LUKAS 12:18 - Nanduk Ngget Tul Pidnak Wene

¹⁸ Yebet karuk, at ondomok arem-nen perasolar-e: ’Lag-o. Yawo yu nggal kwarimin-o. An nambato min nisilobulo erep min pil nggurak pem-e, nisilobulo poso o iri mijarimindik, tuguruk nggoksa wirimin-o.

LUKAS 12:18 Iomraidhean Croise

MATIUS 6:26

Pubu nak noso towe iri nde ker-o. Towe iri-ge uwi pil karuk, ebe pidnak na-ge mbara poso sa poso bug-et nde, Kineid aid arem woraso iri-nen-e nunggwi mende mak toso-o. Nde, kir-e towe iri nggal-e lag-o. Kir-e terak minik yu kali bug-a?

LUKAS 12:17

Iri ala-ge, at indi-nen yebet kasolar-e: ’An nonggweyak yu bem-nen ebe mbaridnak ondoro purag-e ngga pu nggal yusu me, ngge nggal nde kwarimin-o?’ luk yebet kagaij-o.

LUKAS 12:19

Iri wirimindik, an nondomok nimin yosolar-e: Kar-e yi mende ndi mende konak nak pidsa winde yigendik me, yi olengen ndi olengen woralar-e, lag-e ma bug-o. Kombol kwarosolar-e, nunggwi mende min yi min nasolat, kalen pem-et wolmin-o! luk yimin-o’ luk peragaij-o.

LUKAS 12:21

Nde, ap-nen Mbal Pem Nagawan erengen pem silobulo winde yurak peragit lak-nen at ondomok isilobulo winde yurak perasu nab-e iri nggal-et kwat ma-o” luk yij-o.

LUKAS 12:24

Towe nggurin iri na ker-o. Towe na-nen-e uwi yagoso buk, ebe mbaroso buk, at-nen engen mbara ndok wosa pil nggurak o na lag-et nde, Mbal Pem Nagawan nak-nen nunggwi mende mak toso-o. Nde, kir-e towe min ndak ndag-e lag-o. Kir-e kinndi worak terak minik-nen yili-o.

LUKAS 18:4

ap iri na ene kola nak keya berenak woragaij-et nde, misik tarem-nen perasolar-e: ’An-e Mbal Pem Nagawan indi aye kaso buk, ap erep na nggok tak onposo bug-et nde,

LUKAS 18:6

Iri yuruk, Nagawan Indo-nen yosolar-e: ”Wene mbaroso nap mot mot kwaroso buk-nen yidnak wene iri kwara yebet ker-o.

YAKOBUS 3:15

Inndi nggat nggat elem iri nggal iri-ge aid arem-nen mbuwaidnag-e lag-o. Are, nggweyak ma mende-nen yusu-o. Konak Indi-nen idnag-e lag-o. Sere-nen idnak-nen yusu-o.

YAKOBUS 4:13

Kit-nen yogolar-e: ”Yawo ala na, kup ala na, nir-e o siri misik me mburulndik, olengen misik iri me woragolar-e, nenarengge wene wutluk, uwang lesa wanogolat wulmul-o” yili-t nde, an yak kindimin yu kwara koler-o.

YAKOBUS 4:15

Kit-nen wene yurag-e yu nggal-o: ”Nagawan Indo indi-n pidnak ala, nunluk woragolar-e, yi kwatlik ndi kwatlik kwarul-o” luk yurak ob-o.