LUKAS 12:21 - Nanduk Ngget Tul Pidnak Wene

²¹ Nde, ap-nen Mbal Pem Nagawan erengen pem silobulo winde yurak peragit lak-nen at ondomok isilobulo winde yurak perasu nab-e iri nggal-et kwat ma-o” luk yij-o.

LUKAS 12:21 Iomraidhean Croise

NGGOMO WENE 13:7

Ap erep-nen-e: ”An-e yi mende ndi mende ombo-o” luk inmidwak lel kali-t nde, insilobulo-ge lak-net nde yili-o. Nde, ap erep-nen-e yi mende ndi mende ombo-net nde, ”An-e nisilobulo lag-o” luk yili-o.

ABAKUK 2:9

Kir-e anggun panggun mende min lak tak onposo mende min kit kenpem mbud ma naru, kit kunuwi konag-et wolmakluk abuwokma-nen ndogorogolar-e, kit kinsilepma bem-nen wanidnak mende ereba na bem-nen konkwela-ge ukwe lak yaga ndak yaga wok indili-o. Iri bem-e kir-e kinmbiri lamut mer-o!

LUKAS 12:33

Kit kinsilobulo onggo wanurug-e onggo wok kindidnag-e insilobulo lak nap tembesa wok ender-o. Konkot manik ndelep yoso buk yaguruk, kinsilobulo lak yurak puk sa aid arem pogolat wolmer-o. Nde, aid arem pidnak me-ge, yariya wanugwi nap-nen yariya wanogolat, sil-nen mbarosolat yoso buk sa me, lag-e ma bug-o.

LUKAS 16:11

Nde, kat-nen-e nggweyak ma mende yu wanosolar-e, mot mot kwarigit lak ala-ge, piri yoso buk mende-ge ta-nen nde kinggem puwa-o?

LUKAS 6:24

Alat nde, kit yawo yi mende ndi mende ombo worali nab-e iri na bem-nen kenalen min worali me, kenabuwa-o!

OROMA 2:5

Alat nde, kit kinndi amawi luk, kondok yili bug-o. Iri-nen ndowaga Mbal Pem Nagawan isilepma luk lud tag-et ap enpem wene mbaruwa tarem-nen-e kenpem wene mbarurak iri na kenambikpebe kenare pili-o.

2 KORINTUS 6:10

Ninndi puru pera yili-t nde, nir-e pempa nenalin nenalen yili-o. Ninsilobulo na lak nab-et nde, nir-e ap kwarat insilobulo worak tak inpili-o. Nit nenarengge lag-et nde, nir-e yi mende ndi mende oboksa winde-nen yili-o.

1 TIMOTIUS 6:9

Alat nde, ”Ninsilobulo worak nap yuwog-o” yugwi nab-e it inndi ngaroso mende bem-nen wosa mbogolat, kere ma ngonok yogolat, ebe lak mende, meya rak onposo mende irit ukwe ukwe yili-o. Iri mende-nen-e ap abapno rak onposolat, ap lak tak onposolat yoso-o.

YAKOBUS 2:5

Kenabuwa worak nanggamirak wa-e. Wene yu koler-o. Nggweyak ma nap-nen enarengge lak eneyali nab-e Mbal Pem Nagawan-nen len onposolar-e, inndi angin tubu yugwi elem kwara winde rak unpuruk, Mbal Pem Nagawan abuwa kagwi nap enmanggim urul pidnak at-nen tenagaidnak wi na winde rak enpeyekluk len inpij-o.

NAM PARA WENE 2:9

Kit kenpem anggun panggun mbusu mende min kit kinsilobulo lak worali iri-ge an-e naru-o. Alat nde, kir-e kinsilobulo worak-net yili-o! Ndemeret Yawuri nab-e lag-et nde, ’Nir-e Yawuri nap-nen yili-o’ yili nap-nen konpok pili na an-e narur-o. Nde, it iri-ge Sere ilirak-net yili-o.