pempa kundugu yugub-et nde, nombol wok kunduruk woramin-o.

YESKIEL 33:31

Iri luk, nggwid nggwid lobok yogolar-e, an nilirak nggal kwasa kore luk, kat kene kulili-t nde, kat-nen enpem pusu ereba na ir-e kwatli bug-o. It enemnde bem-nen-e enabuwa kagwi wene wirik pili-t nde, inndi arem-nen-e it ondomok ukwe ukwe mende lesa wanurak iri nak yebet kali-o.

MATIUS 11:12

Ap yi maroso nap Yoanes na lobok yid kuri-nen yawo kuri-ge Mbal Pem Nagawan-nen tenagaidnak wi iri na winde yuwokluk enmawi kondogolar-e, Mbal Pem Nagawan elem nap pela mbo mbo rak inpili-o.

LUKAS 13:23

Nde, ap misik-nen at yak tosolar-e: ”Nab-o. Ab-e wonarak nak inmiri yuwa, lak?” luk kin wok obosoloma-ge. Yesus-nen it yak ondosolar-e:

LUKAS 21:36

Nde, abok kenpem mbuma mende inggem-nen mengga mbururak amawi wok kondosolat, Ap Ambara an nimbiri bem mendak wolmomtak nap tak konposolat makluk, kir-e kunluk woragolat, tepan kundugu kundugu yogolat wolmer-o” luk yij-o.

YOANES 13:33

Nilirak wa-e. Kit kinmin-e we siyag-et nak woramin-o. Ap nogore yugub-et nde, an-nen Yawuri nap yak indigi nggal, kit na irit yak kundusu-o. An mbirimin sa-ge kit-nen wok momtag-e meya-o.

YOANES 5:4

Nde, misik tarem misik tarem-e Nagawan Indo-nen idnak aid nap mbuwasolar-e, ereya na-net yi ugup lerak iri na wuruk kemek tak poso-o. Nde, yi wuruk kemek mbosola, nandug-et nggwidnak nap iri na nak at kugi worak woraidnak na-ge ki yoso-o.]

YOANES 6:27

Lak yosolat, emben yosolat yoso nunggwi mende iri-ge ndegel tenak momtak pug-o. Are, emben yoso buk, pem-et unlug-et woralik nalik yaga wok ondoso nunggwi mende irit ndegel tenak wolmer-o. Nde, Ap Ambara an-e Neid Mbal Pem Nagawan-nen lenak nibidnak me, iri yidnak nunggwi mende iri-ge Ap Ambara an-nen wok kindimin-o” luk yij-o.

YOANES 7:34

Nde, kit-nen an woramin sa iri me wok momtag-e meya me, kir-e an nogore yugub-et nde, neyagit lak yugub-o” luk yij-o.

YOANES 8:21

Iri luk, Yesus-nen it tuguruk yak ondosolar-e: ”An-e mbirimin-o. Nde, kit-nen an nogore yugub-et nde, kit meya yidnak min woragolat-net wat yugub-o. An mbirimin sa kit-nen wok yil mbururag-e meya-o” luk yak indij-o.

OROMA 10:3

Mbal Pem Nagawan-nen ap lud tak nak unpurak kwaroso iri-ge ir-e nenaru buk me, it inndi-n pidnak pem lud tak nak unpuwa-o luk peragolar-e, ir-e Mbal Pem Nagawan indi-nen pidnak na kwatli bug-o.

KOLOSE 1:29

Iri kwat unpurak pem an-e namawi min-et yabu wok tenak woralar-e, Kerisut-nen wok niridnak amawi kwarat iri na bem-nen yabu wanusu-o.

IBERANI 4:11

Iri bem-e it nanduk inndi angin tubu yigit lak yidnak pem nggwigit lak yiga na nggal, Mbal Pem Nagawan indisep kwaroso sa nit nennggendumu ap misiget ter-o luk nggwigit lak yul-o luk Mbal Pem Nagawan indisep kwaroso sa iri me nggurak pem kwara lombok nenmawi kunduwog-o.

YOSUA 7:3

mbirigarik, it na lobok yogolar-e, wene-ge Yosua yak til lobok yogolat-nen yogolar-e: ”Nit oboksa-t mbutluk Ai wi narurag-e meya-o. Are, ab-e dua ribu (2.000) nggal, tiga ribu (3.000) nggal nak wirik unpurag-o. Nde, o iri-ge o siri-ge marik me, san ombo oboksa wim ngguwakluk iri me nak wirik unpurag-e lag-o” luk yak tiga-o.

2 PETERUS 1:10

Nanggamirak wa-e. Iri bem-e Mbal Pem Nagawan-nen wene mbo kunpuruk, len kinpid iri na bem tugup lak worabokluk, mondok kwara kenmawi konder-o. Kit nde iri nggal kwarogolar-e, kunuwok pijaksa wosa mbugup pug-o.