LUKAS 13:17 - Nanduk Ngget Tul Pidnak Wene

¹⁷ Iri yosola kulurug-e, Yesus imin wene eyak wiriga nap oboksa-ge innggiri kaiga-o. Nde, ap erep oboksa-ge Yesus-nen kwaridnak mende pidsa-ge wi yurak mende ala karuk, enalin enalen kaiga-o.

LUKAS 13:17 Iomraidhean Croise

NDAWI ENGGA 111:3

Nagawan Indo-nen kwaroso iri-ge nggok erembel wanurak-nen yusu-o. At-nen mot mot kwaroso-ge pem irit woralik nalik woraso-nen yusu-o.

NDAWI ENGGA 132:18

At-nen tenagidnak wi-ge mondok kona yamuksa woragolat, enalen pem nak irit wolma-t nde, at uwim nab-e innggiri rak pimin-o” yij-o.

NDAWI ENGGA 40:14

An nururak yili nab-e mondok urugwe nggwe rak unpugunmu, inndi kabaksa mburuwag-o. Anggun panggun kaidnak pem nigid pogolat enalen kali nab-e innggiri yaga wirik inpi-o.

MBIRIGA WENE 15:11

Nagawan Indo kabinal worak kek tak wa-e. Nin Mbal Pem Nagawan ngge nggal-nen kat kimin ndak wuruwa-o? Nagawan Indo kat-nen kwiye worak mende min wi yurak mende min kwarusu yeba nggal-e ta nggal-nen kwaruwa-o?

YESAYA 45:24

Ap-nen yogolar-e: ’Nagawan Indo nak-nen ombol nggwe yugwi elem min mot mot kwarugwi elem min iri-ge wok ondoso-o’ luk yuwa-o. Alat nde, an insili rak nubugwi nap oboksa-nen an neram lobok yogolar-e, innggiri ma-o.

YESAYA 66:5

Kit Nagawan Indo aye worak woragolat, at-nen yidnak yidnak kwatli nap wa-e. Nagawan Indo-nen yak kundusu wene kwara koler-o. At-nen yosolar-e: ”Kit-nen an-nen yidnak yidnak tugup lak kwarogolat worali bem-e, kit kenlem nap ennggendumu ap erep-nen-e insili rak konpogolat, kit kinmin kundurak insili yili-o. It-nen pesel konpogolat-nen yogolar-e: ’Kit-nen kenalen kagola, nit kujwok-nen Nagawan Indo-nen at-nen kek tak woraso iri na mirik nunpuwag-o’ luk yili-o. Alat nde, it ondomok nde innggiri ma-o.

LUKAS 14:6

it-nen-e wene iri onggo yurag-e puk nak yiga-o.

LUKAS 18:43

Yak tosoloma ereya na-net at erengen kuwak yosoloma, Yesus langgal luk mborosolar-e, Mbal Pem Nagawan wiwa-o luk yil yil mbirij-o. Iri kwaridnak karuk, ap oboksa-nen Mbal Pem Nagawan erembel waniga-o.

LUKAS 19:48

ap pidsa-ge at-nen yidnak wene kulurak inndi nak yogolat, at-nen yidnak wene nak kologola karug-e, at wururak meya nde agaij-o.

LUKAS 20:40

Iri bem-e it-nen Yesus kin wok uburag-e kwiye yiga-o.

YIDNAK YIDNAK WENE 4:21

Yak ondogolikma-ge, tuguruk enne amawi min-et watsa yak ondogoluk, mberen nap na wisirik inpiga-o. Mberen nap-nen kwiye worak mende kwaridnak ala karuk, ap pidsa-nen Mbal Pem Nagawan erembel wanogolat woragola karuk, ap ereba na inndi aye-nen it andi bandi rak unpurak elem-e lak me, wisirik inpiga-o.

2 TIMOTIUS 3:9

Alat nde, Yanes min Yamberes min-nen lugud tak kwariga na nggal, it-nen lugud tak pidnak na ap pidsa enaru ma me, ndemeret it-nen woragwi-ge nin ma bug-o.

TITUS 2:8

Kat kene eyak wurugwi nap-nen nit nonpok puwokluk yuwa-t nde, nit-nen yidnak yidnag-e konak nak ala, pesera mbuwakluk, kat-nen wene yosolar-e, kwalug-et ap-nen obok purak puk wene-t yurag-o.

1 PETERUS 3:16

Alat nde, kinndi yanggonak, teberak pem-net kit kinndi mbek tak woragolat-nen wene onggo yurag-o. Iri kwarogola-ge, kir-e Kerisut ebem woragolat-nen konak nak kwarugwi me, kit konpok pili nap na innggiri ma-o.