LUKAS 12:17 - Nanduk Ngget Tul Pidnak Wene

¹⁷ Iri ala-ge, at indi-nen yebet kasolar-e: ’An nonggweyak yu bem-nen ebe mbaridnak ondoro purag-e ngga pu nggal yusu me, ngge nggal nde kwarimin-o?’ luk yebet kagaij-o.

LUKAS 12:17 Iomraidhean Croise

AID WENE YOSO NAP 11:2

Korol erem wolosolar-e, nin me nan me ereba me posolat, kwarat tu nin tak nan tak kore yosolat kamawi kundurag-o. Nde, ap-nen-e enpem mboso mende enpem mbigit lak ma-net awo ma lid lud tak puruk woragwi-o.

YESAYA 58:7

Kit-nen idnak nunggwi mende-ge ap nere worali nab-e tembesa wok undurag-o. Ap unuwi na lak, enlengen ma na lak nab-e kenma rak onpogolat, ap unsum lak nab-e sum yirik onpogolat, kondomok keneyabi minggirik-nen ’Yongga nundurag-o’ yogola-ge, enne-t kulurag-o.

MATIUS 16:7

Yak ondosoloma-ge, it-nen wene yak kerak mbogolar-e: ”Wene iri yid iri-ge nir-e oroti waruk lobok yigit lak ala-nen iri yij-o” luk yiga-o.

MATIUS 5:42

Nde, ap-nen nde kat karengge mbi kebem nggi yosola-ge, wok turag-o. Nde, ap-nen nde kat karengge luru tena woramindik wok kirimin-o luk yosola-ge, ene kola keya burak pug-o.

LUKAS 10:25

Iri lug-e, imiri mbarak pidnak wene mul ondoso nap misik lobok yarik, Yesus indi nggarosolat-nen yosolar-e: ”Mul Ondoso Nap wa-e. An-e nurug-et woralik nalik momtak elem waneyek-nen no kwarimin-o?” luk yij-o.

LUKAS 11:41

Alat nde, kit kinidmbe min kin piring min arem worasu irit ap insilobulo lak nab-e wok undurag-o. Nde, iri nggal kwarogola-ge, kit kenambigir-e marak irit kwat ma-o.

LUKAS 12:16

Iru luk, Yesus-nen nden karuk wene bem it yak ondosolar-e: ”Isilobulo worak nap mbi onggweyak miri iri-nen-e yagaidnak tengge-ge ebe kwarat yosolat woragaij-o.

LUKAS 12:18

Yebet karuk, at ondomok arem-nen perasolar-e: ’Lag-o. Yawo yu nggal kwarimin-o. An nambato min nisilobulo erep min pil nggurak pem-e, nisilobulo poso o iri mijarimindik, tuguruk nggoksa wirimin-o.

LUKAS 12:22

Iri luk, Yesus-nen at owosirak na yak ondosolar-e: ”Iri bem-e wene yu yak kundusu-o. Kit woragolat kit-nen norak mende min yururak sum min ereya bem-e kit kunmud kudtak pug-o.

LUKAS 12:29

Iri bem-e, ’Mburu min yi min no nul-o?’ luk, kinndi kabak yurak pug-o.

LUKAS 12:33

Kit kinsilobulo onggo wanurug-e onggo wok kindidnag-e insilobulo lak nap tembesa wok ender-o. Konkot manik ndelep yoso buk yaguruk, kinsilobulo lak yurak puk sa aid arem pogolat wolmer-o. Nde, aid arem pidnak me-ge, yariya wanugwi nap-nen yariya wanogolat, sil-nen mbarosolat yoso buk sa me, lag-e ma bug-o.

LUKAS 16:3

Iri yak tosola-ge, tol ndok woroso nap na indi-nen yebet kasolar-e: ’An neid-nen we nap tak nubusu yu-ge nggweyak yalurak na namawi lak, nggi yurak na ninggiri kwarat me, ngge nde kwarimin-o?

LUKAS 16:9

Yurug-e Yesus-nen yosolar-e: ”An yak kendeyeg-o. Nggweyak ma mende yu-nen-e kanggamirak momtak nap indi yangoner-o. Iri ala-ge, nggweyak ma mende na lak ma-t nde, unlug-et pem wolmomtak sa-nen wok kunpuwa-o.

LUKAS 18:22

Iri yosoloma kulurug-e, Yesus-nen at yak tosolar-e: ”Kat-nen mondok kwarurak mende misiget mbi keya bigen-o. Kat karengge pidsa onggo wanosoluk, onggo wanidnak tengge na insilobulo lak nap tembesa wok undugunmu-ge, an nimin ni-o. Iri yugundik pem-e aid arem-nen silobulo kwarat winde yugun-o” luk yak tij-o.

LUKAS 19:17

Yosoloma-ge, eid na-nen at yak tosolar-e: ’Konag-o! Kar-e yabu konag-et wanoso nab-o. Nde, kar-e marik kwarurak pem mot mot kwarigen ala-ge, o siri sepulu-ge kat-nen tena woranok-nen kinggem pimin-o’ luk yak tij-o.

LUKAS 3:11

Yogolikma-ge, Yoanes-nen it yak ondosolar-e: ”Sum mberen worak nap-nen-e misig-e sum lak nap wok tosolat, nunggwi mende worak nap-nen na iri nggal-et kwasa tumbururag-o” luk yij-o.

YIDNAK YIDNAK WENE 16:30

Iri lug-e, mberen nap na mbepme inpil wasolat-nen yak ondosolar-e: ”Naptag-o. An nimiri yuwakluk, an-e no kwarimin-o?” luk yij-o.

YIDNAK YIDNAK WENE 2:37

Iri yosola kuluruk yigarig-e, it-nen inndi andi min-et Peterus min it wirik inpidnak nap erep na min yak ondogolar-e: ”Nowe nowot wa-e. Ngge kwarul-o?” luk yiga-o.

OROMA 12:13

Inndi angin tubu yidnak nap-nen ukwe peraidnak mende-ge yongga ondogolat wolmer-o. Ap sal na kinndi mbek tak pem-et kinmin tak unpuruk kenma rak enper-o.

1 TIMOTIUS 6:17

Nggweyak ma mende winde nap nggomo ondosolar-e: ”Kenambik kek yurak pug-o. Lak wolmomtak mende iri bem kinndi-ge mbung mbung tak wolmomtak pug-o. Are, nit nenalen kujwakluk, yi mende ndi mende kwarat tak nonposo Mbal Pem Nagawan ebem nak kinndi mbung mbung tak wolmer-o” luk nggomo indi-o.

1 YOANES 3:16

Ap enabuwa kagwi elem-e yu bem-nen nenaru yili-o: Kerisut-e nit nenmanggim at-net at iminep wisirik pij-o. Iri nggal-et nit-nen na nit nennggamirak enmanggim nit-net nit ninminep wisirik purag-o.