LUKAS 13:11 - Nanduk Ngget Tul Pidnak Wene

¹¹ Iri me-ge kwe mbi kugi arem nggwidnak me, kugi worak nak olengen delapan belas worasolar-e, ombolwak tumbu yidnak me, motsa men yurag-e meya irit woragaij-o.

LUKAS 13:11 Iomraidhean Croise

AYUP 2:7

Yosoloma, Sere iri na-ge Nagawan Indo eram-nen mborosolar-e, Ayup iri na ebem-e marigot ebem yela, ijok abis kuri-nen ereltel kuri irit woroksa yela keya bij-o.

NDAWI ENGGA 145:14

Nagawan Indo-nen-e anggun panggun arem woragwi nab-e yongga ondosolat, teberak inpidnak nab-e mendak onposolat kwaroso-o.

NDAWI ENGGA 146:8

Enlengen ngguru woragwi nab-e enlengen kuwara keya bosola, kona yik kagwi rak onposolat, wosa mbidnak nab-e at-nen mendak onposolat, mot mot woragwi nab-e enabuwa kasolat kwaroso-nen yusu-o.

NDAWI ENGGA 42:5

An-e noluk-nen nindi puru yosolat, yane wurusu-o? An-e Mbal Pem Nagawan ebem nak nindi wat tak puruk worasu-o. Iri kwarosolar-e, an-e tuguruk at erembel wanosolat, Nembal Pem Nagawan, nimiri yoso nap iri nak wa yak tosolat woramin-o.

MATIUS 4:23

Yesus na-ge o Nggalilea uwi iri me oboksa waring kasolar-e, Mbal Pem Nagawan uwi worak ma-nen ap mul ondosolat, Mbal Pem Nagawan-nen tenagaidnak wi wene na ap yak ondosolat, ap kugi worak min kugi nin tak nan tak enpem mbidnak nap min ki rak inpil waring kagaij-o.

MARAKUS 9:21

Wasola karug-e, Yesus-nen la iri na eid kin wok obosolar-e: ”Yu kwaroso-ge mepme tarem-nen tel kwirij-o?” luk kin wanosola, at eid-nen erep nggarosolar-e: ”Marik mu-net kwaroso-o.

LUKAS 13:12

Nde, Yesus-nen kwe iri na karuk, ene ngguloksa yak tosolar-e: ”Niya wa-e. Kat andi kaso mende-ge lak tak kibigi-o” luk yak tij-o.

LUKAS 13:16

Nde, Abaram-nen wigarak kwe yu-ge Sere-nen kamarak puruk olengen delapan belas pem woraidnak yu-ge we woragwi tarem-nen wisirik uburag-e meya-a?” luk yij-o.

LUKAS 21:28

Nde, an yigi yeba kwat yosola karug-e, ’Nit ninmiri yurak tarem na panggo yusu-o’ luk men luk kundugun pugaksa wolmer-o” luk yij-o.

LUKAS 8:2

Nde, kugi enarem ngggwidnak min kugi enpem mbidnak min ki rak inpidnak kwami-nen na imin-et waring kaiga-o. It unnu-ge: Kugi tuju at arem-nen wirik pidnak kwe Maria Magaralena-o yugwi na min:

LUKAS 8:27

Wok luk, Yesus na kenangga wesi bem mbosola-ge, ap o siri iri me woraso nap kugi arem nggwidnak nap mbi imin lambuk yij-o. Ap iri na-ge obi-net sum keya buruk, we koro nderak woraso-o. Nde, ar-e oma nene yoso buk, ap yapma inpidnak sa nak nene yil noso-o.

LUKAS 8:43

Mburukmu-ge, kwe misig-e eyabi mborosolat nak olengen duabelas woraidnak kwe iri mbi woragaij-o. Ndoktet kwarat-nen yongga wuruwakluk, kwe na-nen-e arengge pidsa ondoro rak pij-et nde, ar-e ki yoso bug-o.

YIDNAK YIDNAK WENE 3:2

Lagola-ge, ap misig-e ija arem-net ijok nggorak ndesa mbidnak nap iri worala-ge, Mbal Pem Nagawan ama nggugwi nap enpem tol nggi tenak wolmakluk, ap iri-ge Mbal Pem Nagawan uwi Konak Tumende bem pelin na pelin na kamboksa ibil lobok yugwi nap irit woragaij-o.

YIDNAK YIDNAK WENE 4:22

Kwiye worak mende kwasa ki rak pidnak nap iri-ge molengen lasolat mbosolat empat pulu (40 tahun) nggal woraidnak nab-o.