LUKAS 12:16 - Nanduk Ngget Tul Pidnak Wene

¹⁶ Iru luk, Yesus-nen nden karuk wene bem it yak ondosolar-e: ”Isilobulo worak nap mbi onggweyak miri iri-nen-e yagaidnak tengge-ge ebe kwarat yosolat woragaij-o.

LUKAS 12:16 Iomraidhean Croise

NDAWI ENGGA 73:12

Meya yugwi nab-e iri nggal kwarak woragolar-e, yamuksa woragolat, enarengge mende na kwarat nambena mbo lasolat woragwi-o.

NDAWI ENGGA 73:3

Iri kwarigi iri-ge an-nen yik kasoma, inndi-nen kek yugwi nap ininggem-e ebe worak ala karuk, ”Ar-e iri nggal-et nde, an-e noluk-nen-o?” luk nerengen ale yosoma, iri nggal kwat yigi-o.

OSEA 2:8

Kiniya-nen-e an-nen nggandum mbato wok tosolat, anggut engen amburu wok tosolat, saitun amburu wok tosolat, at-nen kugwi Mbaal erembel wanosolat-nen wanurak emas perak oboksa wok tosolat kwaroso ereba na-ge ’At-net wok nirij-o’ luk nam yoso bug-o.

MATIUS 13:8

Uwi ereb-e nggweyak konak pem mbid iri na-nen engen posolar-e, ereb-e seratus nggal posolat, ereb-e enam pulu nggal posolat, ereb-e tiga pulu nggal posolat yij-o.

MATIUS 5:45

Iri kwarugup pem-e kit kineid aid arem woraso ilirak tugub-o. Kineid iri-nen at omolengen yemberak pil lobok yosolar-e, meya nap enpem na irit, konak nap enpem na irit, poso-o. Nde, talme engen pil mbuwasolar-e, lud tak nak kwarugwi nap enpem na irit, meya nak kwarugwi nap enpem na irit, pil mbuwaso-o.

LUKAS 12:15

Yurug-e, Yesus-nen ap pidsa iri me worali na yak ondosolar-e: ”Ab-e enarengge kwarat winde yidnak iri na bem nak woragwi buk me, kinndi silobulo ukwe ukwe yugwi indi kenpem mbuma naru, kwara wolmer-o” luk yij-o.

LUKAS 12:17

Iri ala-ge, at indi-nen yebet kasolar-e: ’An nonggweyak yu bem-nen ebe mbaridnak ondoro purag-e ngga pu nggal yusu me, ngge nggal nde kwarimin-o?’ luk yebet kagaij-o.

YIDNAK YIDNAK WENE 14:17

Irit nde, at na at-net nam yaga mirik konposolat-nen konak mende nin tak nan tak wok kondosolar-e, mbal nggwe-nen talme wok kondosolat, ndilagi woragwi tarem na wok kondosolat, nunggwi mende wok kondosolat, kenalen tak konposolat yoso-o” luk yiga-o.